Most Expensive Cheese : ಚೀಸ್ ಪ್ರಿಯರೇ ಅಚ್ಚರಿಗೊಳ್ಳಲು ಸಿದ್ದರಾಗಿರಿ, ಸ್ಪೇನ್ನ ಅಸ್ಟುರಿಯಸ್ನಲ್ಲಿ ದುಬಾರಿ ಬೆಲೆಗೆ ಅಂದರೆ ಸುಮಾರು 36 ಲಕ್ಷ ರೂಪಾಯಿಗೆ 2.3 ಕಿಲೋಗ್ರಾಂ ಇರುವಂತಹ ಒಂದು ನೀಲಿ ಚಕ್ರದ ಚೀಸ್ ಮಾರಾಟವಾಗಿ ಗಿನ್ನಿಸ್ ದಾಖಲೆಯಲ್ಲಿ ಸ್ಥಾನ ಪಡೆದುಕೊಂಡಿದೆ.
ಕ್ಯಾಬ್ರೆಲ್ ಚೀಸ್ ಇದು ದಿನನಿತ್ಯ ಸೂಪರ್ ಮಾರ್ಕೆಟ್ನಲ್ಲಿ ಸಿಗುವಂತಹ ಚೀಸ್ ಅಲ್ಲ. ಈ ನೀಲಿ ಬಣ್ಣದ ಚೀಸ್ ಅನ್ನು ಕಚ್ಚಾಹಸುವಿನ ಹಾಲಿನಿಂದ ತಯಾರಿಸಲ್ಪಟ್ಟಿರುತ್ತದೆ. ಹಾಗೇ ಕೆಲವೊಮ್ಮೆ ಕುರಿ ಹಾಗೂ ಮೇಕೆಯ ಹಾಲಿನೊಂದಿಗೆ ಬೆರೆಸಲಾಗುತ್ತದೆ. ಇದು ಉತ್ತರ ಸ್ಪೇನ್ನ ಪಿಕೊಸ್ ಡಿ ಯುರೋಪ್ ಪರ್ವತಗಳಲ್ಲಿ ತಯಾರಿಸಲಾಗುತ್ತದೆ.
ಬಹುಮಾನ ಪಡೆದ ಚೀಸ್ ರನ್ ಏಂಜೆಲ್ ಡಿಯಾಜ್ ಚೀಸ್ ಫ್ಯಾಕ್ಟರಿಯಿಂದ ತಯಾರಿಸಲ್ಪಟ್ಟಿದೆ. ಇನ್ನು ಈ ಚೀಸ್ನ್ನು ತಾಜಾ ಹಾಲನ್ನು ಬಳಸಿ ಬಟ್ಟೆಗಳಿಂದ ಸುತ್ತಿ, ಪರ್ವತ ಶ್ರೇಣಿಗಳಲ್ಲಿ 10 ತಿಂಗಳುಗಳ ಕಾಲ ಕೊಂಡೊಯ್ದು ಅಲ್ಲಿ ಇಡಲಾಗುತ್ತದೆ. ತದನಂತರ ಇದು ಅಲ್ಲಿರುವಂತಹ ಖನಿಜಾಂಶಗಳನ್ನು ಹೀರಿಕೊಂಡು ಸುವಾಸನೆ ಬೀರುತ್ತದೆ.
ಪ್ರತಿವರ್ಷ ಈ ಪ್ರದೇಶದ ಅತ್ಯುತ್ತಮ ಚೀಸ್ ತಯಾರಕರು ಪ್ರತಿಷ್ಟಿತ ಕ್ಯಾಬ್ರೆಲ್ ಚೀಸ್ ಸ್ಪರ್ಧೆಯಲ್ಲಿ ಭಾಗವಹಿಸುತ್ತಾರೆ. ಪರಿಣಿತ ತೀರ್ಪುಗಾರರ ತಂಡವು ಸ್ಪರ್ಧೆಯಲ್ಲಿ ಪ್ರತಿಯೊಂದು ಆಹಾರವನ್ನು ಪರೀಕ್ಷಿಸುತ್ತದೆ. ಇನ್ನು ಈ ನಿರ್ದಿಷ್ಟ ಬ್ಯಾಚ್ಗೆ ಹೋಗುವ ಮುನ್ನ 14 ಇತರ ಉತ್ಪಾದನೆಯ ಮಾದರಿಗಳನ್ನು ಹಿಂದಿಕ್ಕಿ ಜಯಗೊಳಿಸಿತು. ಇನ್ನು ಸ್ಪೇನ್ನಾದ್ಯಂತ ಈ ಚೀಸ್ ಹೆಸರುವಾಸಿಯಾಗಿದೆ.
ಕೊನೆಯಲ್ಲಿ, ಈ ಚೀಸ್ ಚಕ್ರವನ್ನು ಎಲ್ ಲಗ್ಗರ್ ಡಿ ಕೊಲೊಟೊ ರೆಸ್ಟೋರೆಂಟ್ನ ಮಾಲೀಕರಾದ ಇವಾನ್ ಸುವಾರೆಜ್ ಖರೀದಿಸಿದರು. ಸುವಾರೆಜ್ 5 ನೇ ಬಾರಿಯೂ ಅತ್ಯುನ್ನತ ಬಿಡ್ನ್ನು ಪಡೆದುಕೊಂಡಿದ್ದಾರೆ. ಅವರಿಗೆ, ಸಾಂಪ್ರದಾಯಿಕ ಕರಕುಶಲ ಆಹಾರಗಳನ್ನು ಆಚರಿಸುವುದು ಹೆಮ್ಮೆಯ ವಿಷಯ ಮತ್ತು ಸ್ಥಳೀಯ ಚೀಸ್ ತಯಾರಕರನ್ನು ಬೆಂಬಲಿಸುವ ಒಂದು ಮಾರ್ಗವಾಗಿದೆ. (ಏಜೆನ್ಸೀಸ್)