ಹೈದರಾಬಾದ್: ಇಲ್ಲಿನ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಭಾನುವಾರ(ನ.24) ತಡರಾತ್ರಿ ವಿದೇಶಿಯ ಇಬ್ಬರು ಮಹಿಳೆಯರ ಬ್ಯಾಗ್ನಲ್ಲಿ ಎರಡು ಹಾವುಗಳು(Dangerous Snakes) ಪತ್ತೆಯಾಗಿದ್ದು, ಕೆಲ ಕಾಲ ಆತಂಕದ ವಾತಾರಣ ಸೃಷ್ಠಿಯಾಗಿತ್ತು.
ಹೌದು, ಬ್ಯಾಂಕಾಕ್ನ ಇಬ್ಬರು ಮಹಿಳೆಯರು ತಮ್ಮೊಂದಿಗೆ ಸಾಗಿಸುತ್ತಿದ್ದ ಎರಡು ಹಾವುಗಳನ್ನು ರಕ್ಷಿಸುವುದರ ಜತೆಗೆ ಇಬ್ಬರನ್ನು ಇಲ್ಲಿನ ಕಸ್ಟಮ್ಸ್ ಅಧಿಕಾರಿಗಳು ಬಂಧಿಸಿದ್ದಾರೆ.
ಬ್ಯಾಂಕಾಕ್ನಿಂದ ನೇರವಾಗಿ ವಿಮಾನ ನಿಲ್ದಾಣದಲ್ಲಿ ಇಳಿದ ಮಹಿಳೆಯರು ತಮ್ಮ ಬ್ಯಾಗ್ನ ಬುಟ್ಟಿಯಲ್ಲಿ ಹಾವು ತಂದಿದ್ದಾರೆ. ಇದನ್ನು ಪ್ರಶ್ನಿಸಿ, ಅನುಮಾನದ ಮೇಲೆ ಕಸ್ಟಮ್ಸ್ ಅಧಿಕಾರಿಗಳು ಪರಿಶೀಲನೆ ಮಾಡಿದ್ದಾರೆ. ಮೇಲ್ನೋಟಕ್ಕೆ ಕಳ್ಳಸಾಗಣಿಕೆ ಎಂದು ಕಾಣಿಸುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.ಹಾವುಗಳನ್ನು ಮೃಗಾಲದ ಅಧಿಕಾರಿಗಳಿಗೆ ಒಪ್ಪಿಸಲಾಗಿದ್ದು, ತನಿಖೆ ನಡೆಯುತ್ತಿದೆ. ಸದ್ಯಕ್ಕೆ ಇವರ ಬಂಧನ ಮಾಡಲಾಗಿದ್ದು, ಮುಂದಿನ ಕ್ರಮಕೈಗೊಳ್ಳಲಾಗುವುದು ಎಂದು ತಿಳಿಸಿದ್ದಾರೆ.
ಇನ್ನು ಈ ಘಟನೆಯೂ ಅಪಾಯಕಾರಿ ಪ್ರಾಣಿಗಳನ್ನು ವಿಮಾನದ ಮೂಲಕ ಭಾರತಕ್ಕೆ ಕಳ್ಳಸಾಗಣಿಕೆ ಮಾಡುವ ಪ್ರವೃತ್ತಿ ಮುಂದುವರಿಯುತ್ತಿದೆ ಎಂದು ಪ್ರಾಣಿ ತಜ್ಞರು ಬೇಸರ ವ್ಯಕ್ತಪಡಿಸಿದ್ದಾರೆ.
ಇದೇ, ಅಕ್ಟೋಬರ್ನಲ್ಲಿ ಚೈನ್ನೈನ ವಿಮಾನ ನಿಲ್ದಾಣದಲ್ಲಿ ವಿವಿಧ ವಿದೇಶಿಗರಿಂದ ಬರೊಬ್ಬರಿ 56 ಅಪಾಯಕಾರಿ ಪ್ರಾಣಿಗಳ ವಶಪಡಿಸಿಕೊಂಡು ವಿದೇಶಿಗರನ್ನು ಬಂಧಿಸಲಾಗಿತ್ತು ಎಂದು ವರದಿಯಾಗಿದೆ, (ಏಜೆನ್ಸೀಸ್).