ಧರ್ಮಶಾಲಾ: ಚಳಿಗಾಲ ಅಥವಾ ಮಳೆಗಾಲ ಬಂದಾಗ ಶೀತದ ಸಮಯದಲ್ಲಿ ಜನರು ತಣ್ಣೀರಿನಲ್ಲಿ ಸ್ನಾನ ಮಾಡುವುದನ್ನು ನಿಲ್ಲಿಸುತ್ತಾರೆ.ಉತ್ತಮ ಬಟ್ಟೆಗಳನ್ನು ತೊಡುವ ಮೂಲಕ ದೇಹವನ್ನು ಬೆಚ್ಚಗಿಡಲು ಪ್ರಯತ್ನಿಸುತ್ತಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದು(Viral Video) ಹರಿದಾಡುತ್ತಿದೆ. ಅದರಲ್ಲಿ ವ್ಯಕ್ತಿಯೊಬ್ಬರು -13 ಡಿಗ್ರಿ ತಾಪಮಾನವಿರುವ ಮಂಜುಗೆಡ್ಡೆಯ ನೀರಿಗೆ ಇಳಿದಿದ್ದಾರೆ.
ವಾಸ್ತವವಾಗಿ ವೈರಲ್ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬರು ನೀರಿಗೆ ಇಳಿದು, ನೀರಿನಲ್ಲಿ ಏನನ್ನೋ ತೆಗೆಯುತ್ತಿರುವುದನ್ನು ನೋಡಬಹುದು. ಅಸಲಿಗೆ ಅವರು ಜಲಶಕ್ತಿ ಇಲಾಖೆ ನೌಕರರಾಗಿದ್ದಾರೆ. ಬಟ್ಟೆಯಿಲ್ಲದೆ ಚಳಿಯಲ್ಲಿ ಬರಿ ಒಳಉಡುಪಿನಲ್ಲಿ ಮಂಜುಗಡ್ಡೆಯಿಂದ ಕೂಡಿರುವ ನೀರಿನಲ್ಲಿ ಇಳಿದಿರುವುದನ್ನು ಕಾಣಬಹುದು.
ಈ ವಿಡಿಯೋವನ್ನು ಹಿಮಾಚಲ ಪ್ರದೇಶದ ಉಪಮುಖ್ಯಮಂತ್ರಿ ಮುಖೇಶ್ ಅಗ್ನಿಹೋತ್ರಿ ಕೂಡ ಹಂಚಿಕೊಂಡು ಉದ್ಯೋಗಿಗಳನ್ನು ಹೊಗಳಿದ್ದಾರೆ.
12 ಸೆಕೆಂಡ್ಗಳ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ಉದ್ಯೋಗಿಗಳ ಬಗ್ಗೆ ಸಾಕಷ್ಟು ಪ್ರಶ್ನೆಗಳನ್ನು ಎತ್ತಿದ್ದಾರೆ. ಯಾವುದೇ ಸುರಕ್ಷತಾ ಕಿಟ್ ಅಥವಾ ಯಾವುದೇ ಸಾಧನವಿಲ್ಲ, ನಾಚಿಕೆಯಾಗಬೇಕು ನಿಮಗೆ, ನೀವೇಅಂತಹ ತಣ್ಣೀರಿಗೆ ಹೋಗಿದ್ದರೆ ನಾವು ಕೂಡ ನಿಮ್ಮನ್ನು ಹೀಗೆಯೇ ಹೊಗಳುತ್ತಿದ್ದೆವು, ಅವರಿಗೆ ಬಹುಮಾನ ನೀಡಬೇಕು ಎಂದು ಕಾಮೆಂಟ್ ಮಾಡಿದ್ದಾರೆ.(ಏಜೆನ್ಸೀಸ್)