ಬುಲಂದ್ಶಹರ್ (ಉತ್ತರಪ್ರದೇಶ): ಎರಡು ವರ್ಷಗಳ ಹಿಂದೆ ಪಿಯು ಪರೀಕ್ಷೆ ಹೆಚ್ಚು ಅಂಕ ಗಳಿಸಿ ಅದರ ಆಧಾರದಲ್ಲಿಯೇ ಅಮೆರಿಕದ ಪ್ರತಿಷ್ಠಿತ ಕಾಲೇಜಿನಲ್ಲಿ ಪ್ರವೇಶ ಪಡೆದು ವ್ಯಾಸಂಗ ಮಾಡುತ್ತಿದ್ದ ಯುವತಿ ಸಾವಿನ ಪ್ರಕರಣಕ್ಕೆ ಟ್ವಿಸ್ಟ್ ಸಿಕ್ಕಿದೆ.
ಸುಧೀಕ್ಷಾ ಭಾಟಿ ತನ್ನ ಚಿಕ್ಕಪ್ಪ ಹಾಗೂ ಹಾಗೂ ಕಸಿನ್ ಜತೆ ಪ್ರತ್ಯೇಕ ಬೈಕ್ನಲ್ಲಿ ತೆರಳುತ್ತಿದ್ದಾಗ ಬೈಕ್ನಲ್ಲಿ ಬಂದ ಇಬ್ಬರು ಆಗಂತುಕರು ಆಕೆಯನ್ನು ಹಿಂಬಾಲಿಸಿ ಅಡ್ಡಗಟ್ಟಿದ್ದಾರೆ. ಬೈಕ್ ನಿಲ್ಲಿಸುವ ಭರದಲ್ಲಿ ಆಕೆ ಅಪಘಾತಕ್ಕೀಡಾಗಿ ಮೃತಪಟ್ಟಿದ್ದಾಳೆ ಎಂದು ಹೇಳಲಾಗಿತ್ತು. ಅವರ ವಿರುದ್ಧ ಕ್ರಮಕೈಗೊಳ್ಳಬೇಕೆಂದು ಭಾರಿ ಒತ್ತಾಯ ಕೇಳಿ ಬಂದಿತ್ತು. ಸೋಷಿಯಲ್ ಮೀಡಿಯಾದಲ್ಲಂತೂ ಪೊಲೀಸರನ್ನು ಹಿಗ್ಗಮುಗ್ಗಾ ತರಾಟೆಗೆ ತೆಗೆದುಕೊಳ್ಳಲಾಗಿತ್ತು.
ಇದನ್ನೂ ಓದಿ; ಹಿಂದು ಉತ್ತರಾಧಿಕಾರ ಕಾಯ್ದೆ ಪೂರ್ವಾನ್ವಯವಾಗುತ್ತೆ; ಆಸ್ತಿಯಲ್ಲಿ ಹೆಣ್ಣುಮಕ್ಕಳಿಗೂ ಸಮಾನ ಅಧಿಕಾರ
ಆದರೆ, ವಾಸ್ತವಾಂಶವೇ ಬೇರೆಯಾಗಿತ್ತು. ಅಪಘಾತ ನಡೆದ ಸಮಯದಲ್ಲಿ ಆಕೆಯ ಚಿಕ್ಕಪ್ಪ ಅಲ್ಲಿರಲೇ ಇಲ್ಲ. ಅವರು ಅಲ್ಲಿಗೆ ಎರಡು ತಾಸಿನ ಬಳಿಕವಷ್ಟೇ ಬಂದಿದ್ದಾರೆ. ಇತ್ತೀಚೆಗಷ್ಟೇ 10ನೇ ತರಗತಿ ಪಾಸಾಗಿದ್ದ ಆಕೆಯ ಕಸಿನ್ ಬೈಕ್ ಚಲಾಯಿಸುತ್ತಿದ್ದ. ಅವರನ್ನು ಯಾರೂ ಹಿಂಬಾಲಿಸಿ ಕಿರುಕುಳ ನೀಡಿರಲಿಲ್ಲ ಎಂದು ಪೊಲೀಸರು ಹೇಳಿದ್ದಾರೆ.
ಅಮೆರಿಕದ ಮೆಸಾಚುಸೆಟ್ಸ್ನ ಬಾಬ್ಸ್ನ್ ಕಾಲೇಜಿನಲ್ಲಿ ಸುಧೀಕ್ಷಾ ವ್ಯಾಸಂಗ ಮಾಡುತ್ತಿದ್ದಳು. ಇದಕ್ಕಾಗಿ ಆಕೆಗೆ ದೊಡ್ಡ ಮೊತ್ತದ ಸ್ಕಾಲರ್ಶಿಪ್ ದೊರೆತಿತ್ತು. ಇದನ್ನೇ ಆಕೆಯ ಕುಟುಂಬದವರು ಜೀವವಿಮಾ ಮೊತ್ತ ಎಂದು ನಂಬಿಕೊಂಡಿದ್ದರು. ಇದೇ ಕುಟುಂಬದವರ ದಿಕ್ಕು ತಪ್ಪಿಸಿತ್ತು.
ಆಕೆ ಮೃತಪಟ್ಟಿದ್ದರಿಂದ ಇದು ನಿರ್ಲಕ್ಷ್ಯದಿಂದಾದ ಅಪಘಾತವಲ್ಲ, ಬದಲಾಗಿ ಯುವಕರಿಬ್ಬರ ಕಿರುಕುಳದಿಂದಾದ ಅಪಘಾತ ಎಂದು ಬಿಂಬಿಸಿದ್ದರು ಎಂದು ಪೊಲೀಸರು ಸ್ಪಷ್ಟಪಡಿಸಿದ್ದಾರೆ.