ಗುರುಗ್ರಾಮ್: ಶಾಲೆ ವಿದ್ಯಾರ್ಥಿಯನ್ನು ಯುವಕರ ಗುಂಪೊಂದು ಬ್ಲಾಕ್ ಮೇಲ್( Blackmaile) ಮಾಡಿ 80 ಲಕ್ಷ ರೂಪಾಯಿ ಸುಲಿಗೆ ಮಾಡಿರುವ ಘಟನೆ ಹರಿಯಾಣದ ಗುರುಗ್ರಾಮ್ನಲ್ಲಿ ಬೆಳಕಿಗೆ ಬಂದಿದೆ. ವಿದ್ಯಾರ್ಥಿನಿ ತನ್ನ ಅಜ್ಜಿಯ ಖಾತೆಯಿಂದ ಈ ಮೊತ್ತವನ್ನು ಯುವಕರಿಗೆ ನೀಡಿದ್ದಾಳೆ ಎಂದು ಹೇಳಲಾಗುತ್ತಿದೆ.
ಇದನ್ನು ಓದಿ: ಔರಂಗಜೇಬ್ ಕುರಿತ ಹೇಳಿಕೆಯನ್ನು ಹಿಂತೆಗೆದುಕೊಂಡಿದ್ದೆ ಆದರೂ..; x1ಎಸ್ಪಿ ಶಾಸಕ ಅಬು ಅಜ್ಮಿ ಹೇಳಿದ್ದೇನು? | Abu Azmi
ವಿಷಯ ಬೆಳಕಿಗೆ ಬಂದಾಗ ಎಲ್ಲರೂ ಆಘಾತಕ್ಕೊಳಗಾಗಿದ್ದಾರೆ. ವಿಷಯ ತಿಳಿಯುತ್ತಿದ್ದಂತೆ ಪೊಲೀಸರು ತಕ್ಷಣ ಕ್ರಮಕೈಗೊಂಡು ಪ್ರಕರಣದಲ್ಲಿ ಇದುವರೆಗೆ ಆರು ಆರೋಪಿಗಳನ್ನು ಬಂಧಿಸಿದ್ದಾರೆ. ಆರೋಪಿಯಿಂದ ಪೊಲೀಸರು 5 ಲಕ್ಷ 13 ಸಾವಿರ ರೂ. ಮತ್ತು ಸಂತ್ರಸ್ತೆಯ ಡೆಬಿಟ್ ಕಾರ್ಡ್ ಅನ್ನು ವಶಪಡಿಸಿಕೊಂಡಿದ್ದಾರೆ. ಆರೋಪಿ ನವೀನ್ ಕುಮಾರ್ ಗುರ್ಗಾಂವ್ನ ಗರ್ಹಿ ಹರ್ಸಾರುವಿನ ನ್ಯೂಕಾಲೋನಿ ಹಯಾತ್ಪುರ ರಸ್ತೆಯ ನಿವಾಸಿ. ಪೊಲೀಸರು ಡಿಸೆಂಬರ್ 21, 2024ರಂದು ಪ್ರಕರಣ ದಾಖಲಿಸಿಕೊಂಡಿದ್ದರು. ಅದರ ನಂತರ ಇಲ್ಲಿಯವರೆಗೆ 6 ಆರೋಪಿಗಳನ್ನು ಬಂಧಿಸಲಾಗಿದೆ.
