ನವದೆಹಲಿ: ಕೋವಿಡ್-19 ಬಿಕ್ಕಟ್ಟಿನಿಂದಾಗಿ ಮೌಲ್ಯ ಕುಸಿತ ಹಾಗೂ ವಸೂಲಾಗದ ಸಾಲದ ಹೊರೆ ಹೆಚ್ಚಾಗುತ್ತಿರುವುದರಿಂದ ಪ್ರಸಕ್ತ ವಿತ್ತ ವರ್ಷದಲ್ಲಿ ಸಾರ್ವಜನಿಕ ವಲಯದ ಬ್ಯಾಂಕ್ಗಳನ್ನು (ಪಿಎಸ್ಬಿ) ಖಾಸಗೀಕರಿಣ ಮಾಡುವ ಸಂಭವವಿಲ್ಲ.
ಸದ್ಯಕ್ಕೆ ನಾಲ್ಕು ಪಿಎಸ್ಬಿಗಳು ರಿಸರ್ವ್ ಬ್ಯಾಂಕ್ನ ಸರಿಪಡಿಸುವ ಕ್ರಿಯೆಯ (ಪಿಸಿಎ) ಸಕ್ರಿಯ ಪರಿಶೀಲನೆಯಲ್ಲಿದೆ. ಈ ನಾಲ್ಕು ಬ್ಯಾಂಕ್ಗಳ ಮೇಲೆ ಹಲವು ನಿರ್ಬಂಧಗಳನ್ನು ಆರ್ಬಿಐ ವಿಧಿಸಿದೆ. ಸಾಲ ನೀಡಿಕೆ, ಆಡಳಿತ ಪರಿಹಾರ ಮತ್ತು ನಿರ್ದೇಶಕರ ಶುಲ್ಕ ಈ ನಿರ್ಬಂಧಗಳಲ್ಲಿ ಸೇರಿವೆ. ಆದ್ದರಿಂದ ಪ್ರಸ್ತಾಪಿತ ನಾಲ್ಕು ಬ್ಯಾಂಕ್ಗಳನ್ನು ಮಾರಾಟ ಮಾಡುವಲ್ಲಿ ಯಾವುದೇ ಅರ್ಥವಿಲ್ಲ ಎನ್ನುವುದು ಆರ್ಬಿಐ ಅಭಿಮತವಾಗಿದೆ.
ಇಂಡಿಯನ್ ಓವರ್ಸೀಸ್ ಬ್ಯಾಂಕ್ (ಐಓಬಿ), ಭಾರತೀಯ ಸೆಂಟ್ರಲ್ ಬ್ಯಾಂಕ್ (ಸಿಬಿಐ), ಯುಕೋ ಬ್ಯಾಂಕ್ ಮತ್ತು ಯುನೈಟೆಡ್ ಬ್ಯಾಂಕ್ ಆಫ್ ಇಂಡಿಯಾ (ಯುಬಿಐ) ಆರ್ಬಿಐನ ಹದ್ದಿನ ಕಣ್ಣಿನಲ್ಲಿರುವ ಸಾರ್ವಜನಿಕ ರಂಗದ ಬ್ಯಾಂಕ್ಗಳಾಗಿವೆ. ವಿಶೇಷವಾಗಿ ಮಹತ್ವದ ವಲಯದಲ್ಲಿರುವ ತನ್ನ ಸಂಸ್ಥೆಗಳನ್ನು ಹತಾಶೆಯಿಂದ ಮಾರುವುದರಿಂದ ಸರ್ಕಾರ ದೂರವುಳಿಯಲಿದೆ ಎಂದು ಮೂಲಗಳು ಹೇಳಿವೆ.
ಕೋವಿಡ್-19 ಸಾಂಕ್ರಾಮಿಕತೆಯಿಂದಾಗಿ ಪಿಎಸ್ಬಿಗಳನ್ನು ಸುಧಾರಿಸುವ ಕಾರ್ಯವೇ ಸ್ಥಗಿತಗೊಂಡಿದೆ. ಅಷ್ಟು ಮಾತ್ರವಲ್ಲದೆ ಖಾಸಗಿ ವಲಯದ ಬ್ಯಾಂಕ್ಗಳ ಆರ್ಥಿಕ ಪರಿಸ್ಥಿತಿ ಮೇಲೆ ಕರೊನಾ ವ್ಯಾಧಿ ಸನ್ನಿವೇಶ ಪ್ರತಿಕೂಲ ಪರಿಣಾಮ ಬೀರುತ್ತಿದೆಯೆನ್ನುವುದು ಗಮನಾರ್ಹ ಸಂಗತಿಯಾಗಿದೆ.