- ಹಳೆ ವೈಷಮ್ಯ ಯೂತ್ ಕಾಂಗ್ರೆಸ್ನ ಪ್ರಧಾನ ಕಾರ್ಯದರ್ಶಿ ಹತ್ಯೆ
- ಏಪ್ರಿಲ್ 24ರಂದು ಮದುವೆ ಫಿಕ್ಸ್, ಏಪ್ರಿಲ್ 10ರಂದು ಮರ್ಡರ್
- ಇಬ್ಬರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದು, ಮಿಕ್ಕವರಿಗಾಗಿ ಹುಡುಕಾಟ ಮುಂದುವರೆದಿದೆ
ಹುಬ್ಬಳ್ಳಿ-ಧಾರವಾಡ: ಅವಳಿ ನಗರವೇ ಬೆಚ್ಚಿ ಬೀಳಿಸುವ ಘಟನೆಯೊಂದು ಬೆಳಕಿಗೆ ಬಂದಿದೆ. ಯೂತ್ ಕಾಂಗ್ರೆಸ್ನ ಪ್ರಧಾನ ಕಾರ್ಯದರ್ಶಿಯೊಬ್ಬ 32 ವರ್ಷದ ಫೈರೋಜ್ ಪಠಾಣ್ನನ್ನು ಮಾರಕಾಸ್ತ್ರಗಳಿಂದ ಕೊಲೆ ಮಾಡಿದ ಘಟನೆ ಧಾರವಾಡದಲ್ಲಿನ ನಡೆದಿದೆ.
ಫೈರೋಜ್ ಪಠಾಣ್ ಮನೆ ಧಾರವಾಡದ ಹಾಶ್ಮಿ ನಗರದಲ್ಲಿತ್ತು. ಇಲ್ಲಿಗೆ ಏಪ್ರಿಲ್ 10ರ ಸಂಜೆ 6:30ಕ್ಕೆ ನುಗ್ಗಿದ ಅಪರಿಚಿತ ವ್ಯಕ್ತಿಗಳು ಆತನ ಮೇಲೆ ಹಲ್ಲೆ ನಡೆಸಿ, ಕೊಲೆ ಮಾಡಿದ್ದಾರೆ. ಮಾಹಿತಿ ಲೀಕ್ ಆಗುತ್ತಲೇ ಸ್ಥಳಕ್ಕೆ ಉಪನಗರ ಪೊಲೀಸರು ಭೇಟಿ ನೀಡಿದ್ದಾರೆ. ಈ ಕೃತ್ಯದಲ್ಲಿ ಆರು ಮಂದಿ ಭಾಗಿಯಾಗಿದ್ದಾರೆ ಎನ್ನಲಾಗಿದೆ.
ಹಳೆ ವೈಷ್ಯಮ್ಯ ಕೊಲೆಗೆ ಕಾರಣ
ಮೊಹಮ್ಮದ್ ಶಾ ಸೇರಿದಂತೆ ಸದ್ದಾಂ, ಗೌಸ್, ಪರ್ವೇಜ್ ಪಠಾಣ್ನನ್ನು ಕೊಂದ ಕಿಡಿಗೇಡಿಗಳು ಎಂದು ಗುರುತಿಸಲಾಗಿದ್ದು, ಕೊಲೆಗೆ ಸಂಚು ರೂಪಿಸಿದ್ದ ಅರ್ಬಾಜ್ ಪಠಾಣ್ ಮತ್ತು ಗುಲಾಬ್ ಎಂಬಾತನನ್ನು ಪೊಲೀಸರು ಈಗಾಗಲೇ ಬಂಧಿಸಿದ್ದಾರೆ. ಇನ್ನು ನಾಲ್ವರು ಪೊರಾರಿಯಾಗಿದ್ದಾರೆ. ಅವರಿಗಾಗಿ ಪತ್ತೆದಾರಿ ಕಾರ್ಯ ಮುಂದುವರೆದಿದೆ. ಇಬ್ಬರ ಮಧ್ಯೆ ಇದ್ದ ಹಳೆ ವೈಷಮ್ಯ ಕೊಲೆಗೆ ಕಾರಣವಾಗಿರಬಹುದು ಎಂದು ಪೊಲೀಸರು ಶಂಕೆ ವ್ಯಕ್ತಪಡಿಸಿದ್ದಾರೆ.
ಮದುವೆಗೆ ಮುನ್ನ ಕೊಲೆಯಾದ ಮಧುಮಗ
ಪಠಾಣ್ ಮದುವೆಗೆ 15 ದಿನ ಬಾಕಿ ಇತ್ತು. ಏಪ್ರಿಲ್ 24ರಂದು ಅವರ ಮದುವೆ ಇದ್ದ ಕಾರಣ ಮನೆಯ ಕುಟುಂಬಸ್ಥರು ವಿವಾಹದ ತಯಾರಿಯಲ್ಲಿದ್ದರು. ಊರಿಗೆ ಆಮಂತ್ರಣ ಪತ್ರ ಹಂಚುವ ಕೆಲಸವನ್ನು ಮಾಡುತ್ತಿದ್ದರು. ಈ ಮಧ್ಯೆ ರಾತ್ರಿ ಮನೆಗೆ ನುಗ್ಗಿದ್ದ ಅಪರಿಚಿತರು ಅವರ ಮೇಲೆ ದಾಳಿ ನಡೆಸಿದ್ದಾರೆ.
