ನವದೆಹಲಿ: ಬೌದ್ಧ ಸನ್ಯಾಸಿಗಳನ್ನು ಲೈಂಗಿಕ ಸಂಬಂಧಗಳಿಗೆ ಸೆಳೆದು ಅದನ್ನು ಚಿತ್ರೀಕರಿಸಿ ಹಣಕ್ಕಾಗಿ ಬ್ಲ್ಯಾಕ್ವೆುೕಲ್ ಮಾಡಿದ ಒಬ್ಬಳನ್ನು ಥಾಯ್ಲೆಂಡ್ ಪೊಲೀಸರು ಬಂಧಿಸಿದ್ದಾರೆ. ಬ್ರಹ್ಮಚರ್ಯ ಕಾಪಾಡುವ ಪಣತೊಡುವ ಬೌದ್ಧ ಭಿಕ್ಕುಗಳು ಒಳಗೊಂಡಿರುವುದರಿಂದ ಇಡೀ ಹಗರಣ ಸಂಚಲನ ಮೂಡಿಸಿದ್ದು ಬೌದ್ಧ ಸಮುದಾಯ ಮುಜುಗರಕ್ಕೀಡಾಗಿದೆ. ಬಂಧಿತ ವಿಲಾವನ್ ಎಮ್ಸ್ವಾತ್ಳಿಂದ 80,000ಕ್ಕೂ ಅಧಿಕ ನಗ್ನ ಚಿತ್ರಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ ಹಾಗೂ ಬ್ಲಾ್ಯಕ್ವೆುೕಲ್ನಿಂದ ಅವಳು 100 ಕೋಟಿ ರೂಪಾಯಿಗೂ ಅಧಿಕ ಮೊತ್ತ ಗಳಿಸಿರುವುದನ್ನು ಬಹಿರಂಗ ಪಡಿಸಿದ್ದಾರೆ. ಹಗರಣದಲ್ಲಿ ಒಳಗೊಂಡ ಕನಿಷ್ಠ 9 ಬೌದ್ಧ ಮಠಾಧೀಶರು, ಹಿರಿಯ ಸನ್ಯಾಸಿಗಳನ್ನು ಸ್ಥಾನಚ್ಯುತಗೊಳಿಸಲಾಗಿದೆ ಎಂದು ರಾಯಲ್ ಥಾಯ್ ಪೊಲೀಸ್ ಕೇಂದ್ರ ತನಿಖಾ ಸಂಸ್ಥೆ ತಿಳಿಸಿದೆ.
ಬ್ಯಾಂಕಾಕ್ನಿಂದ ಉತ್ತರಕ್ಕಿರುವ ನೊಂಥಾಬುರಿಯಲ್ಲಿರುವ ಐಷಾರಾಮಿ ಮನೆಯಲ್ಲಿ 28 ವರ್ಷದ ಎಮ್ಸ್ವಾತ್ಳನ್ನು ಬಂಧಿಸಲಾಗಿದೆ. ಆಕೆ ದರೋಡೆ, ಹಣಕಾಸು ಅಕ್ರಮ ವ್ಯವಹಾರ ಹಾಗೂ ಕದ್ದ ಮಾಲುಗಳನ್ನು ಪಡೆದ ಆರೋಪಗಳನ್ನು ಎದುರಿಸುತ್ತಿದ್ದಾಳೆ. ‘ಮಿಸ್ ಗಾಫ್’ ಎಂದು ಪೊಲೀಸರು ಉಲ್ಲೇಖಿಸುವ ಆಕೆ, ಕನಿಷ್ಠ 9 ಭಿಕ್ಕುಗಳೊಂದಿಗೆ ಲೈಂಗಿಕ ಸಂಬಂಧ ಹೊಂದಿದ್ದಳು ಎನ್ನಲಾಗಿದೆ. ಇತರ ಬೌದ್ಧ ನಾಯಕರ ಜತೆ ಆಕೆ ಆಪ್ತವಾಗಿದ್ದ ಸಂದೇಶ-ವಿಡಿಯೋಗಳನ್ನು ಎಮ್ಸ್ವಾತ್ಳ ಫೋನ್ಗಳಿಂದ ತನಿಖಾಧಿಕಾರಿಗಳು ಪತ್ತೆ ಹಚ್ಚಿದ್ದಾರೆ. ಹೆದರಿಸಿ ಗಳಿಸಿದ ಹಣವನ್ನು ಆಕೆ ಕಾನೂನುಬಾಹಿರ ಆನ್ಲೈನ್ ಗೇಮ್ಳಲ್ಲಿ ಹೂಡಿರುವುದನ್ನು ಕಂಡುಹಿಡಿದಿದ್ದಾರೆ. ಈಕೆ 3 ವರ್ಷಗಳಿಂದ ಈ ಕೃತ್ಯಗಳಲ್ಲಿದ್ದು, ಸನ್ಯಾಸಿಗಳ ಜತೆ ಲೈಂಗಿಕ ಕ್ರಿಯೆಯಲ್ಲಿದ್ದ 80,000ಕ್ಕೂ ಹೆಚ್ಚು ಫೋಟೋ-ವಿಡಿಯೋ ಸಿಕ್ಕಿದ್ದಾಗಿ ಪೊಲೀಸರು ತಿಳಿಸಿದ್ದಾರೆ.