ನಾನು ಮಲಗಿರುವಾಗ ನೀನು ನನ್ನ ಪ್ರಾಣ ತೆಗೆಯುವುದಾದರೆ ಅದರ ಮೇಲೆ ಕೃಪೆ ತೋರು. ಇನ್ನು ಜೀವಿಸಲು ಇನ್ನಷ್ಟು ಕಾಲಾವಕಾಶ ನೀಡುವುದಾದರೆ ನಿನ್ನ ಸಜ್ಜನ ದಾಸರನ್ನು ರಕ್ಷಿಸುವಂತೆ ನನ್ನನ್ನು ರಕ್ಷಿಸು! ಪ್ರವಾದಿ(ಸ)ಯವರ ಅಭಯಯಾಚನೆ ಮಹತ್ವ ಪೂರ್ಣವಾದುದಾಗಿರುತ್ತಿತ್ತು! ಪ್ರವಾದಿ ಹೀಗೆ ಪ್ರಾರ್ಥಿಸುತ್ತಿದ್ದರು: ‘ಓ ಅಲ್ಲಾಹ್! ನಾನು ಕಳವಳ, ದುಃಖ ಅವಮಾನ, ಆಲಸ್ಯ, ಸಾಲದಹೊರೆ ಮತ್ತು ದುಷ್ಟರ ಆಕ್ರಮಣದಿಂದ ನಿನ್ನ ಅಭಯ ಯಾಚಿಸುತ್ತೇನೆ’. ಅಲ್ಲಾಹನ ಅಭಯ ಯಾಚಿಸುವುದೆಂದರೆ ದಾಸನಿಗೆ ತನ್ನ ದುರ್ಬಲ ಹಾಗೂ ಅಸಹಾಯಕತೆಯ ಪ್ರಜ್ಞೆಯಿಂದ ತಾನು ದುರ್ಬಲನಾಗಿರುವುದರಿಂದ ಶಕ್ತಿವಂತ ಒಡೆಯ ಮತ್ತು ಪ್ರತಾಪಿಯಾದ ಅಲ್ಲಾಹನೊಡನೆ, ಬರಲಿರುವ ಸಂಕಷ್ಟಗಳಿಂದ ತನ್ನನ್ನು ಪಾರು ಮಾಡಬೇಕೆಂದು ಭಿನ್ನವಿಸುತ್ತಾನೆ. ಕಷ್ಟಕಾರ್ಪಣ್ಯಗಳು ಉಂಟಾಗುವಾಗಿನ ದುಗುಡ ಅವಮಾನ, ಆಲಸ್ಯ ಮುಂತಾದವುಗಳಿಂದ ರಕ್ಷಿಸುವಂತೆ ಬೇಡುತ್ತಾನೆ. ಹಾಗೆಸಾಲದ ಹೊರೆ ಮತ್ತು ದುಷ್ಟರ ಆಕ್ರಮಣದಿಂದ ಪಾರುಗೊಳಿಸುವಂತೆ ಕೋರುತ್ತಾನೆ. ಯಾರು ‘ಲಾ ಇಲಾಹಾ ಇಲ್ಲಲ್ಲಾಹ್’ (ಅಲ್ಲಾಹನಲ್ಲದೆ ಅನ್ಯ ಆರಾಧ್ಯರಿಲ್ಲ) ಎಂದು ಹೇಳುವರೋ ಅವರಿಗೆ ಅಲ್ಲಾಹನ ಬಳಿ ಸ್ವರ್ಗದ ವಾಗ್ದಾನವಿದೆ. ಸ್ವರ್ಗದಲ್ಲಿ ತಮ್ಮ ಕಣ್ಣುಗಳು ಯಾವುದನ್ನು ನೋಡುವುವೋ ಅದನ್ನೇ ನನ್ನ ಕಣ್ಣುಗಳು ಕಾಣಬಲ್ಲವು ಎಂದರು.