ಮಂಗಳೂರು: ಕರ್ಣಾಟಕ ಬ್ಯಾಂಕ್ 2021&22 ವಿತ್ತೀಯ ವರ್ಷದಲ್ಲಿ ದಾಖಲೆಯ 507.99 ಕೋಟಿ ರೂ. ನಿವ್ವಳ ಲಾಭ ಗಳಿ-ಸಿ-ದೆ. ಕಳೆದ ವಿತ್ತೀಯ ವರ್ಷದಲ್ಲಿ ಬ್ಯಾಂಕ್ 482.46 ಕೋಟಿ ರೂ. ನಿವ್ವಳ ಲಾಭ ಪಡೆ-ದಿ-ತ್ತು. ಪ್ರಸಕ್ತ ವರ್ಷದ 4ನೇ ತೆಮಾಸಿಕದಲ್ಲಿ 130.20 ಕೋಟಿ ರೂ. ನಿವ್ವಳ ಲಾಭ ಗಳಿಸಿದ ಬ್ಯಾಂಕ್, ಕಳೆದ ವರ್ಷದ ಇದೇ ತೆಮಾಸಿಕದಲ್ಲಿ 31.36 ಕೋಟಿ ರೂ. ನಿವ್ವಳ ಲಾಭ ಹೊಂದಿ-ತ್ತು. ಪ್ರಸಕ್ತ ತ್ರೈಮಾಸಿಕದಲ್ಲಿ ಬ್ಯಾಂಕ್ ದಾಖಲೆಯ ಶೇ.315.18 ಬೆಳವಣಿಗೆ ಸಾಧಿಸಿದೆ.
ಬ್ಯಾಂಕ್ನ ಪ್ರಧಾನ ಕಚೇರಿಯಲ್ಲಿ ಶುಕ್ರವಾರ ನಡೆದ ನಿರ್ದೇಶಕರ ಮಂಡಳಿ ಸಭೆಯಲ್ಲಿ ಬ್ಯಾಂಕ್ನ 2021&22ರ ಪರಿಶೋಧಿತ ಹಣಕಾಸು ವರದಿ ಅಂಗೀಕಾರಗೊಂಡು ಶೇ.40 ಡಿವಿಡೆಂಡ್ ನೀಡಲು ಶಿಫಾರಸು ಮಾಡಲಾಗಿದೆ. ಪ್ರಸಕ್ತ ಸಾಲಿನಲ್ಲಿ ಬ್ಯಾಂಕ್ನ ಒಟ್ಟು ವ್ಯವಹಾರ ಶೇ.7.71 ವೃದ್ಧಿಗೊಂಡು, 1,37,169.88 ಕೋಟಿ ರೂ. ತಲುಪಿದೆ. ಕಳೆದ ವಿತ್ತೀಯ ವರ್ಷದಲ್ಲಿ ಒಟ್ಟು ವ್ಯವಹಾರ 1,27,348.19 ಕೋಟಿ ರೂ. ಇತ್ತು. ಬ್ಯಾಂಕ್ನ ಠೇವಣಿಗಳು ಶೇ. 6.25 ವೃದ್ಧಿಗೊಂಡು 80,386.74 ಕೋಟಿ ರೂ. ಹಾಗೂ ಮುಂಗಡಗಳು ಶೇ.10.22 ವೃದ್ಧಿಗೊಂಡು 56,783.14 ಕೋಟಿ ರೂ. ತಲುಪಿದೆ.
ಬ್ಯಾಂಕ್ನ ಉಳಿತಾಯ ಖಾತೆ ಹಾಗೂ ಚಾಲ್ತಿ ಖಾತೆಯ ಒಟ್ಟು ಠೇವಣಿಗಳು ಶೇ.32.97ಕ್ಕೆ ತಲುಪಿದ್ದು ಶೇ.11.23 ರ ಬೆಳವಣಿಗೆಯನ್ನು ಕಂಡು ಸಾರ್ವಕಾಲಿಕ ದಾಖಲೆ ಮಾಡಿದೆ. ಆಥಿರ್ಕ ಫಲಿತಾಂಶ -ಪ್ರ-ಕ-ಟಿ-ಸಿ ಮಾತನಾಡಿದ ಬ್ಯಾಂಕ್ನ ಮ್ಯಾನೇಜಿಂಗ್ ಡೈರೆಕ್ಟರ್ ಹಾಗೂ ಚೀಫ್ ಎಕ್ಸಿಕ್ಯೂಟಿವ್ ಆಫೀಸರ್ ಮಹಾಬಲೇಶ್ವರ ಎಂ.ಎಸ್., ಅತ್ಯಂತ ಕಷ್ಟಕರ ಜಾಗತಿಕ ಸನ್ನಿವೇಶದಲ್ಲೂ ಬ್ಯಾಂಕ್ ಹೊಸ ದಾಖಲೆಗಳನ್ನು ಮಾಡುತ್ತಿರುವುದು ಒಂದು ಚೇತೋಹಾರಿ ಅನುಭವ. ಬಂಡವಾಳ ಪರ್ಯಾಪ್ತತಾ ಅನುಪಾತ ಶೇ.15.66ಕ್ಕೆ ತಲುಪಿರುವುದು ಹಾಗೂ ಪ್ರಾವಿಶನ್ ಕವರೇಜ್ ರೇಶಿಯೋ ಶೇ.73.47ಕ್ಕೆ ಏರಿರುವುದು ನಮ್ಮ ಹಲವಾರು ವರ್ಷಗಳ ಕನಸು ನನಸು ಮಾಡಿದೆ ಎಂದರು. ಬ್ಯಾಂಕ್ನ ಉಳಿತಾಯ ಹಾಗೂ ಚಾಲ್ತಿ ಖಾತೆಯ ಠೇವಣಿಗಳು ಸಾರ್ವಕಾಲಿಕ ದಾಖಲೆಯ ಶೇ.32.97ಕ್ಕೆ ತಲುಪಿರುವುದು ಗ್ರಾಹಕರು ಬ್ಯಾಂಕ್ಗೆ ನೀಡುತ್ತಿರುವ ಪ್ರೋತ್ಸಾಹಕ್ಕೆ ಸಾಕ್ಷಿ.
ಮುಂದಿನ ವರ್ಷಗಳಲ್ಲಿ ಗ್ರಾಹಕರ ಸರ್ವ ರೀತಿಯ ಬ್ಯಾಂಕಿಂಗ್ ಅವಶ್ಯಕತೆಗಳಿಗೆ ಸ್ಪಂದಿಸುತ್ತಾ ತಂತ್ರಜ್ಞಾನ ಕೇಂದ್ರಿತ ನವನವೀನ ಬ್ಯಾಂಕಿಂಗ್ ಉತ್ಪನ್ನಗಳನ್ನು ಪರಿಚಯಿಸಿ, ಬ್ಯಾಂಕ್ ಅನ್ನು ಅಭಿವೃದ್ಧಿ ಪಥದಲ್ಲಿ ಮುನ್ನಡೆಸಲು ಕಟಿಬದ್ಧರಾಗಿದ್ದೇವೆ ಎನ್ನುತ್ತಾರೆ ಬ್ಯಾಂಕ್ನ ಮ್ಯಾನೇಜಿಂಗ್ ಡೈರೆಕ್ಟರ್ ಹಾಗೂ ಚೀಫ್ ಎಕ್ಸಿಕ್ಯೂಟಿವ್ ಆಫೀಸರ್ ಮಹಾಬಲೇಶ್ವರ ಎಂ.ಎಸ್.