ಪುಣ್ಯದಿಂದ ನಾವು ಸ್ವರ್ಗದಲ್ಲಿ ಉತ್ತಮ ಮನೆಯನ್ನು, ಉತ್ತಮ ಕಾರನ್ನು ಖರೀದಿಸಬಹುದು. ಕೆಲವರು ಅಷ್ಟು ದುರಾಸೆಯುಳ್ಳವರಲ್ಲ, ಅವರು ಈ ಜಗತ್ತಿನಲ್ಲಿ ಚಾಲ್ತಿಯಲ್ಲಿರುವ ಹಣದ ಬಗ್ಗೆ ಮಾತ್ರ ಯೋಚಿಸುತ್ತಾರೆ. ಕೆಲವರು ಹೆಚ್ಚು ದುರಾಸೆಯುಳ್ಳವರಾಗಿದ್ದು, ಅವರು ಪರಲೋಕದ ಬಗ್ಗೆ ಯೋಚಿಸುತ್ತಾರೆ. ಮತ್ತು ನಾವು ಸ್ವರ್ಗವನ್ನು ಸಾಧಿಸಲು ಪುಣ್ಯದ ಬಗ್ಗೆ ಯೋಚಿಸುತ್ತಿದ್ದರೆ, ಅದು ಕೂಡ ಹಣದ ಚಿಂತನೆಯಲ್ಲದೇ ಇನ್ನೇನು?.
ಹಣವು ಭವಿಷ್ಯಕ್ಕಾಗಿ ಭದ್ರತೆ. ನಮ್ಮ ಬಳಿ ಉತ್ತಮ ಬ್ಯಾಂಕ್ ಬ್ಯಾಲೆನ್ಸ್ ಇದ್ದರೆ ಭವಿಷ್ಯ ಸುರಕ್ಷಿತವಾಗಿರುತ್ತದೆ ಎಂಬ ಭಾವನೆ ಎಲ್ಲರಲ್ಲಿದೆ. ಆದರೆ ನಮ್ಮ ಬಳಿ ಉತ್ತಮ ನಡತೆ ಇದ್ದರೆ, ಜೀವನಮೌಲ್ಯಗಳಿದ್ದರೆ ಮರಣಾನಂತರದ ಜೀವನವೂ ಆನಂದದಾಯಕವಾಗಿರುತ್ತದೆ. ಆದರೆ ಇದರ ಅರಿವು ನಮಗಿಲ್ಲ. ಇಡೀ ಪ್ರಪಂಚವೇ ಹಣದ ದೃಷ್ಟಿಯಿಂದ ಯೋಚಿಸುತ್ತಿದೆ. ಏಕೆಂದರೆ ಹಣವು ಅಧಿಕಾರದ ಸಂಕೇತ ಮಾತ್ರ.
ಅದಕ್ಕಾಗಿಯೇ ನಾವು ಹೆಚ್ಚು ಹೆಚ್ಚು ಹಣವನ್ನು ಸಂಗ್ರಹಿಸುತ್ತಲೇ ಹೋಗಬಹುದು, ಆದರೆ ಇನ್ನೂ ಹೆಚ್ಚಿನದನ್ನು ಹೊಂದುವ ಬಯಕೆ ನಮ್ಮನ್ನು ಬಿಡುವುದಿಲ್ಲ. ಏಕೆಂದರೆ ಅಧಿಕಾರದ ದಾಹವು ಅನಿಯಮಿತವಾಗಿದೆ. ಅಧಿಕಾರಕ್ಕಾಗಿ ಹಾತೊರೆಯುವವರು ಅಂತಃಕರಣದಲ್ಲಿ ಅವರು ಖಾಲಿಯಾಗಿದ್ದಾರೆ. ಹೇಗಾದರೂ ಆ ಶೂನ್ಯತೆಯನ್ನು ಯಾವುದಾದರೂ ಒಂದರಿಂದ ತುಂಬಲು ಅವರು ಬಯಸುತ್ತಾರೆ ಅದು ಹಣ, ಅಧಿಕಾರ, ಪ್ರತಿಷ್ಠೆ, ಗೌರವ, ನಡತೆ, ಸದ್ಗುಣ ಇರಬಹುದು. ಏನಾದರೂ ಆಗಬಹುದು.