ಹೈದರಾಬಾದ್: ಟಾಲಿವುಡ್ನ ಸ್ಟೈಲಿಶ್(Stylish) ಸ್ಟಾರ್ ಅಲ್ಲು ಅರ್ಜುನ್ ಅವರ ಪತ್ನಿ ಅಲ್ಲು ಸ್ನೇಹಾ ರೆಡ್ಡಿ ಅವರು ತಮ್ಮ ಸೂಪರ್ ಸ್ಟಾರ್ ಪತಿಗಾಗಿ ಸಾಮಾಜಿಕ ಮಾಧ್ಯಮದಲ್ಲಿ ಪ್ರೇಮ ಪತ್ರ ಬರೆದು ಹಂಚಿಕೊಂಡಿದ್ದಾರೆ.
ಅರ್ಜುನ್ ಮತ್ತು ಸ್ನೇಹಾ 2011ರ ಮಾರ್ಚ್ 6ರಂದು ಹೈದರಾಬಾದ್ನಲ್ಲಿ ನಡೆದ ಅದ್ಧೂರಿ ಸಮಾರಂಭದಲ್ಲಿ ವಿವಾಹವಾದರು. ಅವರಿಗೆ ಮಗ ಅಯಾನ್ ಮತ್ತು ಮಗಳು ಅರ್ಹ ಇಬ್ಬರು ಮಕ್ಕಳಿದ್ದಾರೆ.
"ನಾನು ನನ್ನ ಗಂಡನನ್ನು ಪ್ರೀತಿಸುತ್ತೇನೆ, ಅವರು ಅತ್ಯುತ್ತಮರು. ನಾನು ಅವರನ್ನು ಕೊನೆಯವರೆಗೂ ಪ್ರೀತಿಸುತ್ತೇನೆ. ನಾನು ಅವರನ್ನು ಪಡೆದಿರುವುದು ತುಂಬಾ ಅದೃಷ್ಟ. ನಾನು ಅತ್ಯಂತ ಅದೃಷ್ಟಶಾಲಿ ಹುಡುಗಿ. ಅವರು ನನ್ನ ಜೀವನದ ದೊಡ್ಡ ಜಾಕ್ಪಾಟ್. ಪ್ರತಿ ಜನ್ಮದಲ್ಲೂ ನಾನು ಅವರನ್ನು ಮಾತ್ರ ನನ್ನ ಗಂಡನಾಗಿ ಬಯಸುತ್ತೇನೆ'' ಎಂದು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆದ ಸ್ನೇಹರೆಡ್ಡಿ ಪೋಸ್ಟ್ ನೆಟ್ಟಿಗರ ಮತ್ತು ಅವರ ಅಭಿಮಾನಿಗಳಿಗ ಗಮನಸೆಳೆದಿದೆ. "ಅಲ್ಲು ಸ್ನೇಹಾ ರೆಡ್ಡಿ ಈ ಪೋಸ್ಟ್ನಲ್ಲಿ ತಮ್ಮ ಹೃದಯ ತುಂಬಿ ಮಾತನಾಡಿದ್ದಾರೆ. ಪ್ರತಿ ಪದದಲ್ಲೂ ಶುದ್ಧ ಪ್ರೀತಿ ಇದೆ. ಅವರು ತಮ್ಮ ಪತಿಯೇ ತಮ್ಮ ದೊಡ್ಡ ಆಶೀರ್ವಾದ, ಜೀವನದಲ್ಲಿ ಅತ್ಯಂತ ಅದೃಷ್ಟದ ಕ್ಷಣ ಮತ್ತು ಅವರು ಪ್ರತಿ ಜೀವಿತಾವಧಿಯಲ್ಲಿ ಆಯ್ಕೆ ಮಾಡಿಕೊಳ್ಳುವ ಕ್ಷಣ ಎಂದು ಬಳಕೆದಾರರು ಪ್ರತಿಕ್ರಿಯಿಸಿದ್ದಾರೆ.
ಅರ್ಜುನ್ ಕೊನೆಯ ಬಾರಿಗೆ ಸುಕುಮಾರ್ ನಿರ್ದೇಶನದ ಪುಷ್ಪ: ದಿ ರೈಸ್ (2021) ಮತ್ತು ಪುಷ್ಪ 2: ದಿ ರೂಲ್ (2024) ನಲ್ಲಿ ಕಾಣಿಸಿಕೊಂಡಿದ್ದರು. ಪ್ರಸ್ತುತ, ಅವರು ಅಟ್ಲೀ ನಿರ್ದೇಶನದ ಚಿತ್ರದ ಚಿತ್ರೀಕರಣದಲ್ಲಿದ್ದಾರೆ. ಇನ್ನೂ ಹೆಸರಿಡದ ಈ ಚಿತ್ರವನ್ನು ಸನ್ ಪಿಕ್ಚರ್ಸ್ ನಿರ್ಮಿಸಿದೆ.(ಏಜೆನ್ಸೀಸ್)