ಔರಂಗಾಬಾದ್: ದೇಶವನ್ನು ಗುಲಾಮಗಿರಿಯಿಂದ ಮುಕ್ತಗೊಳಿಸಲು ನೇತಾಜಿ ಸುಭಾಷ್ ಚಂದ್ರ ಬೋಸ್ ಅವರು ‘ನನಗೆ ರಕ್ತ ಕೊಡಿ, ನಾನು ನಿಮಗೆ ಸ್ವಾತಂತ್ರ್ಯ ನೀಡುತ್ತೇನೆ’ ಎಂಬ ಘೋಷವಾಕ್ಯವನ್ನು ನೀಡಿ ನೇತಾಜಿ ಕರೆ ನೀಡಿ ಸ್ವಾತಂತ್ರ್ಯಕ್ಕಾಗಿ ಹೊರಾಟ ನಡೆಸಿದ್ದರು. ಅದೇ ರೀತಿಯಲ್ಲಿ ಔರಂಗಾಬಾದ್ನಲ್ಲೂ ಮದುವೆ ನಡೆದಿದ್ದು, ವರನ ನೀವು ರಕ್ತ ಕೊಡಿ, ನಿಮ್ಮ ಮನೆ ಮದುವೆ ಮೆರವಣಿಗೆ ಬರುತ್ತೇನೆ ಎಂದು ಷರತ್ತು ಹಾಕಿದ್ದಾನೆ. ಈ ಮದುವೆ ಸುದ್ದಿ ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ಚರ್ಚೆಯಾಗುತ್ತಿದೆ.
ಬಿಹಾರದ ಔರಂಗಾಬಾದ್ ಜಿಲ್ಲೆಯ ಹಾಸ್ಪುರ ಗ್ರಾಮದಲ್ಲಿ ಅಪೂರ್ವ ಮದುವೆ ನಡೆದಿದೆ. ಹುಡುಗ ಮತ್ತು ಹುಡುಗಿ ಇಬ್ಬರೂ ಸಮಾಜ ಸೇವಕರು. ಸಮಾಜಸೇವೆಯ ಸಂದರ್ಭದಲ್ಲಿಯೇ ಅವರಿಬ್ಬರೂ ಭೇಟಿಯಾದದ್ದು, ಪ್ರೀತಿಸಿದ್ದು, ಅವರಿಬ್ಬರ ಕುಟುಂಬಗಳು ಸಂಬಂಧವನ್ನು ಒಪ್ಪಿಕೊಂಡು ಮದುವೆ ನಡೆದಿದೆ.
2006ರಲ್ಲಿ ರಕ್ತದ ಕೊರತೆಯಿಂದ ಅನೀಶ್ನ ತಾಯಿ ಪ್ರಾಣ ಕಳೆದುಕೊಂಡಿದ್ದರು. ಆಗ ಅನೀಶ್ ನನ್ನ ತಾಯಿ ರಕ್ತದ ಕೊರತೆಯಿಂದ ಸಾಯುತ್ತಾಳೆ, ಆದರೆ ರಕ್ತವಿಲ್ಲದೆ ಬೇರೆಯವರ ತಾಯಿ ಅಥವಾ ಬೇರೆಯವರ ಪ್ರಾಣ ಹೋಗಬಾರದು ಎಂದು ನಿರ್ಧಾರ ಮಾಡುತ್ತಾರೆ. ಈ ಸಂಕಲ್ಪದಿಂದ ಅವರು ತಮ್ಮ ಮದುವೆಯಲ್ಲಿ ರಕ್ತದಾನ ಶಿಬಿರವನ್ನು ಆಯೋಜಿಸಿದರು.
ಸಾಮಾನ್ಯವಾಗಿ ಮದುವೆಗಳು ಆಕರ್ಷಕ ಅಲಂಕಾರಗಳು, ಬ್ಯಾಂಡ್ಗಳು ಮತ್ತು ಆಹಾರದ ಮೇಲೆ ಕೇಂದ್ರೀಕರಿಸುತ್ತವೆ ಆದರೆ ಅನೀಶ್ ಮತ್ತು ಸಿಮ್ರಾನ್ ತಮ್ಮ ಮದುವೆಯಲ್ಲಿ ರಕ್ತದಾನ ಶಿಬಿರವನ್ನು ಆಯೋಜಿಸಿದ್ದರು. ರಕ್ತದಾನ ಶಿಬಿರದಲ್ಲಿ ವಧು-ವರರು ಸೇರಿದಂತೆ ಮದುವೆಗೆ ಬಂದಿದ್ದ 70 ಮಂದಿ ರಕ್ತದಾನ ಮಾಡಿದರು. ಈ ಮದುವೆಯು ಸ್ಮರಣೀಯ ಮಾತ್ರವಲ್ಲ, ಜನರಿಗೆ ಉದಾಹರಣೆಯೂ ಆಯಿತು. ಈ ಮದುವೆಯ ಮೂಲಕ ನೂರಾರು ಜನರ ಜೀವ ಉಳಿಸುವ ಅಭಿಯಾನವನ್ನು ಪ್ರಾರಂಭಿಸಲಾಗಿದೆ ಎಂಬುದು ಈ ಮದುವೆಯ ವಿಶೇಷವಾಗಿದೆ.
