ನವದೆಹಲಿ: ಟಿಕ್ಟಾಕ್ ಜಾಲತಾಣದಲ್ಲಿ ತಾನು ಹಾಕಿದ್ದ ವಿಡಿಯೋಕ್ಕೆ ಹೆಚ್ಚಿನ ಲೈಕ್ಸ್ ಬರಲಿಲ್ಲ ಎಂಬ ಕಾರಣಕ್ಕೆ ಉತ್ತರ ಪ್ರದೇಶದ ನೋಯ್ಡಾದ ಬಾಲಕ ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ.
ಸಲಾರ್ಪುರ ಗ್ರಾಮದ ನೂರ್ ಇಕ್ಬಾಲ್ (18) ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡವ.
ನೂರ್ ಇಕ್ಬಾಲ್ಗೆ ಮೊದಲಿನಿಂದಲೂ ಟಿಕ್ಟಾಕ್ ಜಾಲತಾಣದಲ್ಲಿ ವಿಡಿಯೋಗಳನ್ನು ಅಪ್ಲೋಡ್ ಮಾಡುವ ಹವ್ಯಾಸ ಇತ್ತು. ಆದರೆ ಆ ವಿಡಿಯೋಗಳನ್ನು ನೋಡಿ, ಹೆಚ್ಚಿನ ಜನರು ಲೈಕ್ ಕೊಡುತ್ತಿರಲಿಲ್ಲ. ಇದರಿಂದ ಆತ ಖಿನ್ನತೆಗೆ ಒಳಗಾಗಿದ್ದ ಎಂಬುದು ಪ್ರಾಥಮಿಕ ತನಿಖೆಯಲ್ಲಿ ತಿಳಿದು ಬಂದಿದ್ದಾಗಿ ಪೊಲೀಸರು ತಿಳಿಸಿದ್ದಾರೆ.
ಟಿಕ್ಟಾಕ್ನಲ್ಲಿ ವಿಡಿಯೋ ಹಾಕುತ್ತಿದ್ದಂತೆ ತನ್ನ ನೆರೆಹೊರೆಯವರಿಗೆಲ್ಲ ಕರೆ ಮಾಡುತ್ತಿದ್ದ ನೂರ್ ಇಕ್ಬಾಲ್, ವಿಡಿಯೋವನ್ನು ಲೈಕ್ ಮಾಡುವಂತೆ ಮನವಿ ಮಾಡಿಕೊಳ್ಳುತ್ತಿದ್ದ. ಆತ ಸನ್ನಡತೆ ಹೊಂದಿದ್ದ ಎಂದು ಅಕ್ಕಪಕ್ಕದ ಮನೆಯವರು ಮಾಹಿತಿ ನೀಡಿದ್ದಾಗಿ ಹೇಳಿದ್ದಾರೆ.