ನವದೆಹಲಿ: ಕೃಷಿ ಭೂಮಿ ಗುತ್ತಿಗೆಗೆ ನೀಡುವುದು, ಗುತ್ತಿಗೆ ಕೃಷಿ(contract farming)ಗೆ ಸಂಬಂಧಿಸಿದ ಕೇಂದ್ರದ ಮೂರು ಮಾದರಿ ಕಾನೂನುಗಳನ್ನು ಅಳವಡಿಸಿಕೊಳ್ಳಬೇಕು ಎಂದು ರಾಜ್ಯ ಸರ್ಕಾರಗಳಿಗೆ ಕೇಂದ್ರ ಸರ್ಕಾರ ಸೂಚಿಸಿದೆ.
ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಮಂಡಿಸಿದ 2020ರ ಬಜೆಟ್ನಲ್ಲಿ ಈ ವಿಷಯ ಉಲ್ಲೇಖವಾಗಿದ್ದು, ಬಂಜರು ಅಥವಾ ಪಾಳು ಬಿದ್ದ ಜಮೀನಿನಲ್ಲಿ ಸೌರ ಘಟಕಗಳನ್ನು ಅಳವಡಿಸುವುದಕ್ಕೆ ಕೃಷಿಕರಿಗೆ ಅವಕಾಶ ನೀಡಲಾಗುತ್ತದೆ. ಮತ್ತು ಆ ವಿದ್ಯುತನ್ನು ಪವರ್ಗ್ರಿಡ್ಗೆ ಜೋಡಿಸಲು ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಹೇಳಿದ್ದಾರೆ.
ದೇಶದ 20 ಲಕ್ಷ ರೈತರಿಗೆ ಅವರದ್ದೇ ಆದ ಸೋಲಾರ್ ಪಂಪ್ ಸ್ಥಾಪಿಸುವುದಕ್ಕೆ ಸರ್ಕಾರ ಹಣಕಾಸು ನೆರವು ನೀಡಲಿದೆ. ಇದಲ್ಲದೆ, ಬರಪೀಡಿತ 100 ಜಿಲ್ಲೆಗಳಲ್ಲಿ ಸಮಗ್ರ ಕ್ರಮಗಳ ಪ್ರಸ್ತಾವನೆಯನ್ನೂ ಸರ್ಕಾರ ಸಿದ್ಧಪಡಿಸಿಕೊಂಡಿದೆ. ಗೊಬ್ಬರದ ಸಮರ್ಪಕ ಬಳಕೆ ಮತ್ತು ಕಡಿಮೆ ನೀರಿನ ಬಳಕೆ ಹಾಗೂ ರಾಸಾಯನಿಕ ಗೊಬ್ಬರಗಳ ಸಮತೋಲನದ ಬಳಕೆ ಕುರಿತಂತೆ ರೈತರಿಗೆ ನೆರವಾಗಲು ಯೋಜನೆಯನ್ನು ಸರ್ಕಾರ ಸಿದ್ಧಪಡಿಸಿದೆ. ಸಮತೋಲನದ ರಾಸಾಯನಿಕ ಗೊಬ್ಬರ ಬಳಕೆಯ ಮೂಲಕ ಅದನ್ನೇ ಅವಲಂಬಿಸಿದ್ದ ಕ್ಷೇತ್ರದಲ್ಲಿ ಬದಲಾವಣೆ ತರುವ ಪ್ರಯತ್ನಕ್ಕೆ ಸರ್ಕಾರ ಮುಂದಾಗಿದೆ ಎಂದರು.
ಫುಡ್ ಕಾರ್ಪೊರೇಷನ್ ಆಫ್ ಇಂಡಿಯಾ ಮತ್ತು ವೇರ್ಹೌಸ್ ಕಾರ್ಪೊರೇಷನ್ ಆಫ್ ಇಂಡಿಯಾಗಳು ತಮ್ಮದೇ ಜಾಗದಲ್ಲಿ ಇನ್ನಷ್ಟು ಉಗ್ರಾಣಗಳನ್ನು ನಿರ್ಮಿಸಲಿವೆ. ದೇಶಾದ್ಯಂತ ಇರುವ 162 ಮಿಲಿಯನ್ ಕೃಷಿ ಉಗ್ರಾಣಗಳ ಜಿಯೋ ಟ್ಯಾಬ್ ಮತ್ತು ಮ್ಯಾಪ್ ಮಾಡುವ ಕೆಲಸವನ್ನು ನಬಾರ್ಡ್ ಮಾಡಲಿದೆ ಎಂದು ಸಚಿವರು ಹೇಳಿದರು. (ಏಜೆನ್ಸೀಸ್)