ಕಾರವಾರ: ನವ ದಂಪತಿ ಗೋವಾ ಗಡಿ ದಾಟಲು ಸಂಕಷ್ಟ ಅನುಭವಿಸಿದ ಘಟನೆ ಶುಕ್ರವಾರ ನಡೆದಿದೆ. ಮುಂಡಗೋಡಿನ ಕಿನ್ನಿ ಓಣಿಯ ಯುವತಿಯ ವಿವಾಹ ಗೋವಾ ಮೂಲದ ಯುವಕನ ಜತೆ ಗುರುವಾರ ಮುಂಡಗೋಡಿನಲ್ಲಿ ನೆರವೇರಿತ್ತು.
ವರನ ಕಡೆಯವರು ಸೇವಾ ಸಿಂಧು ವೆಬ್ಸೈಟ್ನಲ್ಲಿ ಅರ್ಜಿ ಸಲ್ಲಿಸಿ ಮುಂಡಗೋಡ ತಹಸೀಲ್ದಾರ್ರ ಅನುಮತಿ ಪಡೆದು ಮದುವೆಗೆ ಬಂದಿದ್ದರು. ಆದರೆ, ವಾಪಸ್ ತೆರಳಲು ಪಾಸ್ ಸಿಗದೆ ತೊಂದರೆಗೆ ಒಳಗಾಗಿದ್ದರು.
ಶುಕ್ರವಾರ ಮಾಜಾಳಿಯ ಚೆಕ್ಫೋಸ್ಟ್ನಲ್ಲಿ ನಾಲ್ಕೈದು ತಾಸು ನವ ದಂಪತಿ ತಮ್ಮ ಮದುವೆಯ ವಸ್ತ್ರದಲ್ಲೇ ಹೆದ್ದಾರಿ ಪಕ್ಕ ಕಾದು ಕುಳಿತುಕೊಳ್ಳುವಂತಾಯಿತು. ಶುಕ್ರವಾರ ಬೆಳಗ್ಗೆ 11 ನಂತರ ಗೋವಾ ಪ್ರವೇಶಕ್ಕೆ ಅನುಮತಿ ದೊರೆಯಿತು.