Wife gifts bike to husband : ಮಹಿಳೆಯೊಬ್ಬಳು ತನ್ನ ಗಂಡನಿಗೆ ಹೊಸ ಬೈಕ್ ಖರೀದಿಸಿ ಗಿಫ್ಟ್ ಮಾಡಿದ್ದಾಳೆ. ತಮ್ಮ ಮನೆ ಬಾಗಿಲಿನಲ್ಲಿ ನಿಂತಿದ್ದ ಹೊಸ ಬೈಕ್ ತನ್ನದು ಎಂದು ಆ ವ್ಯಕ್ತಿ ಅರಿತುಕೊಂಡಾಗ ಅವನ ಪ್ರತಿಕ್ರಿಯೆ ನೋಡಲೇಬೇಕು. ಈ ವೀಡಿಯೊ ಗಂಡ ಮತ್ತು ಹೆಂಡತಿಯ ನಡುವಿನ ಸಂಬಂಧಕ್ಕೆ ಒಂದು ಸುಂದರ ಉದಾಹರಣೆಯಾಗಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.
ವೈರಲ್ ವಿಡಿಯೋದಲ್ಲಿ ಏನಿದೆ?:
ಒಬ್ಬ ವ್ಯಕ್ತಿ ತನ್ನ ಮಗನೊಂದಿಗೆ ಮನೆಯ ಹೊರಗೆ ನಿಂತಿದ್ದನು. ಅವನ ಮುಂದೆ ಒಂದು ಹೊಸ ಬೈಕ್ನ್ನಿ ನಿಲ್ಲಿಸಲಾಗಿತ್ತು. ನಂತರ ಹೆಂಡತಿ ತನ್ನ ಗಂಡನಿಗೆ ಬೈಕ್ ಕೀ ನೀಡಿದಳು. ಹೊಸ ಬೈಕ್ ತನಗಾಗಿ ಎಂದು ಅವನಿಗೆ ಅರಿವಾಯಿತು. ನಂತರ ಗಂಡನಿಗೆ ತನ್ನ ಭಾವನೆಗಳನ್ನು ನಿಯಂತ್ರಿಸಲು ಸಾಧ್ಯವಾಗಲಿಲ್ಲ, ಅವನ ಕಣ್ಣುಗಳಿಂದ ಕಣ್ಣೀರು ಬಂತು. ನಂತರ, ಅವನು ಅಳುತ್ತಾ ತನ್ನ ಹೆಂಡತಿಯನ್ನು ಬಿಗಿಯಾಗಿ ತಬ್ಬಿಕೊಂಡನು.
ಈ ವಿಡಿಯೋದ ಅತ್ಯಂತ ಸುಂದರವಾದ ಭಾಗವೆಂದರೆ ಹೊಸ ಬೈಕ್ ತನ್ನದು ಎಂದು ತಿಳಿದಾಗ ಪತಿಯ ಪ್ರತಿಕ್ರಿಯೆ. ಅವರ ಮುಖದಲ್ಲಿನ ನಗು ಮತ್ತು ಆನಂದದ ಕಣ್ಣೀರನ್ನು ನೋಡಿ ಎಲ್ಲರೂ ಭಾವುಕರಾದರು. ನೆಟಿಜನ್ಗಳು ದಂಪತಿ ಪ್ರೀತಿಯನ್ನು ವಿವಿಧ ರೀತಿಯ ಕಾಮೆಂಟ್ಗಳಲ್ಲಿ ವ್ಯಕ್ತಪಡಿಸುತ್ತಿದ್ದಾರೆ.
"ಕೋಟ್ಯಾಧಿಪತಿಗಳಿಗೂ ಈ ರೀತಿಯ ಪ್ರೀತಿ ಸಿಗುವುದಿಲ್ಲ. ಮಧ್ಯಮ ವರ್ಗದ ಕುಟುಂಬಗಳಿಗೆ ಮಾತ್ರ ಈ ರೀತಿಯ ಸಂತೋಷ ಸಿಗುತ್ತದೆ" ಎಂದು ಕಾಮೆಂಟ್ ಮಾಡಿದ್ದಾರೆ.
@vinayshaarma ಇನ್ಸ್ಟಾಗ್ರಾಮ್ ಹ್ಯಾಂಡಲ್ನಲ್ಲಿ ಹಂಚಿಕೊಂಡಿರುವ ಈ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿದೆ. ಈ ವಿಡಿಯೋವನ್ನು ಇಲ್ಲಿಯವರೆಗೆ 9 ಲಕ್ಷ 41 ಸಾವಿರಕ್ಕೂ ಹೆಚ್ಚು ಜನರು ಲೈಕ್ ಮಾಡಿದ್ದಾರೆ.