ಅಜ್ಜಿಯ ಖಾತೆಯಲ್ಲಿ 80 ಲಕ್ಷ ರೂಪಾಯಿಹಣವಿತ್ತು. 10ನೇ ತರಗತಿಯಲ್ಲಿ ಓದುತ್ತಿದ್ದ ಅಜ್ಜಿಯ ಮೊಮ್ಮಗಳು ತನ್ನ ಅಜ್ಜಿಯ ಖಾತೆಯಲ್ಲಿ ಇರುವ ಹಣದ ಕುರಿತು ತರಗತಿಯಲ್ಲಿನ ಸ್ನೇಹಿತನೊಂದಿಗೆ ಹಂಚಿಕೊಂಡಿದ್ದಾಳೆ. ಆತ ತನ್ನ ಅಣ್ಣನೊಂದಿಗೆ ಈ ವಿಚಾರವನ್ನು ಹೇಳಿದ್ದಾನೆ. ಅವಕಾಶವನ್ನು ಬಳಸಿಕೊಳ್ಳಲು ಆಲೋಚಿಸಿದವರು ತಮ್ಮ ಯೋಜನೆಗೆ 20 ವರ್ಷದ ಸುಮಿತ್ ಕಟಾರಿಯಾನನ್ನು ಸೇರಿಸಿಕೊಳ್ಳುತ್ತಾರೆ.
ಸುಮಿತ್ ಸಾಮಾಜಿಕ ಜಾಲತಾಣದಲ್ಲಿ ಹುಡುಗಿಯ ಜತೆ ಸ್ನೇಹ ಬೆಳೆಸಿ, ಆಕೆಯ ಕೆಲವು ಫೋಟೋಗಳನ್ನು ಪಡೆದುಕೊಂಡಿದ್ದಾನೆ. ಅವುಗಳನ್ನು ಮಾರ್ಫ್ ಮಾಡಿದ್ದ ಎನ್ನಲಾಗಿದೆ. ನಂತರ ಆ ಗ್ಯಾಂಗ್ ಆಕೆಯ ಫೋನ್ ಸಂಖ್ಯೆಯನ್ನು ಪಡೆದು ಆಕೆಯನ್ನು ಬ್ಲಾಕ್ಮೇಲ್ ಮಾಡಲು ಪ್ರಾರಂಭಿಸಿತು. ಅವರು ತಮ್ಮ ಖಾತೆಗಳಿಗೆ ಹಣವನ್ನು ವರ್ಗಾಯಿಸದಿದ್ದರೆ ಚಿತ್ರಗಳನ್ನು ಸೋರಿಕೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾರೆ.
ಅವಮಾನಕ್ಕೆ ಹೆದರಿ ಹುಡುಗಿ ಮಾತು ಮುಂದುವರಿಸಿದ್ದಾಳೆ. ಎಂಟು ತಿಂಗಳ ಕಾಲ ಅಜ್ಜಿ ಖಾತೆಯಲ್ಲಿದ್ದ ಹಣವನ್ನು ಯುವಕರಿಗೆ ನೀಡಿದ್ದಾಳೆ. ಪ್ರತಿ ಬಾರಿ ಹಣ ನೀಡಿದಾಗಲು ಬ್ಲ್ಯಾಕ್ಮೇಲರ್ಗಳು ಹೊಸ ಬೇಡಿಕೆಗಳೊಂದಿಗೆ ಹಿಂತಿರುಗುತ್ತಿದ್ದರು. ಇದು ಅವಳನ್ನು ಇನ್ನಷ್ಟು ಸಂಕಷ್ಟಕ್ಕೆ ತಳ್ಳಿದೆ. ಆರೋಪಿಯ ಸೂಚನೆ ಮೇರೆಗೆ ವಿದ್ಯಾರ್ಥಿನಿ ತನ್ನ ಅಜ್ಜಿಯ ಖಾತೆಯಿಂದ 5,000 ರೂ.ಗಳಿಂದ 1 ಲಕ್ಷ ರೂ.ಗಳವರೆಗೆ ವಹಿವಾಟು ನಡೆಸಿದ್ದಾಳೆ.
