ಬಸ್ ನಿಲುಗಡೆಗೆ ಸಾರಿಗೆ ಸಂಸ್ಥೆ ಸ್ಪಂದನೆ bus stop
ಮುಳಬಾಗಿಲು: ಅಮರಜ್ಯೋತಿ ವಿದ್ಯಾಸಂಸ್ಥೆಯ ವಿದ್ಯಾರ್ಥಿಗಳಿಗೆ ಸೇರಿದಂತೆ ಮುತ್ಯಾಲಪೇಟೆಯ ವಾಸುದೇವ ರೆಡ್ಡಿ ಲೇಔಟ್, ಫುಲ್ಚಂದ್ ಬಡಾವಣೆ, ಮಂಜುನಾಥ ಕಾಲನಿ ನಿವಾಸಿಗಳ ಬೇಡಿಕೆಯಂತೆ ನಗರದ ವರದರಾಜ ಚಿತ್ರ ಮಂದಿರದ ಹತ್ತಿರ ಮತ್ತು ಜಯಮ್ಮ ಕೃಷ್ಣಪ್ಪ ಛತ್ರದ ಬಳಿ ಕೆಎಸ್ಆರ್ಟಿಸಿ ಬಸ್ ನಿಲುಗಡೆ ಕೋರಿಕೆಗೆ ಸಾರಿಗೆ ಸಂಸ್ಥೆ ಸ್ಪಂದಿಸಿದೆ.bus stop
ವಾಸುದೇವರೆಡ್ಡಿ ಮತ್ತು ಅಮರ ಜ್ಯೋತಿ ಶಾಲೆಯ ಸುತ್ತಮುತ್ತಲಿನ ಬಡಾವಣೆಗಳ ಶ್ರೀ ನೇತಾಜಿ ಸುಭಾಷ್ಚಂದ್ರ ಬೋಸ್ ಸಂಘದ ಪದಾಧಿಕಾರಿಗಳ ಕೋರಿಕೆ ಮೇರೆಗೆ ಬಸ್ ನಿಲುಗಡೆಗಾಗಿ ಬೋರ್ಡ್ ಅಳವಡಿಕೆ ಮಾಡಲಾಗಿದೆ. ಸಾರಿಗೆ ಸಂಸ್ಥೆ ಪ್ರಯಾಣಿಕರು ಮತ್ತು ಸಾರ್ವಜನಿಕರ ಸೇವೆಗೆ ಕಾರ್ಯನಿರ್ವಹಿಸುತ್ತಿದೆ ಎಂದು ಘಟಕ ವ್ಯವಸ್ಥಾಪಕ ಅನ್ಸರ್ ಪಾಷಾ ತಿಳಿಸಿದ್ದಾರೆ.
ನೇತಾಜಿ ಸುಭಾಷ್ಚಂದ್ರ ಬೋಸ್ ಸಂಘ ಸದಸ್ಯ ನಿವೃತ್ತ ಶಿಕ್ಷಕ ಬಿ.ಚಲಪತಿ, ಮಧ್ಯಾಹ್ನ ಬಿಸಿಊಟ ಯೋಜನೆಯ ಅಧಿಕಾರಿ ಪಿ.ವಾಸು, ನಿವೃತ್ತ ಆರಕ್ಷಕ ಅಧಿಕಾರಿ ನಂಜುಂಡಪ್ಪ, ನಿವೃತ್ತ ಶಿಕ್ಷಕರಾದ ಶ್ರೀನಿವಾಸ ಗೌಡ, ಪಲ್ಲವಿ, ನಿಚ್ಚನಗುಂಟೆ ರಮೇಶ್ ಇದ್ದರು.