ಗುರುಗ್ರಾಮ್ : ರಾಜ್ಯ ಮಟ್ಟದ ಟೆನಿಸ್ ಆಟಗಾರ್ತಿ 25 ವರ್ಷದ ರಾಧಿಕಾ ಯಾದವ್ ಅವರನ್ನು ಗುರುಗ್ರಾಮದಲ್ಲಿ ಇಂದು (10) ಅವರ ತಂದೆಯಾದ ದೀಪಕ್ ಯಾದವ್ ಗುಂಡಿಕ್ಕಿ ಕೊಂದಿದ್ದಾರೆ.
ರಾಧಿಕಾ ತನ್ನ ಪೋಷಕರೊಂದಿಗೆ ಗುರುಗ್ರಾಮದ ಸೆಕ್ಟರ್ 57ರಲ್ಲಿರುವ ನಿವಾಸದಲ್ಲಿ ವಾಸಿಸುತ್ತಿದ್ದರು. ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಇಂದು ಮಧ್ಯಾಹ್ನ ಆಕೆಯ ತಂದೆಯೇ ಈ ಕೃತ್ಯವನ್ನ ಎಸಗಿದ್ದಾರೆ ಎನ್ನಲಾಗಿದೆ.
ಸುಶಾಂತ್ ಲೋಕ್ ಫೇಸ್ 2 ರ ಜಿ ಬ್ಲಾಕ್ನಲ್ಲಿರುವ ಅವರ ನಿವಾಸದೊಳಗೆ ಗುಂಡಿನ ದಾಳಿ ನಡೆದಿದೆ. ವರದಿಯಲ್ಲಿ ಉಲ್ಲೇಖಿಸಲಾದ ಪ್ರಾಥಮಿಕ ಮಾಹಿತಿಯ ಪ್ರಕಾರ, ರಾಧಿಕಾ ಯಾದವ್ ಸಾಮಾಜಿಕ ಮಾಧ್ಯಮಕ್ಕಾಗಿ ಚಿತ್ರೀಕರಿಸಿದ ವೀಡಿಯೊ ರೀಲ್ನ ಕುರಿತಾದ ಭಿನ್ನಾಭಿಪ್ರಾಯದಿಂದ ಉಂಟಾದ ವಾಗ್ವಾದದಿಂದಾಗಿ ಅವರ ಮೇಲೆ ಸತತವಾಗಿ ಮೂರು ಗುಂಡುಗಳನ್ನು ಹಾರಿಸಿದ್ದಾರೆ ಎನ್ನಲಾಗಿದೆ.
(ಏಜೆನ್ಸೀಸ್)
ಪೊಲೀಸ್ ಅಧಿಕಾರಿಗಳು ಈ ಕುರಿತು ತನಿಖೆ ಆರಂಭಿಸಿದ್ದು, ಸ್ಥಳೀಯರು ಮತ್ತು ಕುಟುಂಬದ ಸದಸ್ಯರಿಂದ ಮಾಹಿತಿಯನ್ನು ಕಲೆ ಹಾಕುತ್ತಿದ್ದಾರೆ.
ಹರಿಯಾಣ ಟೆನಿನ್ ಸರ್ಕ್ಯೂಟ್ನಲ್ಲಿ ಗುರುತಿಸಲ್ಪಟ್ಟ ಆಟಗಾರ್ತಿ ರಾಧಿಕಾ ಯಾದವ್ ಕ್ರೀಡೆಗೆ ನೀಡಿದ ಸಾಧನೆಗಳು ಮತ್ತು ಕೊಡುಗೆಗಳಿಗೆ ಹೆಸರುವಾಸಿಯಾಗಿದ್ದರು. ಸ್ಪರ್ಧಿಸುವುದರ ಜೊತೆಗೆ, ಅವರು ಟೆನಿಸ್ ಅಕಾಡೆಮಿಯನ್ನು ಸಹ ನಡೆಸುತ್ತಿದ್ದರು, ಅಲ್ಲಿ ಅವರು ಮಹತ್ವಾಕಾಂಕ್ಷಿ ಆಟಗಾರರಿಗೆ ತರಬೇತಿ ನೀಡಿದ್ದರು.