ಆದರೆ ಡಿಸೆಂಬರ್ 2024ರ ಹೊತ್ತಿಗೆ ಖಾತೆಯಲ್ಲಿನ ಹಣ ಖಾಲಿಯಾಗಿತ್ತು. ಅವಳು ಮುಂದೆ ಹಣ ನೀಡಲು ಸಾಧ್ಯವಾಗದಿದ್ದಾಗ ಮತ್ತೊಬ್ಬ ಬ್ಲ್ಯಾಕ್ಮೇಲರ್ ನವೀನ್ ಕುಮಾರ್ (28) ಅವಳ ಟ್ಯೂಷನ್ ತರಗತಿಯಲ್ಲಿ ಅವಳನ್ನು ಎದುರಿಸುವ ಮೂಲಕ ಬೆದರಿಕೆಗಳನ್ನು ಹೆಚ್ಚಿಸಿದನು. ಪ್ರಕರಣಕ್ಕೆ ಮಹತ್ವದ ತಿರುವು ನೀಡಿದ್ದು ಇಲ್ಲಿಯೇ. ಟ್ಯೂಷನ್ ಶಿಕ್ಷಕರು ಆಕೆಯ ಸಂಕಷ್ಟವನ್ನು ಗಮನಿಸಿ ಆಕೆಯೊಂದಿಗೆ ಮಾತನಾಡಿ ಬ್ಲ್ಯಾಕ್ಮೇಲ್ ಯೋಜನೆಯ ಬಗ್ಗೆ ತಿಳಿದುಕೊಂಡರು. ಅವರು ತಕ್ಷಣವೇ ಆಕೆಯ ಕುಟುಂಬಕ್ಕೆ ಮಾಹಿತಿ ನೀಡಿದರು, ಅವರು ಪೊಲೀಸರನ್ನು ಸಂಪರ್ಕಿಸಿದರು. ಡಿಸೆಂಬರ್ 2024ರಲ್ಲಿ ವಿವರವಾದ ತನಿಖೆ ಪ್ರಾರಂಭವಾಯಿತು, ಇದುವರೆಗೆ ಆರು ಶಂಕಿತರನ್ನು ಬಂಧಿಸಲಾಗಿದೆ. ಅಸಲಿಗೆ ಅಜ್ಜಿ ಜಮೀನು ಮಾರಿದ ದುಡ್ಡನ್ನು ಖಾತೆಯಲ್ಲಿಟ್ಟಿದ್ದರು.
ಯುವಕ ವಿದ್ಯಾರ್ಥಿನಿಯೊಂದಿಗೆ ಆನ್ಲೈನ್ನಲ್ಲಿ ಸ್ನೇಹ ಬೆಳೆಸಿಕೊಂಡ. ಅವಳ ಜತೆ ಚಾಟ್ ಮಾಡೋಕೆ ಶುರು ಮಾಡಿದ. ಕ್ರಮೇಣ ಅವಳೊಂದಿಗೆ ಸ್ನೇಹ ಬೆಳೆಸಿಕೊಂಡು ವಿದ್ಯಾರ್ಥಿನಿಯ ಸಂಖ್ಯೆಯನ್ನು ಪಡೆದುಕೊಂಡ. ನಂತರ ಇಬ್ಬರೂ ಮೊಬೈಲ್ನಲ್ಲಿ ಮಾತನಾಡಲು ಪ್ರಾರಂಭಿಸಿದರು. ಕೆಲವು ದಿನಗಳ ನಂತರ ಆತ ವಿದ್ಯಾರ್ಥಿಯೊಂದಿಗೆ ವಿಡಿಯೋ ಕರೆಯಲ್ಲಿ ಮಾತನಾಡಲು ಪ್ರಾರಂಭಿಸಿದರು. ಈ ಸಮಯದಲ್ಲಿ ಯುವಕ ವಿದ್ಯಾರ್ಥಿನಿಯ ಫೋಟೋಗಳನ್ನು ತೆಗೆದು, ಫೋಟೋ ಮಾರ್ಫ್ ಮಾಡಿ ಅದನ್ನು ಬಳಸಿ ಬ್ಲಾಕ್ ಮೇಲ್ ಮಾಡಲು ಪ್ರಾರಂಭಿಸಿದನು. ಅವರು ವಿದ್ಯಾರ್ಥಿಯ ಹಲವಾರು ಫೋಟೋಗಳನ್ನು ಮಾರ್ಫ್ ಮಾಡಿದ್ದ.(ಏಜೆನ್ಸೀಸ್)