ಬಿಹಾರದಲ್ಲಿ ಒಂದೆಡೆ ಎರಡನೇ ಹಂತದ ಮತದಾನ ನಡೆಯುತ್ತಿದ್ದರೆ, ಮತ್ತೊಂದೆಡೆ ಮೂರನೇ ಹಂತದ ಮತದಾನಕ್ಕೆ ರಾಜಕೀಯ ದಿಗ್ಗಜರ ಪ್ರಚಾರ ನಡೆಯುತ್ತಿದೆ.
ನವೆಂಬರ್ 7ರಂದು ನಡೆಯಲಿರುವ ಮೂರನೇ ಹಂತದ ಮತದಾನ ನಿಮಿತ್ತ ಇಂದು ಬೆಳಗ್ಗೆ ಪ್ರಧಾನಿ ನರೇಂದ್ರ ಮೋದಿಯವರು ಅರಾರಿಯಾ ಮತ್ತು ಸಹರ್ಸಾ ಜಿಲ್ಲೆಗಳಲ್ಲಿ ಬೆಳಗ್ಗೆ ಚುನಾವಣಾ ರ್ಯಾಲಿ ನಡೆಸಿದ್ದಾರೆ. ಹಾಗೇ ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ ಕಠಿಹಾರ್ ಮತ್ತು ಕಿಶನ್ಗಂಜ್ಗಳಲ್ಲಿ ಪ್ರಚಾರ ಮಾಡಿದ್ದಾರೆ.
ಹಾಗೇ ಬಿಹಾರ ಹಾಲಿ ಸಿಎಂ ನಿತೀಶ್ ಕುಮಾರ್ ಅವರು ಕೂಡ ಚುನಾವಣಾ ಪ್ರಚಾರ ನಡೆಸಿದ್ದು, ಈ ವೇಳೆ ಕಲ್ಲು, ಈರುಳ್ಳಿಗಳನ್ನು ಅವರೆಡೆಗೆ ಎಸೆಯಲಾಗಿದೆ. ಮಧುಬಾನಿಯ ಹರ್ಲಾಕಿ ಎಂಬಲ್ಲಿ ನಿತೀಶ್ ಕುಮಾರ್ ಪ್ರಚಾರಸಭೆಯಲ್ಲಿ ಭಾಷಣ ಮಾಡುತ್ತ ನಿರುದ್ಯೋಗದ ಬಗ್ಗೆ ಮಾತನಾಡುತ್ತಿದ್ದರು. ಈ ವೇಳೆ ವ್ಯಕ್ತಿಯೋರ್ವ ಅವರೆಡೆಗೆ ಈರುಳ್ಳಿಯನ್ನು ಎಸೆದಿದ್ದಾನೆ..ನಂತರ..ರಾಜ್ಯದಲ್ಲಿ ಲಿಕ್ಕರ್ ಸ್ಮಗ್ಲಿಂಗ್ ದಂಧೆ ಬಹಿರಂಗವಾಗಿಯೇ ನಡೆಯುತ್ತಿದೆ. ಅದನ್ನು ನಿಯಂತ್ರಣ ಮಾಡುವುದರಲ್ಲಿ ನೀವು ವಿಫಲರಾಗಿದ್ದೀರಿ ಎಂದು ಕೂಗಿದ್ದಾನೆ. ಇದನ್ನೂ ಓದಿ: ಕಮಲಾ ಹ್ಯಾರಿಸ್ ಗೆಲುವಿಗಾಗಿ ತಮಿಳುನಾಡಿನಲ್ಲಿ ವಿಶೇಷ ಪೂಜೆ, ಅಭಿಷೇಕ…
ಕೂಡಲೇ ಬಾಡಿಗಾರ್ಡ್ಗಳು ಮುಂದೆ ಬಂದು ನಿತೀಶ್ ಕುಮಾರ್ಗೆ ಎದುರಾಗಿ ನಿಂತಿದ್ದಾರೆ. ಆದರೆ ಅವರನ್ನು ತಡೆದ ಸಿಎಂ, ಎಸೆಯಲಿ ಬಿಡಿ..ಆತನ ಮನಸಿಗೆ ಬಂದಷ್ಟು ಎಸೆಯಲಿ ಎಂದು ಹೇಳಿದ್ದಾರೆ. (ಏಜೆನ್ಸೀಸ್)