ರಕ್ತದಾನ ಮಾಡುವುದಾಗಿತ್ತು ವಧುವಿನ ಮನೆಯವರು ಅದನ್ನು ಸಂತೋಷದಿಂದ ಸ್ವೀಕರಿಸಿದರು. ನಂತರ ಮದುವೆ ಸಂಭ್ರಮದಿಂದ ನೆರವೇರುವುದಲ್ಲದೆ ಉತ್ಸಾಹದಿಂದ ರಕ್ತದಾನ ಮಾಡಿ 70ಕ್ಕೂ ಹೆಚ್ಚು ಯೂನಿಟ್ ರಕ್ತವನ್ನು ಪಾಟ್ನಾದ ರಕ್ತನಿಧಿಗೆ ಹಸ್ತಾಂತರಿಸಿ ರಕ್ತದ ಕೊರತೆಯಿಂದ ನರಳುತ್ತಿರುವವರ ಜೀವ ಉಳಿಸಲು ಸಾಧ್ಯವಾಯಿತು. ಈ ಮದುವೆ ಬಗ್ಗೆ ಭಾರೀ ಚರ್ಚೆಯಾಗುತ್ತಿದೆ.
ಮದುವೆ ಕಾರ್ಡ್ನಲ್ಲಿ ರಕ್ತದಾನದ ಸಂದೇಶವನ್ನೂ ಮುದ್ರಿಸಿದ್ದರು. ಅನೀಶ್ ಅವರ ಈ ಉಪಕ್ರಮದಿಂದಾಗಿ ಹತ್ತಾರು ಜನರು ರಕ್ತದಾನ ಮಾಡಲು ಮುಂದೆ ಬಂದರು ಮತ್ತು ಅದೃಷ್ಟದ ಸಂಕೇತವಾಗಿ ರಕ್ತದಾನ ಮಾಡಿದರು. ಸಾಮಾನ್ಯವಾಗಿ ಜನರು ಮದುವೆಗೆ ಉಡುಗೊರೆಗಳನ್ನು ತೆಗೆದುಕೊಳ್ಳುತ್ತಾರೆ. ಆದರೆ ಈ ಮದುವೆಯಲ್ಲಿ ಒಬ್ಬರ ಜೀವವನ್ನು ಉಳಿಸುವ ಸುಂದರ ಭಾವನೆಯನ್ನು ಉಡುಗೊರೆಯಾಗಿ ತಂದುಕೊಡಲಾಗಿದೆ.
ರಕ್ತದಾನ ಶಿಬಿರ ನಡೆಸಲು ಆಗಮಿಸಿದ್ದ ಪಾಟ್ನಾದ ನಿರಾಮಯ ಬ್ಲಡ್ ಬ್ಯಾಂಕ್ ನಿರ್ದೇಶಕ ಡಾ.ರಾಕೇಶ್ ರಂಜನ್ ಮಾತನಾಡಿ, ಇದುವರೆಗೆ ನೂರಾರು ರಕ್ತದಾನ ಶಿಬಿರಗಳನ್ನು ಹಮ್ಮಿಕೊಂಡಿದ್ದರೂ ಇದೇ ಪ್ರಥಮ ಬಾರಿಗೆ ಮದುವೆಯ ಸಂದರ್ಭದಲ್ಲಿ ರಕ್ತದಾನ ಮಾಡುತ್ತಿದ್ದೇನೆ. ಅವರ ಅರಿವಿನ ಪ್ರಕಾರ, ಇದು ಬಿಹಾರದಲ್ಲಿ ಮಾತ್ರವಲ್ಲದೆ ಭಾರತದಲ್ಲಿ ಮದುವೆ ಸಮಾರಂಭದ ನಡುವೆ ನಡೆಯುತ್ತಿರುವ ಮೊದಲ ರಕ್ತದಾನ ಶಿಬಿರವಾಗಿದೆ ಎನ್ನಲಾಗಿದೆ.