ನವದೆಹಲಿ: ಅಮೇರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿ ಡೊನಾಲ್ಡ್ ಟ್ರಂಪ್ ಗೆಲುವು ಅಲ್ಲಿನ ಲಕ್ಷಾಂತರ ಮಹಿಳೆಯರ ನಿದ್ದೆಗೆಡಿಸಿದೆ. ಟ್ರಂಪ್ ಗೆಲುವಿಗೆ ಗಂಡಸರೇ ಕಾರಣವಾಗಿದ್ದು, ಅವರ ಜತೆ ಲೈಂಕಿಕ ಕ್ರಿಯೆಯಿಂದ ದೂರ ಇರುವುದಾಗಿ ಪ್ರತಿಜ್ಞೆ ಮಾಡಿ 4B ಚಳುವಳಿಯನ್ನು(4B Movement) ಆರಂಭಿಸಿದ್ದಾರೆ.
ಕಮಲಾ ಹ್ಯಾರಿಸ್ ತಮ್ಮ ಚುನಾವಣಾ ಪ್ರಚಾರದಲ್ಲಿ 'ಟ್ರಂಪ್ ಒಬ್ಬ ಸ್ತ್ರೀ ವಿರೋಧಿ' ಎಂದು ಹೇಳಿದ್ದರು. ಈ ಹೇಳಿಕೆ ಜತೆಗೆ ಇತರ ವಿಷಯಗಳ ಮೇಲೆ ಟ್ರಂಪ್ ವಿರುದ್ಧ ಆರೋಪಿಸಿ ಹರಿಹಾಯ್ದಿದ್ದರು. ಹೀಗಾಗಿ, ಲಕ್ಷಾಂತರ ಮಹಿಳೆಯರು ಹ್ಯಾರಿಸ್ ಪರ ವೋಟ್ ಮಾಡಿದ್ದಾರೆ ಎನ್ನಲಾಗಿದೆ. ಅಲ್ಲದೇ ಇದಕ್ಕೆ ಪೂರಕ ಎಂಬಂತೆ ಹ್ಯಾರಿಸ್ ಪರ ಮಹಿಳೆಯರು ಮತ್ತು ಟ್ರಂಪ್ ಪರ ಪುರುಷರು ಅತಿ ಹೆಚ್ಚು ವೋಟ್ ಮಾಡಿದ್ದಾರೆ ಎಂದು ಕೆಲ ವರದಿಗಳು ಹೇಳಿದೆ. ಚುನಾವಣೆ ಫಲಿತಾಂಶದ ಬಳಿಕ ಅಮೆರಿಕಾದ ಲಕ್ಷಾಂತರ ಮಹಿಳೆಯರು ಟ್ರಂಪ್ ಗೆಲುವಿನ ಬಗ್ಗೆ ಕಣ್ಣೀರಿಡುತ್ತಾ ವಿಡಿಯೋಗಳನ್ನು ಪೋಸ್ಟ್ ಮಾಡಿದ್ದರು. ಇಷ್ಟೆಲ್ಲಾ ಬೆಳವಣಿಗೆ ಬೆನ್ನಲ್ಲೆ ಟ್ರಂಪ್ ವಿರುದ್ಧ 4B ಚಳುವಳಿ ಆರಂಭಿಸಿದ್ದಾರೆ.
4B ಚಳುವಳಿ ಎಂದರೆ, ಮಹಿಳೆಯರಿಂದ ಪುರುಷರಿಗೆ ಮದುವೆ, ಸಂಬಂಧ, ಲೈಂಗಿಕ ಕ್ರಿಯೆ, ಹೆರಿಗೆ ಸೇರಿದಂತೆ ಇತರ ವಿಷಯಗಳಲ್ಲಿ ಅಸಹಕಾರ ನೀಡುವುದು. 4 ಎಂದರೆ, ನಾಲ್ಕು ವಿಷಯಗಳಲ್ಲಿ ಪುರುಷರಿಗೆ ಸಹಾಯ ಮಾಡದೇ ಇರುವುದು. B ಎಂದರೆ, ಕೊರಿಯಾ ಭಾಷೆಯಲ್ಲಿ 'ಇಲ್ಲ' ಎಂಬ ಅರ್ಥ ನೀಡುತ್ತದೆ. ಈ 4B ಚಳುವಳಿ ಪ್ರಥಮವಾಗಿ, ದಕ್ಷಿಣ ಕೊರಿಯಾದಲ್ಲಿ ಹುಟ್ಟಿಕೊಂಡಿದೆ. 4B ಅಂದೋಲನವು ಕೊರಿಯಾದಲ್ಲಿ ತುಂಬಾನೆ ಪ್ರಭಾವ ಬೀರಿದೆ. ಎಷ್ಟರ ಮಟ್ಟಿಗೆ ಎಂದರೆ ಅ ದೇಶದ ಜನನ ಪ್ರಮಾಣದಲ್ಲಿ ಕುಸಿತ ಕಂಡಿತ್ತು ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಇನ್ನೂ ಇ ಚಳುವಳಿ ಅಮೆರಿಕಕ್ಕೆ ಕಾಲಿಟ್ಟಿದೆ. ಈ ಚಳುವಳಿಗೆ ಪ್ರತಿಭಟನೆಗಳಲ್ಲಿ ಕಡಿಮೆ ಮಹಿಳೆಯರು ಭಾಗವಹಿಸಿದ್ದರೂ, ಸಾಮಾಜಿಕ ಜಾಲತಾಣಗಳಲ್ಲಿ ಅಧಿಕ ಬೆಂಬಲ ವ್ಯಕ್ತವಾಗಿದೆ ಎಂದು ಹೇಳಲಾಗಿದೆ. ಪ್ರಸ್ತುತ 4B ಅಂದೋಲನವು ಅಮೆರಿಕಾ ಸಂಯುಕ್ತ ರಾಜ್ಯಗಳಲ್ಲಿ ಹರಡುತ್ತಿದ್ದು, ಮುಂದಿನ ದಿನಗಳಲ್ಲಿ ಯಾವ ಪರಿಣಾಮ ಬಿರಲಿದೆ ಎಂಬವುದನ್ನು ಕಾದು ನೋಡಬೇಕಿದೆ. .(ಏಜೆನ್ಸೀಸ್)