ಕೆಜಿಎಫ್: ನಗರದ ಆಂಡ್ರಸನ್ಪೇಟೆ ಪೊಲೀಸ್ ಠಾಣೆಯಲ್ಲಿ ಕಳವು ಪ್ರಕರಣಕ್ಕೆ ಸಂಬಂಧಿಸಿದಂತೆ ನಾಲ್ವರು ಆರೋಪಿಗಳನ್ನು ಬಂಧಿಸಿ, ಎಲೆಕ್ಟ್ರಿಕ್ ಉಪಕರಣಗಳನ್ನು ವಶಪಡಿಸಿಕೊಳ್ಳಲಾಗಿದೆ.
ಆಂಡ್ರಸನ್ಪೇಟೆ ವಾಸಿಗಳಾದ ವಿಘ್ನೇಶ್, ವಿಜಯ್, ನರೇಶ್ ಮತ್ತು ಶರತ್ಕುಮಾರ್ ಬಂಧಿತರು.
ಆಂಡ್ರಸನ್ಪೇಟೆಯ ನೂರಿ ಐಟಿಐ ಕಾಲೇಜಿನಲ್ಲಿ ಇತ್ತೀಚಿಗೆ ಎಲೆಕ್ಟ್ರಿಕ್ ಉಪಕರಣಗಳು ಕಳವು ಆಗಿರುವ ಬಗ್ಗೆ ಮನೋಜ್ ಎಂಬುವವರು ಪ್ರಕರಣ ದಾಖಲಿಸಿದ್ದರು. ದೂರಿನನ್ವಯ ನಾಲ್ವರು ಆರೋಪಿಗಳನ್ನು ಪತ್ತೆ ಹಚ್ಚಿದ ಪೊಲೀಸರು 74,300 ರೂ. ಬೆಲೆ ಬಾಳುವ ಒಂದು ವರ್ನಿಯರ್ ಹೈಟ್ಗೇಜ್, 4 ಪೋರ್ ಟೇಬಲ್ ಡ್ರಿಲ್ಲಿಂಗ್ ಮಿಷನ್ಗಳು, ಒಂದು ಮೋಟಾರ್, ಮೂರು ಸೋಲಾರ್ ಲ್ಯಾಂಪ್ಗಳು, ಒಂದು ಕಂಪ್ಯೂಟರ್ ಸಿಪಿಯು, ಹನ್ನೊಂದು ಮೆಟಲ್ ಪೈಪ್ಗಳು, ಒಂದು ಡಿವಿಆರ್ ಮತ್ತು ಇತರೆ ಎಲೆಕ್ಟ್ರಿಕ್ ಉಪಕರಣಗಳನ್ನು ವಶಕ್ಕೆ ಪಡೆದು, ಆರೋಪಿಗಳನ್ನು ನ್ಯಾಯಾಂಗಕ್ಕೆ ಒಪ್ಪಿಸಿದರು.