ನವದೆಹಲಿ: ರಿಷಿ ಸುನಕ್ ಪ್ರಧಾನಿಯಾದ ಕ್ಷಣದಿಂದ ಅನೇಕರು ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಗಳನ್ನು ಹರಿ ಬಿಡುತ್ತಿದ್ದಾರೆ. ಈ ನಡುವೆ ಇಲ್ಲೊಬ್ಬ ಭೂಪ ರಿಷಿ ಸುನಕ್ ಮೂಲಕ ಕೊಹಿನೂರ್ ವಜ್ರವನ್ನು ಭಾರತಕ್ಕೆ ಹೇಗೆ ತರಬೇಕು ಎಂದು ಮಾಸ್ಟರ್ಪ್ಲಾನ್ ಮಾಡಿದ್ದಾನೆ!
ಹರ್ಷ ಗೋಯೆಂಕಾ ಎನ್ನುವವರು ತಮ್ಮ ಗೆಳೆಯನ ನಾಲ್ಕು ಹಂತದ ಪ್ಲಾನ್ ಒಂದನ್ನು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ. 'ರಿಷಿ ಸುನಕ್ರನ್ನು ಭಾರತಕ್ಕೆ ಆಹ್ವಾನಿಸುವುದು. ತಮ್ಮ ಮಾವನ ಮನೆಗೆ ಹೋಗುವಾಗ ಅವರನ್ನು ಬೆಂಗಳೂರು ಟ್ರಾಫಿಕ್ನಲ್ಲಿ ಕಿಡ್ನಾಪ್ ಮಾಡುವುದು. ನಂತರ ಬ್ರಿಟನ್ ಪ್ರಧಾನಿಯನ್ನೇ ಹೋಲುವ ಆಶೀಶ್ ನೆಹ್ರಾರನ್ನು ಸುನಕ್ ಬದಲಾಗಿ ಕಳುಹಿಸಿ ಕೊಹಿನೂರ್ ಹಿಂತಿರುಗಿಸುವ ಬಿಲ್ ಪಾಸ್ ಮಾಡಿಸುವುದು' ಎಂದು ಟ್ವೀಟ್ ಮಾಡಿದ್ದಾರೆ.
ಕೆಲವರು ರಿಷಿ ಸುನಕ್ರನ್ನೇ ಹೋಲುವ ಭಾರತೀಯ ಕ್ರಿಕೆಟ್ ತಂಡದ ಆಟಗಾರ ಆಶಿಶ್ ನೆಹ್ರಾಗೆ ಅಭಿನಂದಿಸದ್ದಾರೆ. ಇನ್ನೂ ಕೆಲವರು ಭಾರತವನ್ನು ಆಳಿದ್ದ ಬ್ರಿಟೀಷರನ್ನು ಇಂದು ಭಾರತೀಯ ಆಳುತ್ತಿದ್ದಾನೆ ಎಂದು ಕಾಲೆಳೆದಿದ್ದಾರೆ.
ಇದೀಗ ಹರ್ಷ ಗೋಯೆಂಕಾ ಅವರ ಟ್ವೀಟ್ ಭಾರಿ ವೈರಲ್ ಆಗಿದ್ದು ನೆಟ್ಟಿಗರು ನಾನಾ ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ. ಒಬ್ಬರಂತೂ 'ಸುನಕ್ ಟ್ರಾಫಿಕ್ನಲ್ಲಿ ಸಿಲುಕಿದ್ದಾಗಲೇ ನೆಹ್ರಾರನ್ನು ಕಳುಹಿಸಿ ಬಿಲ್ ಪಾಸ್ ಮಾಡಿಸಬಹುದು' ಎಂದಿದ್ದಾರೆ.