ನವದೆಹಲಿ: ಅಳಿದು ಹೋಗಿರುವ ಜೀವಿಗಳಲ್ಲಿ ಒಂದಾದ ಡೈನೋಸಾರ್ಗಳು ಇಂದಿಗೂ ಜೀವಂತವಾಗಿದೆ ಎಂದರೆ ಯಾರು ನಂಬಲಾರರು. ಆದರೆ, ಅವುಗಳ ಪಳೆಯುಳಿಕೆಗಳು ಮಾತ್ರ ಆಗಾಗ ಪತ್ತೆಯಾಗುತ್ತಲೇ ಇರುತ್ತವೆ. ಇನ್ನು ಸಿನಿಮಾಗಳಲ್ಲಿ ಡೈನೋಸಾರ್ಗಳನ್ನು ನೋಡಿ ಬೆಚ್ಚಿಬಿದ್ದವರೆಷ್ಟೋ? ಆದರೆ ಇಲ್ಲೊಬ್ಬ ಮಹಿಳೆ ನಿಜವಾಗಿಯೂ ಡೈನೋಸಾರ್ ನೋಡಿದ್ದಾಗಿ ಹೇಳಿಕೊಂಡಿದ್ದಾಳೆ.
ಮನೆಯ ಮಾಲಕಿಯೊಬ್ಬಳು ತಮ್ಮ ಮನೆಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಡೈನೋಸಾರ್ ನೋಡಿದ್ದಾಗಿ ಹೇಳಿಕೊಂಡಿದ್ದಾರೆ. ಅದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಸಹ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅದರಲ್ಲಿ ಡೈನೋಸರ್ ಮಾದರಿಯಲ್ಲಿ ಜೀವಿಯೊಂದು ರಾತ್ರಿಯ ವೇಳೆ ಓಡುವುದನ್ನು ಕಾಣಬಹುದಾಗಿದೆ.
ಡೈನೋಸಾರ್ ನೋಡಿದ್ದಾಗಿ ವಾದಿಸಿರುವ ಮಹಿಳೆಯ ಹೆಸರು ಕ್ರಿಶ್ಚಿಯನಾ ರಯಾನ್. ನಸುಕಿನ ಜಾವದಲ್ಲಿ ಈ ದೃಶ್ಯ ತಮ್ಮ ಮನೆಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆಯಂತೆ. ಅದರಲ್ಲಿ ಡೈನೋಸಾರ್ ಮಾದರಿಯ ಜೀವಿಯೊಂದ ಅವಳ ಮನೆಯ ಗಾರ್ಡನ್ ಸುತ್ತ ಓಡಾಡಿರುವುದು ದಾಖಲಾಗಿದೆ.
ಜಾಲತಾಣಿಗರು ಸಹ ವಿಡಿಯೋ ನೋಡಿ ಒಂದು ಕ್ಷಣ ಹೆದರಿದ್ದಾರೆ. ನೋಡಲು ಥೇಟ್ ಡೈನೋಸಾರ್ ಮರಿಯ ರೀತಿ ಇದೆ. ನಾನು ನೋಡಿದ್ದು ಡೈನೋಸಾರ್ ಮರಿಯೇ ಎಂದು ರಯಾನ್ ವಾದಿಸಿದ್ದಾಳೆ.
ಆದರೆ, ಜಾಲತಾಣಿಗರು ಅದು ಡೈನೋಸಾರ್ ಅಲ್ಲ. ನೋಡಲು ನವಿಲಿನಂತೆ ಕಾಣುತ್ತದೆ ಎಂದಿದ್ದಾರೆ. ಮತ್ತೆ ಕೆಲವರು ತಲೆಗೆ ಬಕೆಟ್ ಸಿಕ್ಕಿ ಹಾಕಿಕೊಂಡು ಓಡಿ ಹೋಗಿರುವ ಜೀವಿಯಂತೆ ಕಾಣುತ್ತದೆ ಎಂದಿದ್ದಾರೆ. (ಏಜೆನ್ಸೀಸ್)