Stock Market: ದೇಶೀಯ ಷೇರು ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ 2ನೇ ದಿನವಾದ ಮಂಗಳವಾರ (ಸೆ.30) ಅಲ್ಪ ಪ್ರಮಾಣದಲ್ಲಿ ಕುಸಿತ ಕಂಡಿದೆ. ಈ ಮೂಲಕ ಸತತ 8 ದಿನಗಳಿಂದ ಮಾರುಕಟ್ಟೆ ನಷ್ಟ ಅನುಭವಿಸುತ್ತಿದೆ.
ವಹಿವಾಟಿನ ಮುಕ್ತಾಯದ ವೇಳೆಗೆ ಸೆನ್ಸೆಕ್ಸ್ 97.32 ಪಾಯಿಂಟ್ಗಳ ಕುಸಿತ ಕಂಡು 80,267.62ಕ್ಕೆ ತಲುಪಿದೆ. ನಿಫ್ಟಿ 23.80 ಪಾಯಿಂಟ್ಗಳು ಅಥವಾ ಶೇಕಡಾ 0.10 ರಷ್ಟು ಕುಸಿತ ಕಂಡು 24,611.10 ಕ್ಕೆ ತಲುಪಿತು. ಎಂಟು ದಿನಗಳ ಸತತ ಕುಸಿತವನ್ನು ಸುಮಾರು 2,746 ಪಾಯಿಂಟ್ಗಳಿಗೆ ತಲುಪಿದೆ. ಬಿಎಸ್ಇ ಮಿಡ್ಕ್ಯಾಪ್ ಮತ್ತು ಸ್ಮಾಲ್ಕ್ಯಾಪ್ ಸೂಚ್ಯಂಕಗಳು ಸ್ಥಿರವಾಗಿ ಕೊನೆಗೊಂಡಿವು.
ಈ ಎಂಟು ದಿನದ ನಷ್ಟದ ಅವಧಿಗಳಲ್ಲಿ, ಸೆನ್ಸೆಕ್ಸ್ ಶೇಕಡಾ 3.31 ರಷ್ಟು ಕುಸಿದಿದ್ದರೆ, ನಿಫ್ಟಿ 50 ಶೇಕಡಾ 3.20 ರಷ್ಟು ಕುಸಿದಿದೆ.
ವಿದೇಶಿ ಬಂಡವಾಳದ ಹೊರಹರಿವು ಮತ್ತು ಅಮೆರಿಕದ ಸುಂಕಗಳ ಬಗ್ಗೆ ನಿರಂತರ ಕಳವಳಗಳ ನಡುವೆ ಭಾರತೀಯ ಷೇರು ಮಾರುಕಟ್ಟೆ ಒತ್ತಡದಲ್ಲಿರುವುದರಿಂದ ಸೂಚ್ಯಂಕಗಳಾದ ಸೆನ್ಸೆಕ್ಸ್ ಮತ್ತು ನಿಫ್ಟಿ ಇಳಿಕೆಯಾಗುತ್ತಿವೆ ಎಂದು ಮಾರುಕಟ್ಟೆ ತಜ್ಞರ ಅಭಿಪ್ರಾಯವಾಗಿದೆ.(ಏಜೆನ್ಸೀಸ್)