Vijay Jana Nayagan to release on July 23
- ಕೊನೆಗೂ ಜನನಾಯಗನ್ ಸಿನಿಮಾ ರಿಲೀಸ್ಗೆ ಮುಹೂರ್ತ ಫಿಕ್ಸ್
- ಜುಲೈ 23ರಂದು ಸೌತ್ ಇಂಡಿಯಾದಲ್ಲಿ ಜನನಾಯಗನ್ ಸಿನಿಮಾ ರಿಲೀಸ್
- ಯುದ್ಧ ಎಷ್ಟು ಕಠಿಣವೋ ಅದರ ವಿಜಯೋತ್ಸವ ಅಷ್ಟೇ ಗರ್ಜನೆಯುಕ್ತವಾಗಿರುತ್ತದೆ ಎಂದು ಪೋಸ್ಟ್ ಹಂಚಿಕೊಂಡ ಕೆವಿಎನ್
ಜನವರಿರಂದೇ ತೆರೆ ಕಾಣಬೇಕಿದ್ದ ಜನನಾಯಗನ್ ಸಿನಿಮಾ ಸಾಕಷ್ಟು ಅಡೆತಡೆ ಎದುರಿಸಿತ್ತು. ಸುದೀರ್ಘ ಕಾನೂನು ಹೋರಾಟ ಮತ್ತು ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ ಜೊತೆಗಿನ ತಿಕ್ಕಾಟ ನಡೆಸಿದ 7 ತಿಂಗಳ ನಂತರ ಕೊನೆಗೂ ಯಶಸ್ವಿಯಾಗಿ ಜುಲೈ 23ರಂದು ಅಬ್ಬರಿಸಲು ರೆಡಿಯಾಗಿದೆ.
ಕೆವಿಎನ್ ಹೇಳಿದ್ದೇನು
'ಅಗ್ನಿ ಪರೀಕ್ಷೆಗೆ ಒಳಪಟ್ಟಿದೆ ಕಾಲದಿಂದ ಕೆತ್ತಲ್ಪಟ್ಟಿದೆ, ಇತಿಹಾಸಕ್ಕಾಗಿ ನಿರ್ಮಾಣದದ್ದು, ಯುದ್ಧದ ರಣರಂಗ ಎಷ್ಟು ಕಠಿಣವೋ, ವಿಜಯೋತ್ಸವ ಅಷ್ಟೇ ಗರ್ಜನೆಯಿಂದ ಕೂಡಿರುತ್ತದೆ' ಎನ್ನುವ ಶೀರ್ಷಿಕೆಯಡಿ ಸಿನಿಮಾದ ಪೋಸ್ಟರ್ ಜೊತೆಗೆ ಮಾಹಿತಿಯನ್ನು ಹಂಚಿಕೊಂಡಿದೆ. ತಮಿಳುನಾಡಿನಲ್ಲಿ ಮೊದಲ ಪ್ರದರ್ಶನ ಬೆಳಿಗ್ಗೆ 9 ಗಂಟೆಗೆ ಇರಲಿದ್ದು, ಕರ್ನಾಟಕ, ಕೇರಳ, ಆಂಧ್ರ ಪ್ರದೇಶ ಹಾಗೂ ತೆಲಂಗಾಣದಲ್ಲಿ ಬೆಳಿಗ್ಗೆ 5ರಿಂದಲೇ ಶೋಗಳು ತೆರೆ ಕಾಣಲಿದೆ.
ಹಲವು ತೊಡಕು
ಈ ವರ್ಷದ ಮೊದಲ ತಿಂಗಳಲ್ಲೇ ಎಚ್. ವಿನೋತ್ ನಿರ್ದೇಶನದ ಜನನಾಯಗನ್ ಸಿನಿಮಾ ರಿಲೀಸ್ ಆಗಬೇಕಿತ್ತು. ಕೋರ್ಟ್ ಓಡಾಟ, ಕೇಂದ್ರ ಚಲನಚಿತ್ರ ಪ್ರಮಾಣೀಕರಣ ಮಂಡಳಿ ಜೊತೆಗಿನ ಹಗ್ಗಜಗ್ಗಾಟದಿಂದಾಗಿ ಏಳು ತಿಂಗಳಿನಿಂದ ಸಿನಿಮಾ ರಿಲೀಸ್ಗಾಗಿ ಸಿನಿಮಾ ತಂಡ ಒದ್ದಾಟ ನಡೆಸಿತ್ತು.
ಪೈರಸಿ ಕಾಟ
ಈ ಮಧ್ಯೆ ತಮಿಳುನಾಡಿನ ವಿಧಾನಸಭೆ ಚುನಾವಣೆಗೆ ಇನ್ನೇನು ಕೆಲವೇ ದಿನಗಳಿವೆ ಎನ್ನುವಾಗಲೇ ಸಿನಿಮಾದ HD ಪ್ರಿಂಟ್ ಪೈರಸಿಯಾಗಿತ್ತು. ಸಿನಿಮಾವನ್ನು 1 ಕೋಟಿಗೂ ಹೆಚ್ಚು ಜನರು ವೀಕ್ಷಿಸಿದ್ದರು ಎನ್ನುವ ಮಾಹಿತಿಯನ್ನು ಪೊಲೀಸರು ನೀಡಿದ್ದರು. ಆ ನಂತರ ಸಿನಿಮಾ ತಂಡ ಸೈಬರ್ ಪೊಲೀಸರಿಗೆ ದೂರು ನೀಡಿತ್ತು, ಅದರ ಆಧಾರದ ಮೇಲೆ ತನಿಖೆ ನಡೆಸಿದ ಪೊಲೀಸರು 19 ಜನರನ್ನು ಬಂಧಿಸಿದ್ದಾರೆ. ಮುನ್ನೂರಕ್ಕೂ ಹೆಚ್ಚು ಲಿಂಕ್ಗಳನ್ನು ಬ್ಲಾಕ್ ಮಾಡಿದ್ದಾರೆ.
ಯಾರೆಲ್ಲ ಸಿನಿಮಾದಲ್ಲಿ ಇದ್ದಾರೆ?
ವಿನೋತ್ ನಿರ್ದೇಶನದ, ಕೆವಿಎನ್ ಪ್ರೊಡಕ್ಷನ್ಸ್ ನಿರ್ಮಾಣದ ಜನನಾಯಗನ್ ಸಿನಿಮಾದಲ್ಲಿ ತಮಿಳುನಾಡಿನ ಸಿಎಂ ವಿಜಯ್ ಅವರು ನಟಿಸಿದ್ದು, ನಟಿ ಪೂಜಾ ಹೆಗ್ಡೆ ನಾಯಕಿಯಾಗಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಮಮಿತಾ ಬೈಜಿ, ಪ್ರಕಾಶ್ ರಾಜ್, ಗೌತಮ್ ವಾಸುದೇವ್ ಮೆನನ್ , ಬಾಬಿ ಡಿಯೋಲ್ ಸೇರಿದಂತೆ ಘಟಾನುಘಟಿ ಸಿನಿ ತಾರೆಯರು ಈ ಸಿನಿಮಾಕ್ಕಾಗಿ ಬಣ್ಣ ಹಚ್ಚಿದ್ದಾರೆ, (ಏಜೆನ್ಸೀಸ್).