ಬೆಂಗಳೂರು: ನಟಿ ಸಂಯುಕ್ತಾ ಕೈಗೆ ಹಾವೊಂದು ಸುತ್ತಿಕೊಂಡಿರುವ ವಿಡಿಯೋ ಅವರ ಟ್ವಿಟರ್ ಖಾತೆಯಲ್ಲಿ ಅಪ್ಲೋಡ್ ಆಗಿದೆ. ಕಪ್ಪು ಮತ್ತು ಗೋಲ್ಡನ್ ಚುಕ್ಕೆಗಳ ಮೈ ಬಣ್ಣ ಹೊಂದಿರುವ ಹಾವು ಯಾವ ಜಾತಿಯದ್ದು ಎಂಬುದು ಗೊತ್ತಿಲ್ಲ. 40 ಸೆಕೆಂಡ್ಗಳ ವಿಡಿಯೋ ಇದಾಗಿದ್ದು, ಅಂಗೈಗೆ ಹಾವು ಸುತ್ತಿಕೊಳ್ಳುತ್ತಿರುವ ದೃಶ್ಯವಿದೆ. ಅದಕ್ಕೊಂದು ಶೀರ್ಷಿಕೆ "Happy #WorldSnakeDay :)" ಎಂದಿದೆ.
ಇಂದು ವಿಶ್ವ ಹಾವು ದಿನ. ಜಗತ್ತಿನಲ್ಲಿ 3,500ಕ್ಕೂ ಹೆಚ್ಚು ಜಾತಿಯ ಹಾವುಗಳಿದ್ದು ಅವುಗಳ ಪೈಕಿ 600 ಹಾವುಗಳು ವಿಷಕಾರಿಯಾಗಿವೆ. ಈ 600 ವಿಷಕಾರಿ ಹಾವುಗಳ ಪೈಕಿ 330 ವಿಷಕಾರಿ ಹಾವುಗಳು ಭಾರತದಲ್ಲೇ ಇವೆಯಂತೆ.