ರಾಗಿ ಖರೀದಿ ಕೇಂದ್ರದಲ್ಲಿ ಸಾಲುಗಟ್ಟಿ ನಿಂತ ಟ್ರ್ಯಾಕ್ಟರ್

ತಾಲೂಕಿನಲ್ಲಿ 9800 ರೈತರಿಂದ ಸುಮಾರು 234965 ಕ್ವಿಂಟಾಲ್ ರಾಗಿ ನೀಡಲು ನೋಂದಣಿ ಮಾಡಲಾಗಿದೆ. ಈಗಾಗಲೇ ೆ.18 ರಿಂದ ರಾಗಿ ಖರೀದಿ ಪ್ರಾರಂಭವಾಗಿದ್ದು, ಸುಮಾರು 456 ರೈತರು ಸುಮಾರು 14487 ಕ್ವಿಂಟಾಲ್ ರಾಗಿ ಖರೀದಿ ಮಾಡಲಾಗಿದೆ. ರೈತರು ರಾಗಿ ತುಂಬಿದ ಟ್ರ್ಯಾಕ್ಸರ್ ತಂದು ರಸ್ತೆಯ ಬಲ ಬದಿಯಲ್ಲಿ ಸುಮಾರು ಅರ್ಧ ಕಿ.ಮೀ. ದೂರದವರೆಗೆ ಸರತಿ ಸಾಲಿನಲ್ಲಿ ನಿಲ್ಲಿಸಿ ಕಾಯುತ್ತಿದ್ದಾರೆ. ನೋಂದಣಿ ಮಾಡಿರುವ ರೈತರು ಖರೀದಿಗೆ ದಿನಾಂಕ ಹಾಗೂ ಸೀನಿಯಾರಿಟಿ ಮಾಡಿದ್ದರೂ ರೈತರು ಟ್ರ್ಯಾಕ್ಟರ್‌ನಲ್ಲಿ ತುಂಬಿಕೊಂಡು ಕಾಯುತ್ತಿದ್ದಾರೆ.

ರಾಗಿ ಖರೀದಿ ಕೇಂದ್ರದಲ್ಲಿ ಸಿನಿಯಾರಿಟಿ ಮೂಲಕ ತೆಗೆದುಕೊಳ್ಳುತ್ತಿಲ್ಲ. ಕೆಲವರು ಸಿನಿಯಾರಿಟಿ ಇಲ್ಲದಿದ್ದರೂ ಅಕ್ರಮವಾಗಿ ರಾಗಿ ಬಿಡುತ್ತಿದ್ದಾರೆ. ಈಗಾದರೇ ಅರ್ಹ ರೈತರಿಗೆ ತೊಂದರೆಯಾಗಲಿದೆ. ಕೇವಲ ಮೂರು ಕೌಂಟರ್ ತೆರೆಯಲಾಗಿದೆ. ಹಾಗಾಗಿ ಖರೀದಿ ಪ್ರಕ್ರಿಯೆಯೂ ನಿಧಾನಗತಿಯಲ್ಲಿ ಸಾಗಿದೆ. ತಡವಾದಷ್ಟು ರೈತರು ಟ್ರ್ಯಾಕ್ಟರ್‌ನವರಿಗೆ ಹೆಚ್ಚಿನ ಬಾಡಿಗೆ ಹೊರೆ ಬೀಳಲಿದೆ. ಆದ್ದರಿಂದ ಇನ್ನೊಂದು ಕೌಂಟರ್ ತೆರೆಯಬೇಕು. - ಗಣೇಶ್, ರೈತ