ಬೆಂಗಳೂರು ಯೂನಿವರ್ಸಿಟಿ ವಿಶ್ವೇಶ್ವರಯ್ಯ ಕಾಲೇಜ್ ಆಫ್ ಇಂಜಿನಿಯರಿಂಗ್(ಯುವಿಸಿಇ) ಪ್ಲೇಸ್ಮೆಂಟ್ನಲ್ಲಿ ಉತ್ತಮ ಸಾಧನೆ ಮಾಡಿದ್ದು, ಶೇ.83.67 ವಿದ್ಯಾರ್ಥಿಗಳಿಗೆ ವಿವಿಧ ಕಂಪನಿಗಳಲ್ಲಿ ಉದ್ಯೋಗವಕಾಶ ಕಲ್ಪಿಸಿಕೊಟ್ಟಿದೆ.
ಇಂಜಿನಿಯರಿಂಗ್ನಲ್ಲಿ ಪ್ರತಿ ವಿಭಾಗದಲ್ಲಿ ಶೇ.64ರಿಂದ ಶೇ.96 ರವರೆಗೆ ಪ್ಲೇಸ್ಮೆಂಟ್ ಸಾಧನೆ ತೋರಿಸಿದೆ. ಕಂಪ್ಯೂಟರ್ ಸೈನ್ಸ್ ಶೇ.93.75, ಎಲೆಕ್ಟ್ರಾನಿಕ್ಸ್ ಆ್ಯಂಡ್ ಕಮ್ಯೂನಿಕೇಷನ್ ಶೇ.96.55, ಎಲೆಕ್ಟ್ರಿಕಲ್ ಆ್ಯಂಡ್ ಎಲೆಕ್ಟ್ರಾನಿಕ್ಸ್ ಶೇ.82.26, ಮಾಹಿತಿ ತಂತ್ರಜ್ಞಾನ ಶೇ.95.16, ಮೆಕಾನಿಕಲ್ ಶೇ.69.77, ಸಿವಿಲ್ ಇಂಜಿನಿಯರಿಂಗ್ ಶೇ.64.56 ಇದೆ. ಕ್ಯಾಂಪಸ್ಗೆ ಟೆಕ್ಸಾಸ್, ಸ್ಯಾಪ್ ಲ್ಯಾಬ್, ಟೆಸ್ಕೋ ಸೇರಿ ಒಟ್ಟು 325 ಕಂಪನಿಗಳು ಭಾಗವಹಿಸಿದ್ದವು.
ಈ ಕುರಿತು ಮಾತನಾಡಿದ ಯುವಿಸಿಇ ಪ್ಲೇಸ್ಮೆಂಟ್ ಅಧಿಕಾರಿ ಪ್ರೊ.ಎಸ್.ಎಂ. ದಿಲೀಪ್ ಕುಮಾರ್, ಜಾಗತಿಕ ಮಟ್ಟದಲ್ಲಿ ಉದ್ಯೋಗವಕಾಶಗಳು ಕಡಿತವಾಗುತ್ತಿರುವ ಈ ಸಮಯದಲ್ಲಿಯೂ ಸಹ ಟಾಪ್ ಕಂಪನಿಗಳು ನಮ್ಮ ಕ್ಯಾಂಪಸ್ಗೆ ಭೇಟಿ ನೀಡಿ ವಿದ್ಯಾರ್ಥಿಗಳಿಗೆ ಉದ್ಯೋಗವಕಾಶ ನೀಡಿರುವುದು ವಿದ್ಯಾರ್ಥಿಗಳಲ್ಲಿರುವ ಪ್ರತಿಭೆ ಮತ್ತು ಸಾಮರ್ಥ್ಯವನ್ನು ತೋರಿಸುತ್ತದೆ ಎಂದಿದ್ದಾರೆ.