ನವದೆಹಲಿ: ಭಾರತದಲ್ಲಿ ಕೆಲವು ಹೋಟೆಲ್ಗಳ ಕೊಠಡಿ ದರಗಳು ವರ್ಷಾಂತ್ಯ ಡಿ.31ರಂದು ಗರಿಷ್ಠ ಮಟ್ಟ ತಲುಪಿವೆ. ರಾಜಸ್ಥಾನದ ಸವಾಯಿ ಮಾಧೋಪುರದಲ್ಲಿರುವ ಸಿಕ್ಸ್ ಸೆನ್ಸ್ ಫೋರ್ಟ್ ಬರ್ವಾಡಾದಲ್ಲಿ ಡಿ.31ರಂದು ಕೊಠಡಿಗಳ ಸಾಮಾನ್ಯ ಶುಲ್ಕ 1,20,000 ರೂ.ವಿಧಿಸಿದ್ದು, ಈ ಹೋಟೆಲ್ನಲ್ಲಿ ಮಹಾರಾಜ ಸೂಟ್ಗಾಗಿ 7 ಲಕ್ಷ ರೂಪಾಯಿ ನೀಡಿ ಬುಕ್ಕಿಂಗ್ ಮಾಡಿದ್ದಾರೆ.
ದೆಹಲಿ, ಜೈಪುರ ಮತ್ತು ಉದಯಪುರದಲ್ಲಿರುವ ಲೀಲಾ ಪ್ಯಾಲೇಸ್ ಹೋಟೆಲ್ಗಳು ಮತ್ತು ರೆಸಾರ್ಟ್ಗಳ ಬಾಡಿಗೆಗಳು ದಾಖಲೆಯ ಗರಿಷ್ಠ ಮಟ್ಟದಲ್ಲಿವೆ. ಲೀಲಾ ಪ್ಯಾಲೇಸ್ ಉದಯಪುರದಲ್ಲಿ ಡಿ.31ಕ್ಕೆ ಯಾವುದೇ ಕೊಠಡಿಗಳು ಲಭ್ಯವಿಲ್ಲ. ಈ ಹೋಟೆಲ್ನಲ್ಲಿ ಕ್ರಿಸ್ವುಸ್ ದಿನದಂದು ಒಂದು ರಾತ್ರಿ ತಂಗಲು 1,06,200 ರೂ. ಶುಲ್ಕ ವಿಧಿಸಿತ್ತು. ಈಗ ಹೊಸ ವರ್ಷದಂದು ಅದರ ದರ ಮತ್ತಷ್ಟು ಹೆಚ್ಚಾಗಿದೆ.
ಡಬಲ್ ಟ್ರೀಯ ಹಿಲ್ಟನ್ ಗೋವಾ ರೆಸಾರ್ಟ್ ಕ್ಯಾಂಡೋಲಿಮ್ ಮತ್ತು ಹಿಲ್ಟನ್ ಗೋವಾ ಅಪೋರಾ ಬಾಗಾದ ಪ್ರಾಪರ್ಟಿಗಳಲ್ಲಿ ಡಿ.31ಕ್ಕೆ ಯಾವುದೇ ಕೊಠಡಿಗಳು ಲಭ್ಯವಿಲ್ಲ. ಸರಾಸರಿ ಹೋಟೆಲ್ ಬಾಡಿಗೆ ದರಗಳು ಹಿಂದಿನ ವರ್ಷಗಳಿಗಿಂತ ಶೇ.40ರಷ್ಟು ಹೆಚ್ಚಾಗಿದೆ. ಫೇರ್ವಾಂಟ್ ಜೈಪುರದಲ್ಲಿ ಹೋಟೆಲ್ ಬುಕಿಂಗ್ ಪ್ಯಾಕೇಜ್ಗಳು ಕನಿಷ್ಠ 65,000 ರೂ. ಮತ್ತು ತೆರಿಗೆಗಳಿಂದ ಪ್ರಾರಂಭವಾಗಿವೆ.
ಉದಯಪುರದ ಅವರ ಝಾನಾ ಲೇಕ್ ರೆಸಾರ್ಟ್ನಲ್ಲಿ ಎರಡು ರಾತ್ರಿ ತಂಗುವ ದರ 55 ಸಾವಿರ ದಾಟಿದ್ದು, ಮ್ಯಾರಿಯೊಟ್ ಮಸ್ಸೂರಿ ವಾಲ್ನಟ್ ಗ್ರೋವ್ ರೆಸಾರ್ಟ್ನಲ್ಲಿ 32 ಸಾವಿರ ರೂ.ಗೆ ರೂಮ್ ಬುಕ್ ಮಾಡಲಾಗಿದ್ದು,ಯಾವುದೇ ಕೊಠಡಿಗಳು ಲಭ್ಯವಿಲ್ಲ ಎಂದು ಮೂಲಗಳು ತಿಳಿಸಿವೆ.