tablet | ಕೇಂದ್ರ ರೈಲ್ವೆ ಹಾಗೂ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನದ ಸಚಿವರಾದ ಅಶ್ವಿನಿ ವೈಷ್ಣವ್ ಅವರು ಸಾಮಾಜಿಕ ಮಾಧ್ಯಮ ವೇದಿಕೆ X ಖಾತೆಯಲ್ಲಿ ಭಾರತದಲ್ಲಿ ವಿನ್ಯಾಸಗೊಳಿಸಿ ತಯಾರಿಸಲಾದ ಟ್ಯಾಬ್ಲೆಟ್ಅನ್ನು ಪ್ರದರ್ಶಿಸಿದ್ದಾರೆ. ವಿವಿಡಿಎನ್ ಟೆಕ್ನಾಲಜೀಸ್ನ ಉತ್ಪಾದನಾ ಘಟಕದಿಂದ ವೀಡಿಯೊವನ್ನು ಹಂಚಿಕೊಂಡ ಅವರು, ಇದನ್ನು ಭಾರತದಲ್ಲಿ ವಿನ್ಯಾಸಗೊಳಿಸಲಾಗಿದೆ ಹಾಗೂ ಇದು ಹೆಚ್ಚು ಬಾಳಿಕೆ ಬರುವ ಸಾಧನವಾಗಿದ್ದು, ಅಷ್ಟು ಸುಲಭವಾಗಿ ಮುರಿಯುವುದಿಲ್ಲ ಎಂದು ಬರೆದುಕೊಂಡಿದ್ದಾರೆ.
ಅದೇ ಸ್ಥಳದಿಂದ ಮತ್ತೊಂದು ವೀಡಿಯೊದಲ್ಲಿ, ಕೇಂದ್ರ ಸಚಿವರು ಭಾರತದ AI ಸರ್ವರ್ ತಂತ್ರಜ್ಞಾನದ ಒಂದು ನೋಟವನ್ನು ಹಂಚಿಕೊಂಡಿದ್ದಾರೆ. 'ವಿವಿಡಿಎನ್ ಟೆಕ್ನಾಲಜೀಸ್ನಲ್ಲಿ 'ಅಡಿಪೋಲಿ', ಅಲ್ಲಿ ಅವರು ಸಿಬ್ಬಂದಿಯೊಂದಿಗೆ ಸಂವಹನ ನಡೆಸುತ್ತಿರುವುದನ್ನು ಮತ್ತು ಉತ್ಪಾದನಾ ಪ್ರಕ್ರಿಯೆಯ ಬಗ್ಗೆ ಇನ್ಪುಟ್ಗಳನ್ನು ಪಡೆಯುತ್ತಿರುವುದನ್ನು ಕಾಣಬಹುದಾಗಿದೆ
ಇನ್ನೂ ಈ ವೀಡಿಯೊದಲ್ಲಿ ಶ್ರೀ ವೈಷ್ಣವ್ ಅವರು ಟ್ಯಾಬ್ಲೆಟ್ ಅನ್ನು ನೆಲದ ಮೇಲೆ ಎಸೆದು, ಎತ್ತರದಿಂದ ಬೀಳಿಸಿ, ಮತ್ತು ಅದರ ಮೇಲೆ ನಿಂತು ಅದರ ಬಾಳಿಕೆಯನ್ನು ಪ್ರದರ್ಶಿಸುವ ಮೂಲಕ ಅದರ ಶಕ್ತಿಯನ್ನು ಪರೀಕ್ಷಿಸುವುದನ್ನು ಕಾಣಬಹುದಾಗಿದೆ. 'ಮೇಕ್ ಇನ್ ಇಂಡಿಯಾ' ಎಂಬ ಹೇಳಿಕೆ ಅಡಿಯಲ್ಲಿ ದೇಶೀಯ, ಉತ್ತಮ ಗುಣಮಟ್ಟದ ಎಲೆಕ್ಟ್ರಾನಿಕ್ಸ್ಗಳಿಗೆ ಭಾರತದಲ್ಲಿ ಹೆಚ್ಚುತ್ತಿರುವ ಉತ್ತೇಜನವನ್ನು ಈ ಪೋಸ್ಟ್ ಪ್ರತಿಬಿಂಬಿಸುತ್ತದೆ.
ಸಂಪೂರ್ಣ ಎಲೆಕ್ಟ್ರಾನಿಕ್ಸ್ ಉತ್ಪನ್ನಗಳ ಅಭಿವೃದ್ಧಿಯಲ್ಲಿ ಪರಿಣತಿ ಹೊಂದಿರುವ ಈ ಸ್ವದೇಶಿ ಕಂಪನಿಯು, ಜಾಗತಿಕ ಹಾರ್ಡ್ವೇರ್ ಉತ್ಪಾದನಾ ಕೇಂದ್ರವಾಗುವ ಭಾರತದ ಮಹತ್ವಾಕಾಂಕ್ಷೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿದೆ.
(ಏಜೆನ್ಸೀಸ್)
ದೇಶದೊಳಗೆ ಹೆಚ್ಚಿನ ಎಲೆಕ್ಟ್ರಾನಿಕ್ ಉತ್ಪನ್ನಗಳ ವಿನ್ಯಾಸ, ಅಭಿವೃದ್ಧಿ ಮತ್ತು ಉತ್ಪಾದನೆಯನ್ನು ಉತ್ತೇಜಿಸುವ ಮೂಲಕ ತಂತ್ರಜ್ಞಾನ ಮತ್ತು ಉತ್ಪಾದನೆಯಲ್ಲಿ ಸ್ವಾವಲಂಬಿಯಾಗುವ ಭಾರತದ ದೊಡ್ಡ ಗುರಿಯೊಂದಿಯನ್ನು ಇದು ಒಳಗೊಂಡಿದೆ.