ಮುಂಬೈ: 'ನಾಗಿನ್ 5' ನಟಿ ಸುರಭಿ ಚಂದನಾ ಸೋಮವಾರ ತಮ್ಮ ಪತಿ ಮತ್ತು 'ಬೆಸ್ಟ್ ಬಾಯ್ಫ್ರೆಂಡ್' ಕರಣ್ ಶರ್ಮಾ ಅವರಿಗೆ ಹೃತ್ಪೂರ್ವಕ ಹುಟ್ಟುಹಬ್ಬದ ಟಿಪ್ಪಣಿಯನ್ನು ಬರೆದಿದ್ದಾರೆ. ಇದರ ಜೊತೆಗೆ ಹಾಲು ಚೆಲ್ಲಿದಂತಹ ಬೆಳದಿಂಗಳ ಸುಂದರ ರಾತ್ರಿಯೊಂದರಲ್ಲಿ ಇಬ್ಬರೂ ತಂಬಿಕೊಂಡು ಮುತ್ತಿಕ್ಕುತ್ತಿರುವ ಅಪರೂಪದ ಫೋಟೋವನ್ನು ಹಂಚಿಕೊಂಡಿದ್ದಾರೆ.
ಇನ್ಸ್ಟಾಗ್ರಾಮ್ನಲ್ಲಿ 6.1 ಮಿಲಿಯನ್ ಅನುಯಾಯಿಗಳನ್ನು ಹೊಂದಿರುವ ಸುರಭಿ, ಕರಣ್ನೊಂದಿಗೆ ಕಾಣದ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಅದು ಈ ದಂಪತಿಯ ರಾತ್ರಿ ವಿಹಾರದ ಫೋಟೋ ಆಗಿದೆ.
ಫೋಟೋದಲ್ಲಿ ಸುರಭಿ ಬೆಳ್ಳಿ ಬಣ್ಣದ ಉಡುಪನ್ನು ಧರಿಸಿ ಕರಣ್ ಅವರನ್ನು ತಬ್ಬಿಕೊಂಡಿದ್ದಾರೆ. ಕರಣ್ ನೀಲಿ ಶರ್ಟ್ ಧರಿಸಿದ್ದಾರೆ.
ಹುಟ್ಟುಹಬ್ಬದ ಪೋಸ್ಟ್ನಲ್ಲಿ ಹೀಗೆ ಬರೆಯಲಾಗಿದೆ: “14 ವರ್ಷಗಳ ಹಿಂದೆ ನಾನು ನಿಮ್ಮನ್ನು ಭೇಟಿಯಾದೆ. ಅಂದು ಬಾಯ್ಫ್ರೆಂಡ್ ಆಗಿದ್ದ ನಿಮ್ಮ ತೋಳಿನಲ್ಲಿ ಸುರಕ್ಷಿತ ಭಾವ ಕಂಡುಕೊಂಡಿದ್ದೆ. ಇಂದೂ ಸಹ ಈ ಭಾವದಲ್ಲಿ ಕೊಂಚವೂ ಕಡಿಮೆಯಾಗಿಲ್ಲ.
'ಆ ರಾತ್ರಿ ರಹಸ್ಯವಾಗಿ ಈ ಚಿತ್ರವನ್ನು ತೆಗೆದಿದ್ದು, ಈ ರಾತ್ರಿ ಯಾವಾಗಿನದು ಎಂದು ಸ್ಪಷ್ಟವಾಗಿ ನೆನಪಿಸಿಕೊಳ್ಳಿ. ಅಂದು ನಾನು ಹೆಚ್ಚು ಸಂತೋಷದಿಂದ ಇದ್ದೆ. ನೀವು ನನ್ನ ಕೈ ಹಿಡಿದಿದ್ದು, ಅಂದು ನಡುಗುತ್ತಿದ್ದೆ' ಎಂದು ಬರೆದುಕೊಂಡಿದ್ದಾರೆ.
ಕರಣ್ ಚಿತ್ರದ ಕುರಿತು ಕಾಮೆಂಟ್ ಮಾಡಿದ್ದು, "ತುಂಬಾ ಧನ್ಯವಾದಗಳು ಬೇಬಿ... ನೀನು ನನ್ನ ಮೇಲೆ ಇಟ್ಟಿರುವ ನಂಬಿಕೆ ಹೊರತುಪಡಿಸಿ ಬೇರೇನೂ ಮುಖ್ಯವಲ್ಲ" ಎಂದಿದ್ದಾರೆ.
ಅಭಿಮಾನಿಯೊಬ್ಬರು ಕಾಮೆಂಟ್ ವಿಭಾಗದಲ್ಲಿ, “ಓಹ್!! ಅಂತಹ ಸಿಹಿ ಶೀರ್ಷಿಕೆ... ನೀವಿಬ್ಬರೂ ಸಂಪೂರ್ಣ ಕ್ಯೂಟೀಸ್” ಎಂದು ಬರೆದಿದ್ದಾರೆ.
2024 ರ ಮಾರ್ಚ್ 2 ರಂದು ರಾಜಸ್ಥಾನದ ಜೈಪುರದಲ್ಲಿ ಸುರಭಿ ತನ್ನ ದೀರ್ಘಕಾಲದ ಗೆಳೆಯ ಕರಣ್ ಶರ್ಮಾ ಅವರನ್ನು ವಿವಾಹವಾಗಿದ್ದರು. ದಂಪತಿ 13 ವರ್ಷದಿಂದ ಒಟ್ಟಿಗೆ ಇದ್ದಾರೆ.