ಹಾಸನ: ಕುಡಿದ ಅಮಲಿನಲ್ಲಿದ್ದ ಯುವಕರ ಗುಂಪು ಸ್ನೇಹಿತನನ್ನು ನಗ್ನಗೊಳಿಸಿ ರಸ್ತೆ ತುಂಬಾ ಅಟ್ಟಾಡಿಸಿದ್ದಾರೆ. ಈ ಪ್ರಕರಣಕ್ಕೆ ಸಂಬಧಿಸಿದಂತೆ ಪೊಲೀಸರು ಮೂವರನ್ನು ಬಂಧಿಸಿದ್ದಾರೆ.
ರಂಜಿತ್,ದಯಾನಂದ್,ಆನಂದ್ ಬಂಧಿತ ಆರೋಪಿಗಳಾಗಿದ್ದಾರೆ. ಇವರು ಅರಕಲಗೂಡು ಮೂಲದವರಾಗಿದ್ದಾರೆ. ಈ ಮೂವರು ಸ್ನೇಹಿತನನ್ನು ನಗ್ನಗೊಳಿಸಿ ಸಾರ್ವಜನಿಕ ಪ್ರದೇಶದಲ್ಲಿ ಅಸಭ್ಯವಾಗಿ ನಡೆದುಕೊಂಡಿದ್ದಾರೆ.
ಯುವಕರು ಗುಂಪು ಸೇರಿ ಮದ್ಯಪಾನ ಮಾಡಿದ್ದಾರೆ. ಕುಡಿದ ನಂತರ ಡ್ಯಾನ್ಸ್ ಮಾಡಲಿಲ್ಲ ಎಂಬ ಕಾರಣಕ್ಕೆ ಸ್ನೇಹಿತನನ್ನ ನಗ್ನಗೊಳಿಸಿ ಪಟ್ಟಣದಲ್ಲಿ ಅಟ್ಟಾಡಿಸಿದ ಅಮಾನವೀಯ ನಡೆದುಕೊಂಡಿದ್ದಾರೆ. ಅರಕಲಗೂಡು ಪಟ್ಟಣದಲ್ಲಿ ಈ ಘಟನೆ ನಡೆದಿದೆ.
ಯುವಕರ ಹುಚ್ಚಾಟ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಅರಕಲಗೂಡು ಪೊಲೀಸರು ಸ್ವಯಂ ದೂರುದಾಖಲಿಸಿಕೊಂಡು ತನಿಖೆ ನಡೆಸಿ ಮೂವರನ್ನು ಅರೆಸ್ಟ್ ಮಾಡಿದ್ದಾರೆ.