ಮುಂಬೈ: “ಅದು ಸಲ್ಮಾನ್ ಆಗಿರಲಿ ಅಥವಾ ಸಾಮಾನ್ಯ ಸಾಮಾನ್ಯ ವ್ಯಕ್ತಿಯಾಗಿರಲಿ. ನ್ಯಾಯ ಬೇಕಾದರೆ ನ್ಯಾಯಾಲಯದ ಮೊರೆ ಹೋಗಬೇಕು. ಸಲ್ಮಾನ್ ಖಾನ್ಗೆ ಹಾನಿ ಮಾಡುವುದರಿಂದ ಕೃಷ್ಣಮೃಗವನ್ನು ಮರಳಿ ತರುವುದಿಲ್ಲ ಎಂದು ನಾನು ಬಿಷ್ಣೋಯ್ ಸಮುದಾಯಕ್ಕೆ ಮನವಿ ಮಾಡಲು ಬಯಸುತ್ತೇನೆ. ನನಗೆ ಏನಾಯಿತು ಅದನ್ನು ಬದಲಾಯಿಸಲಾಗುವುದಿಲ್ಲ; ನಾನೇ ಸಮಾಧಾನ ಮಾಡಿಕೊಂಡಿದ್ದೇನೆ. ಕಣ್ಣೀರು ರಹಿತ ಜೀವನ ನಡೆಸಲು ನಿರ್ಧರಿಸಿದ್ದೇನೆ."
ಹೀಗೆ ಮನವಿ ಮಾಡಿಕೊಂಡವರು ಬೇರಾರೂ ಅಲ್ಲ; ಸಲ್ಮಾನ್ ಖಾನ್ ಅವರ ಎಕ್ಸ್ ಗರ್ಲ್ಫ್ರೆಂಡ್ ಸೋಮಿ ಅಲಿ. ಆದರೆ, ಬೇಟೆಯನ್ನು ಕ್ರೀಡೆಯಾಗಿ ಬೆಂಬಲಿಸುವುದಿಲ್ಲ ಎಂದೂ ಅವರು ಹೇಳಿದ್ದಾರೆ.
90 ರ ದಶಕದಲ್ಲಿ ಸಲ್ಮಾನ್ ಅವರೊಂದಿಗಿನ ಇವರಿಗೆ ಸಂಬಂಧವಿತ್ತು ಎನ್ನಲಾಗಿದೆ, ನಂತರ ಇವರು ಅಮೆರಿಕಕ್ಕೆ ಸ್ಥಳಾಂತರಗೊಂಡು, ಇಬ್ಬರೂ ಬೇರೆಯಾದರು. ಘಟನೆಯ ಬಗ್ಗೆ ಮಾತನಾಡುತ್ತಾ ಸೋಮಿ, “ನನ್ನ ಶತ್ರುವಿಗೆ ಅವನು ಏನಾಗಿದ್ದಾನೆಂದು ನಾನು ಬಯಸುವುದಿಲ್ಲ. ನನ್ನ ಪ್ರಾರ್ಥನೆಗಳು ಅವನೊಂದಿಗಿವೆ. ಸಲ್ಮಾನ್, ಶಾರುಖ್ ಅಥವಾ ನನ್ನ ನೆರೆಹೊರೆಯವರಾಗಿರಲಿ ಯಾರಿಗಾದರೂ ಇಂತಹ ಘಟನೆ ಸಂಭವಿಸಬೇಕೆಂದು ನಾನು ಎಂದಿಗೂ ಬಯಸುವುದಿಲ್ಲ" ಎಂದಿದ್ದಾರೆ.
ಸಲ್ಮಾನ್ ಖಾನ್ ಕೊಲೆಗೆ ಯತ್ನ ನಡೆದಿದೆ. ಬಾಲಿವುಡ್ ಸೂಪರ್ ಸ್ಟಾರ್ನನ್ನು ಕೊಲೆ ಮಾಡಲು ಭೂಗತ ಪಾತಕಿಗಳು ಸತತ ಪ್ರಯತ್ನ ನಡೆಸುತ್ತಿದ್ದಾರೆ. ಬ್ಲ್ಯಾಕ್ಬಕ್ಸ್ ಪ್ರಕರಣದಲ್ಲಿ ದರೋಡೆಕೋರ ಲಾರೆನ್ಸ್ ಬಿಷ್ಣೋಯ್ ಅವರಿಂದ ಸಲ್ಮಾನ್ಖಾನ್ ಜೀವ ಬೆದರಿಕೆಗೆ ಒಳಗಾಗಿದ್ದಾರೆ. ಸಲ್ಮಾನ್ ಖಾನ್ ಮನೆಯ ಮೇಲೆ ಕೆಲ ದಿನಗಳ ಹಿಂದೆಯಷ್ಟೆ ಗುಂಡಿನ ದಾಳಿಯನ್ನು ಮಾಡಲಾಗಿದೆ. ಈ ದಾಳಿ ಮಾಡಿದವರ ಬಂಧನವಾಗಿದೆ. ಆದರೂ ಭೂಗತ ಪಾತಕಿಗಳು ಸಲ್ಮಾನ್ ಖಾನ್ ಅವರನ್ನು ಹತ್ಯೆ ಮಾಡುವುದಾಗಿ ಬೆದರಿಕೆ ಹಾಕುತ್ತಲೇ ಇದ್ದಾರೆ.
‘ಸಲ್ಮಾನ್ ಖಾನ್ ಮನೆ ಮೇಲೆ ಆದ ದಾಳಿ ಸುದ್ದಿ ಕೇಳಿ ನನಗೆ ಮಾತ್ರವಲ್ಲ ನನ್ನ ತಾಯಿಗೂ ಬಹಳ ಆಘಾತವಾಯ್ತು. ನೋಡಿ ಎಲ್ಲರೂ ತಮ್ಮ ತಮ್ಮ ಇಮೇಜ್ ಉಳಿಸಿಕೊಳ್ಳಲು ಏನಾದರೂ ಮಾಡುತ್ತಾರೆ. ಅದು ನಾನೇ ಇರಲಿ, ಸಲ್ಮಾನ್, ಶಾರುಖ್ ಯಾರೇ ಆಗಿರಲಿ. ಹಾಗೆಯೇ ಸಲ್ಮಾನ್ ಖಾನ್ ತನ್ ಇಮೇಜು ಉಳಿಸಿಕೊಳ್ಳಲು ಪ್ರಯತ್ನ ಮಾಡಿದ್ದಾರೆ. ಆದರೆ ಈಗ ನನ್ನ ಆತಂಕ ಇರುವುದು ಸಲ್ಮಾನ್ ಅನುಭವಿಸುತ್ತಿರುವ ಆತಂಕದ ಬಗ್ಗೆ. ಆತನಂತೆ ದುಃಖದ ಸಮಯ ಯಾರಿಗೂ ಬರುವುದು ಬೇಡ’ ಎಂದು ಮಾಜಿ ಪ್ರೇಯಸಿ ಸೋಮಿ ಅಲಿ ಹೇಳಿದ್ದಾರೆ.
ಸೋಮಿ ಅಲಿ 1990 ರಲ್ಲಿ ಬಾಲಿವುಡ್ನ ಜನಪ್ರಿಯ ನಟಿಯಾಗಿದ್ದರು. ಸಲ್ಮಾನ್ ಖಾನ್ ಸೇರಿದಂತೆ ಹಲವು ನಟರೊಟ್ಟಿಗೆ ಸಿನಿಮಾಗಳಲ್ಲಿ ಅವರು ನಟಿಸಿದ್ದಾರೆ.