ಬೆಂಗಳೂರು: ಬಿಗ್ ಬಾಸ್ ಕನ್ನಡ ಸೀಸನ್ 10 ಇದೀಗ 11ನೇ ವಾರದ ಅಂತ್ಯದತ್ತ ಸಾಗುತ್ತಿದ್ದು, 10ನೇ ವಾರಕ್ಕೆ ಬಿಗ್ ಮನೆಯಿಂದ ಎಲಿಮಿನೇಟ್ ಆಗಿ ಹೊರಬಂದ ಪವಿ ಪೂವಪ್ಪ, ಇತ್ತೀಚೆಗೆ ವಿಜಯವಾಣಿ ನಡೆಸಿದ ವಿಶೇಷ ಸಂದರ್ಶನದಲ್ಲಿ ಭಾಗಿಯಾಗಿ ಮನೆಯೊಳಗಿನ ಹಲವು ಕುತೂಹಲಕಾರಿ ಸಂಗತಿಗಳ ಬಗ್ಗೆ ಮನಬಿಚ್ಚಿ ಮಾತನಾಡಿದರು. ಈ ವೇಳೆ ಬಿಗ್ ಬಾಸ್ ವೋಟಿಂಗ್ ಹಾಗೂ ಮನೆಯೊಳಗೆ ತಮ್ಮ ನೆಚ್ಚಿನ ಸ್ಪರ್ಧಿಗಳು ಯಾರು ಎಂಬುದನ್ನು ಬಹಿರಂಗಪಡಿಸಿದ್ದಾರೆ.
ಮನೆಯೊಳಗಿನ ಅನುಭವವನ್ನು ಎಳೆ ಎಳೆಯಾಗಿ ಬಿಚ್ಚಿಟ್ಟ ಪವಿ, "ಹೊರಗಡೆಗಿಂತ ನಾನು ಬಿಗ್ಬಾಸ್ನಲ್ಲೇ ಮೂರು ಹೊತ್ತು ಚೆನ್ನಾಗಿ ಊಟ ಮಾಡಿದ್ದೇನೆ" ಎಂದರು. ಇನ್ನು ಬಿಗ್ ಬಾಸ್ ವೋಟಿಂಗ್ ಫೇಕ್? ಎಂಬ ವಿಚಾರಕ್ಕೆ ಪ್ರತಿಕ್ರಿಯಿಸಿದ ಅವರು, "ಮೊದಲನೆಯದಾಗಿ ವೋಟಿಂಗ್ ಹೇಗೆ ನಡೆಯುತ್ತಿದೆ ಎಂಬುದರ ಬಗ್ಗೆ ನನಗೂ ಒಂದು ಡೌಟ್ ಇದೆ. ನಾಮಿನೇಟ್ ಯಾರಾಗುತ್ತಾರೋ ಅವರಿಗೆ ಜನರು ಎಷ್ಟು ವೋಟ್ ಮಾಡಿದ್ದಾರೆ ಎಂಬುದನ್ನು ತೋರಿಸಬೇಕು. ಆಗ ಅವರಿಗೆ ತಿಳಿಯುತ್ತದೆ ಎಷ್ಟು ಮತ ಬಂದಿದೆ ಅಂತ, ಜತೆಗೆ ಮೋಟಿವೇಟ್ ಕೂಡ ಆಗುತ್ತೆ" ಎಂದರು.
"ಸಂಗೀತಾ ಅವರು ಖಂಡಿತವಾಗಿ ಕಂಟೆಂಟ್ಗೆ ಅಂತಾನೇ ಮಾಡ್ತಾರೆ. ಆದ್ರೆ, ಕೆಲವೊಮ್ಮೆ ಅವರು ತೆಗೆದುಕೊಳ್ಳುವ ನಿರ್ಧಾರ ಸರಿಯಾಗಿಯೇ ಇರುತ್ತದೆ ಅನಿಸುತ್ತೆ ನನಗೆ. ನನ್ನ ಫೇವರಿಟ್ ಸ್ಪರ್ಧಿಗಳು......." ಹೆಚ್ಚಿನ ವಿಷಯ ತಿಳಿಯಲು ಕೆಳಗಿನ ಸಂದರ್ಶನದ ವಿಡಿಯೋ ವೀಕ್ಷಿಸಿ.