ಸಿಸಿಟಿವಿಯಲ್ಲಿ ಏನಿದೆ?
ಸಿಸಿಟಿವಿ ಕ್ಯಾಮೇರಾದಲ್ಲಿ ಹತ್ಯೆ ದೃಶ್ಯ ಸೆರೆಯಾಗಿದೆ. ಇದರಲ್ಲಿ ಮೊಹಮ್ಮದ್ ಶಾ ಎಂಬಾತ ಕಾಣಿಸಿಕೊಂಡಿದ್ದಾನೆ. ಆತನ ಜೊತೆ ಇನ್ನು ನಾಲ್ವರು ಇರುವುದು ಇದರಲ್ಲಿ ಕಾಣಸಿಗುತ್ತದೆ. ಪಠಾಣ್ ಕರೆಯಲ್ಲಿ ಯಾರೊಂದಿಗೋ ಮನೆಯ ಗೇಟ್ ಬಳಿ ಮಾತನಾಡುತ್ತ ನಿಂತಿರುವಾಗ ಬಂದ ವ್ಯಕ್ತಿ ಅವರ ಮುಂದೆಯೇ ನಿಂತಿರುತ್ತಾನೆ. ಹಾಗೆ ಇರುವಾಗ ಹೊಟ್ಟೆಗೆ ಇರಿಯುತ್ತಾನೆ. ದಾಳಿಗೊಳಗಾದ ಅವರು ತಪ್ಪಿಸಿಕೊಳ್ಳಲು, ಒಳಗೆ ಹೋದಾಗ ದಾಳಿಕೋರರು ಅವರನ್ನು ಹಿಂಬಾಲಿಸಿ ಕೊಲೆ ಮಾಡುತ್ತಾರೆ. ಈ ಘಟನೆ ನಡೆದು 40 ಸೆಕೆಂಡುಗಳ ಳಿಕ ನಾಲ್ವರು ಒಬ್ಬೊಬ್ಬರಾಗಿ ಮನೆಯಿಂದ ಹೊರಬರುರುತ್ತಾರೆ. ಅಷ್ಟರಲ್ಲಿ ಒಂದೆಡೆ ಸಾಕಷ್ಟು ಜನರು ದಿಗ್ಭ್ರಮೆಗೊಳಗಾಗಿ ನಿಂತಿದ್ದಾರೆ. ಪಠಾಣ್ ಬೆಡ್ ರೂಂನಲ್ಲಿ ಅನಾಥವಾಗಿ ಮೃತದೇಹ ಬಿದ್ದಿರುವುದು ಕಾಣಸಿಗುತ್ತದೆ.
ಕಾರಣ ಏನು?
ಆರೋಪಿ ಮೊಹಮ್ಮದ್ ಶಾ, ಫೈರೋಜ್ ಪಠಾಣ್ ಮಧ್ಯೆ ಆಗಾಗ ಜಗಳವಾಗುತ್ತಿತ್ತು. ಇತ್ತೀಚೆಗೆ ಹೊಲದ ಸಂಬಂಧ ಜಗಳ ನಡೆದಿತ್ತು. ಆ ಘಟನೆ ಬಳಿಕವೇ ಈ ಘಟನೆ ನಡೆದಿದೆ ಎನ್ನಲಾಗಿದೆ.
ಫೈರೋಜ್ ತಾಯಿ ಹೇಳಿದ್ದೇನು?
ಪಠಾಣ್ನನ್ನು ಕೊಲೆ ಮಾಡಿದ್ದು ಆತನ ಸ್ನೇಹಿತರು. ನನಗೆ ಮತ್ತು ನನ್ನ ಮಗಳ ಮೇಲು ದಾಳಿ ಮಾಡಿದ್ದಾರೆ. ನಮ್ಮ ಮೊಬೈಲ್ ತೆಗೆದುಕೊಂಡು ಹೋಗಿದ್ದಾರೆ. ಅವರಿಬ್ಬರ ಮಧ್ಯೆ ದ್ವೇಷ ಇತ್ತು ಅನ್ನೋದು ನನಗೆ ಗೊತ್ತಿಲ್ಲ ಎಂದು ಅವರ ತಾಯಿ ಹೇಳಿದ್ದಾರೆ.
ಪೊಲೀಸರು ಏನಂದ್ರು?
ಹುಬ್ಬಳ್ಳಿ- ಧಾರವಾಡ ಪೊಲೀಸ್ ಆಯುಕ್ತ ಎನ್. ಶಶಿಕುಮಾರ್ ಮಾತನಾಡಿ, ನಿನ್ನೆ ಉಪನಗ ಪೊಲೀಸ್ ಠಾಣಾ ವ್ಯಪ್ತಿ ಕೊಲೆ ಪ್ರಕರಣ ನಡೆದಿದೆ. ಫೈರೋಜ್ ಅವರ ಮೃತದೇಹ ಹುಬ್ಬಳ್ಳಿ ಕಿಮ್ಸ್ಗೆ ಮರಣೋತ್ತರ ಪರೀಕ್ಷೆಗೆಕಳುಗಹಿಸಲಾಗಿದೆ. ತಪ್ಪಿತಸ್ಥರನ್ನು ಶೀಘ್ರವೇ ಬಂಧಿಸಲಾಗುತ್ತದೆ. ಕೊಲೆಗೆ ನಿಖರ ಕಾರಣ ತಿಳಿದು ಬಂದಿದಲ್ಲ ಎಂದರು,(ಏಜೆನ್ಸೀಸ್)