ನವದೆಹಲಿ: ಬಾಲಿವುಡ್ನ ಹೆಸರಾಂತ ನಟಿ, ಟಿವಿ ಸೀರಿಯಲ್ ಕಲಾವಿದೆ ರೂಪಾಲಿ ಗಂಗೂಲಿ ಇದೀಗ ಅಧಿಕೃತವಾಗಿ ಬಿಜೆಪಿ ಸೇರ್ಪಡೆಗೊಂಡಿದ್ದು, ಲೋಕಸಭಾ ಚುನಾವಣೆಯ ಸಮೀಪದಲ್ಲಿ ಪಕ್ಷ ಸೇರಿರುವುದು ಕಮಲಕ್ಕೆ ಮತ್ತಷ್ಟು ಬಲ ತುಂಬಿದಂತಾಗಿದೆ.
ಇಂದು ದೆಹಲಿಯಲ್ಲಿರುವ ಬಿಜೆಪಿಯ ಪ್ರಧಾನ ಕಛೇರಿಯಲ್ಲಿ ಪಕ್ಷ ಸೇರಿದ ನಟಿ, ಬಳಿಕ ಮಾತನಾಡಿ, "ಈ ಸ್ಥಾನದಲ್ಲಿರಲು ನನಗೆ ಬಹಳ ಸಂತೋಷವಿದೆ. ಈ ಕಾರ್ಯದಲ್ಲಿ ತೊಡಗಿಸಿಕೊಳ್ಳಲು ಪ್ರಧಾನಿ ನನಗೆ ಸ್ಪೂರ್ತಿ. ನಾನು ನರೇಂದ್ರ ಮೋದಿ ಅವರ ದೊಡ್ಡ ಅಭಿಮಾನಿ. ಬಿಜೆಪಿ ಮಾಡುತ್ತಿರುವ ಅದ್ಭುತ ಕೆಲಸ ಕಾರ್ಯಗಳೇ ಇಂದು ಪಕ್ಷ ಸೇರಲು ಕಾರಣ. ಇದಕ್ಕೆ ಮೋದಿ ಹಾಗೂ ಪಕ್ಷಕ್ಕೆ ಧನ್ಯವಾದ ತಿಳಿಸುತ್ತೇನೆ" ಎಂದಿದ್ದಾರೆ.