ನವದೆಹಲಿ: ಭಾರತದ ಮಾಜಿ ಕ್ರಿಕೆಟಿಗ ಯುವರಾಜ್ ಸಿಂಗ್ ಅವರ ಪತ್ನಿ ಹೇಜಲ್ ಕೀಚ್ ಮಾಡೆಲ್ ಮತ್ತು ನಟಿ ಎಂದು ಎಲ್ಲರಿಗೂ ಪರಿಚಿತರು. ಇತ್ತೀಚೆಗೆ ತಮ್ಮ ಕೂದಲನ್ನು ದಾನ ಮಾಡಿದ್ದಾರೆ.
ಹೇಝಲ್ ಕೀಚ್ ಅವರು ತಮ್ಮ ಹೇರ್ ಕಟ್ನ ಫೋಟೋದೊಂದಿಗೆ ಕೂದಲು ದಾನಮಾಡಲು ಏಕೆ ಮಾಡಲು ಬಯಸಿದ್ದರು ಎಂಬುದನ್ನು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡ ಪೋಸ್ಟ್ ವೈರಲ್ ಆಗುತ್ತಿದೆ.
ಯುವರಾಜ್ ಸಿಂಗ್ ಮತ್ತು ಹೇಜೆಲ್ ಕೀಚ್ ತಮ್ಮ ಎರಡನೇ ಮಗುವನ್ನು ಆಗಸ್ಟ್ನಲ್ಲಿ ಸ್ವಾಗತಿಸಿದರು. ಇತ್ತೀಚೆಗೆ, ಹೆಝಲ್ ಕೀಚ್ ಸಾಮಾಜಿಕ ಮಾಧ್ಯಮದಲ್ಲಿ ಹೆರಿಗೆಯ ನಂತರ ಎದುರಿಸುತ್ತಿರುವ ಸಮಸ್ಯೆಗಳನ್ನು ಬಹಿರಂಗಪಡಿಸುವ ಪೋಸ್ಟ್ ಮಾಡಿದ್ದಾರೆ. ಕ್ಯಾನ್ಸರ್ ನಿಂದ ಬದುಕುಳಿದ ಮಕ್ಕಳಿಗಾಗಿ ವಿಗ್ ಗಾಗಿ ತಮ್ಮ ಕೂದಲನ್ನು ದಾನ ಮಾಡಲು ನಿರ್ಧರಿಸಿರುವುದಾಗಿ ಅವರು ಬಹಿರಂಗಪಡಿಸಿದ್ದಾರೆ.
ಕ್ಯಾನ್ಸರ್ ರೋಗಿಗಳಿಗೆ ವಿಗ್ಗಳನ್ನು ತಯಾರಿಸಲು ತಾನು ಕೊಡುಗೆ ನೀಡಲು ಬಯಸುತ್ತೇನೆ. ಈ ನಿರ್ಧಾರವು ಪತಿ ಯುವರಾಜ್ ಸಿಂಗ್ ಅವರಿಂದ ಪ್ರೇರಿತವಾಗಿದೆ. ಯುವರಾಜ್ ಸಿಂಗ್ ತಮ್ಮ ಕ್ಯಾನ್ಸರ್ ಚಿಕಿತ್ಸೆಯ ಭಾಗವಾಗಿ ಕಿಮೊಥೆರಪಿ ಸಮಯದಲ್ಲಿ ಕೂದಲು ಉದುರುವಿಕೆಯ ನೋವನ್ನು ಅನುಭವಿಸಿದರು ಮತ್ತು ಆ ಸಮಯದಲ್ಲಿ ಅದು ಅವರ ಸ್ವಾಭಿಮಾನದ ಮೇಲೆ ಎಷ್ಟು ಪರಿಣಾಮ ಬೀರಿತು ಎಂಬುದನ್ನು ಅರಿತುಕೊಂಡೆ ಎಂದು ಹ್ಯಾಝೆಲ್ ಕೀಚ್ ಹೇಳಿದರು. ಯುನೈಟೆಡ್ ಕಿಂಗ್ಡಂನಲ್ಲಿರುವ ಲಿಟಲ್ ಪ್ರಿನ್ಸೆಸ್ ಟ್ರಸ್ಟ್ಗೆ ತನ್ನ ಕೂದಲನ್ನು ದಾನ ಮಾಡುತ್ತಿದ್ದೇನೆ ಎಂದು ಹ್ಯಾಝೆಲ್ ಕೀಚ್ ಹೇಳಿದ್ದಾರೆ.
ನಾನು ಪ್ರಸ್ತುತ UK ಯಲ್ಲಿದ್ದೇನೆ ಮತ್ತು ಕಿಮೊಥೆರಪಿಯ ಪರಿಣಾಮವಾಗಿ ಕೂದಲು ಉದುರುವ ಮಕ್ಕಳಿಗೆ ಕೂದಲು ದೇಣಿಗೆಗಳನ್ನು ತೆಗೆದುಕೊಳ್ಳುವ ಮತ್ತು ಅವುಗಳನ್ನು ವಿಗ್ ಆಗಿ ಪರಿವರ್ತಿಸುವ ದಿ ಲಿಟಲ್ ಪ್ರಿನ್ಸೆಸ್ ಟ್ರಸ್ಟ್ ಅನ್ನು ಕಂಡುಕೊಂಡಿದ್ದೇನೆ. ನಾನು ಮೊದಲ ಬಾರಿಗೆ ನನ್ನ ಕೂದಲನ್ನು ಚಿಕ್ಕದಾಗಿ ಕತ್ತರಿಸಿದಾಗ ಈ ನಿರ್ಮಾಧಾರ ಮಾಡಲಾಗಿದೆ. ನನ್ನ ಈ ನಿರ್ಧಾರ ಯಾರೊಬ್ಬರ ಜೀವನವನ್ನು ಸ್ವಲ್ಪಮಟ್ಟಿಗೆ ಉತ್ತಮಗೊಳಿಸಲು ಬಳಸಬಹುದು ಎನ್ನುವ ನಂಬಿಕೆ ಇದೆ.ನನ್ನ ಕೂದಲು ದಾನವನ್ನು ಸ್ವೀಕರಿಸಿದ್ದಕ್ಕಾಗಿ @officiallittleprincesstrust ಧನ್ಯವಾದಗಳು. ಇದು ಪಾವತಿಸಿದ ಪ್ರಚಾರವಲ್ಲ, ನನಗೆ ಈ ಚಾರಿಟಿ ತಿಳಿದಿಲ್ಲ ಮತ್ತು ಅವರೊಂದಿಗೆ ಯಾವುದೇ ಸಂಬಂಧವಿಲ್ಲ, ನಾನು "ವಿಗ್ಗಾಗಿ ಕೂದಲು ದಾನ" ಎಂದು ಗೂಗಲ್ ಮಾಡಿ ಮತ್ತು ಕಂಡುಕೊಂಡೆ ಎಂದು ಸೋಶಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.