ಕೋಕಾ- ಕೋಲಾ ಹಾಗೂ ಬೇಕಿಂಗ್ ಸೋಡಾ ಭಾರಿ ನೊರೆಯ ರಾಶಿಯನ್ನು ಉಂಟು ಮಾಡುವುದು ಸೈನ್ಸ್ಪ್ರಿಯರ ಇಷ್ಟದ ಸಂಗತಿ. ಆದರೆ, ಇದನ್ನೇ ಇಲ್ಲೊಬ್ಬ ಆಗಸದೆತ್ತರಕ್ಕೆ ಕೊಂಡೊಯ್ದಿದ್ದಾನೆ....!
ರಷ್ಯನ್ ಯೂಟ್ಯೂಬರ್ ಮಾಡಿದ ಸಾಹಸವಿದು. ಮ್ಯಾಕ್ಸಿನ್ ಮೊನಾಕೋವ್ ಎಂಬಾತ 10 ಸಾವಿರ ಲೀಟರ್ ಕೋಕಾ-ಕೋಲಾ ಪೇಯದಿಂದ ಉಲ್ಕಾಪಾತವನ್ನೇ ಸೃಷ್ಟಿಸಿದ್ದಾನೆ. ಈ ವಿಡಿಯೋವನ್ನು ಎರಡೇ ದಿನದಲ್ಲಿ 70 ಲಕ್ಷಕ್ಕೂ ಅಧಿಕ ಜನರು ನೋಡಿದ್ದಾರೆ. 1.2 ಲಕ್ಷ ಜನರು ಕಾಮೆಂಟ್ ಹಾಕಿದ್ದಾರೆ.
ಇದಕ್ಕಾಗಿ ಮಾಕ್ಸಿನ್ ನಾಲ್ಕು ವರ್ಷಗಳಿಂದ ಶ್ರಮಿಸಿದ್ದ. ಜತೆಗೆ, 7 ಲಕ್ಷ ರೂಬಲ್ (6.9 ಲಕ್ಷ ರೂ.) ಖರ್ಚು ಮಾಡಿದ್ದಾನೆ. ದೊಡ್ಡಮೈದಾನದ ಮಧ್ಯದಲ್ಲಿ ಬೃಹತ್ಗೀಸರ್ನಲ್ಲಿ 10,000 ಲೀಟರ್ ಕೋಕಾ- ಕೋಲಾ ಸುರಿದು ಅದಕ್ಕೆ ಬೇಕಿಂಗ್ ಸೋಡಾ ಸೇರಿಸಲಾಗಿದೆ.
ಇದು ಆಕಾಶದೆತ್ತರಕ್ಕೆ ಕಾರಂಜಿಯಂತೆ ಚಿಮ್ಮಿದೆ. ಇಷ್ಟು ದೊಡ್ಡ ಪ್ರಮಾಣದಲ್ಲಿ ಇಂಥ ಪ್ರಯೋಗ ಮಾಡಿರುವುದು ಇದೇ ಮೊದಲು ಎನ್ನಲಾಗಿದೆ.
YouTuber Creates Giant Explosion With 10,000 Litres Of Coca-Cola
YouTuber, Giant Explosion, 10000 Litres, Coca-Cola,
ಯೂಟ್ಯೂಬರ್ ಸಾಹಸ, ಕೋಕಾ-ಕೋಲಾ, 10 ಸಾವಿರ ಲೀಟರ್,