Youth dies after drowning in swimming pool
ಬಂಗಾರಪೇಟೆ: ತಾಲೂಕಿನ ಸೂಲಿಕುಂಟೆ ಗ್ರಾಪಂ ವ್ಯಾಪ್ತಿಯ ಖಾಸಗಿ ಸ್ವಿಮಿಂಗ್ಪೂಲ್ನಲ್ಲಿ ಈಜಾಡುತ್ತಿದ್ದಾಗ ನೀರಿನಲ್ಲಿ ಮುಳುಗಿ ಮಧ್ಯಪ್ರದೇಶದ ಯುವಕ ಮೃತಪಟ್ಟಿದ್ದಾನೆ.
ಗ್ವಾಲಿಯರ್ ನಿವಾಸಿ ಕಮಲ್ ಜೈನ್ (28) ಮೃತ. ಬೆಂಗಳೂರಿನ ಖಾಸಗಿ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದ ಯುವಕ ತನ್ನ 50 ಸಹೋದ್ಯೋಗಿಗಳೊಂದಿಗೆ ಜು.3ರಂದು ಸಂಜೆ ಖಾಸಗಿ ರೆಸಾರ್ಟ್ಗೆ ಬಂದು ತಂಗಿದ್ದು, ರಾತ್ರಿ ಪಾರ್ಟಿ ಮಾಡಿದ್ದಾರೆ. ಈ ವೇಳೆ ಕಮಲ್ ಜೈನ್ ಮದ್ಯಪಾನ ಮಾಡಿದ್ದರು ಎನ್ನಲಾಗಿದೆ. ಶನಿವಾರ ಬೆಳಗಿನ ಜಾವ ಸುಮಾರು 3 ರಿಂದ 3.30ರ ವೇಳೆ ಒಬ್ಬರೇ ಸ್ವಿಮಿಂಗ್ಪೂಲ್ನಲ್ಲಿ ಈಜಲು ಇಳಿದಿದ್ದಾನೆ. ಈಜಾಡುತ್ತಾ ಆಯಾಸಗೊಂಡು ಮೇಲಕ್ಕೆ ಬರಲು ಸಾಧ್ಯವಾಗದೆ ಮುಳುಗಿ ಮೃತಪಟ್ಟಿದ್ದಾನೆ ಎನ್ನಲಾಗಿದೆ.
ಸ್ಥಳಕ್ಕೆ ಡಿವೈಎಸ್ಪಿ ಲಕ್ಷ್ಮಯ್ಯ, ಪೊಲೀಸ್ ಇನ್ಸ್ಪೆಕ್ಟರ್ ರವಿಕುಮಾರ್ ಭೇಟಿ ನೀಡಿ ಪರಿಶೀಲಿಸಿದ್ದು, ಬಂಗಾರಪೇಟೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.