ಮುಂಬೈ: ಫೇಶಿಯಲ್ ಮಾಡಿದ ಬಳಿಕವೂ ಮುಖದಲ್ಲಿ ಸುಟ್ಟ ಕಲೆಗಳು ಉಳಿದುಕೊಂಡ ಹಿನ್ನೆಲೆಯಲ್ಲಿ ಸಲೂನ್ ವಿರುದ್ಧ 23 ವರ್ಷದ ಯುವತಿಯೊಬ್ಬಳು ದೂರು ದಾಖಲಿಸಿದ್ದಾಳೆ.
ಮುಂಬೈನ ಅಂಧೇರಿಯಲ್ಲಿರುವ ಸಲೂನ್ನಲ್ಲಿ ಫೇಶಿಯಲ್ ಮಾಡಿಸಿಕೊಂಡ ಬಳಿಕ ಮುಖದಲ್ಲಿ ಸುಟ್ಟ ಕಲೆಗಳು ಉಳಿದುಕೊಂಡಿವೆ ಎಂದು ಸಂತ್ರಸ್ತೆ ದೂರಿನಲ್ಲಿ ಉಲ್ಲೇಖಸಿದ್ದಾಳೆ.
ಜೂನ್ 17ರಂದು ಸಂತ್ರಸ್ತೆ 17,500 ರೂಪಾಯಿ ಖರ್ಚು ಮಾಡಿ ಫೇಶಿಯಲ್ ಮಾಡಿಸಿದ್ದಾಳೆ. ಸಲೂನ್ ಸಿಬ್ಬಂದಿ ಗುಣಮಟ್ಟವಿಲ್ಲದ ಉತ್ಪನ್ನಗಳನ್ನು ಬಳಸಿದ್ದರಿಂದ ನನಗೆ ಅನಾನುಕೂಲವಾಗಿದೆ. ಮುಖದಲ್ಲಾದ ಬದಲಾವಣೆಯ ಬಗ್ಗೆ ಸಲೂನ್ ಸಿಬ್ಬಂದಿಗೆ ತಿಳಿಸಿದರೂ ಅವರು ನನ್ನನ್ನು ನಿರ್ಲಕ್ಷಿಸಿದರು.
ಇದು ಯಾವುದೋ ಅಲರ್ಜಿಯಿಂದ ಆಗಿರಬಹುದು ಎಂದು ಸಿಬ್ಬಂದಿಯ ಪ್ರತಿಕ್ರಿಯೆ ನೀಡಿದರು. ನಾನೀಗ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದೇನೆ. ಸುಟ್ಟ ಗಾಯದ ಗುರುತುಗಳು ಶಾಶ್ವತ ಎಂದು ವೈದ್ಯರು ಹೇಳಿದ್ದನ್ನು ಕೇಳಿ ನನಗೆ ಶಾಕ್ ಆಯಿತು ಎಂದು ಸಂತ್ರಸ್ತೆ ತಿಳಿಸಿದ್ದಾರೆ.
ಸದ್ಯ ಸಲೂನ್ ವಿರುದ್ಧ ಯುವತಿ ದೂರು ನೀಡಿದ್ದಾರೆ. ಈ ಸಂಬಂಧ ಅಂಧೇರಿ ಪೊಲೀಸರು ಪ್ರಕರಣ ದಾಖಲಿಸಿದ್ದು, ತನಿಖೆ ಆರಂಭಿಸಿದ್ದಾರೆ. (ಏಜೆನ್ಸೀಸ್)