ಕೆರೆ ಕಾಮಗಾರಿ ಕುಂಟಿತಕ್ಕೆ ಬೇಸರ lake

ಬುಧವಾರ ಕೆರೆ ಕಾಮಗಾರಿ ಜಾಗಕ್ಕೆ ಭೇಟಿ ನೀಡಿದ ಅವರು ಕಾಮಗಾರಿ ಪರಿಶೀಲಿಸಿ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿ, 3.25 ಕೋಟಿ ರೂ. ವೆಚ್ಚದಲ್ಲಿ ಕೆರೆ ಅಭಿವೃದ್ಧಿಗೊಳಿಸಲಾಗುತ್ತಿದ್ದು, ಈ ಅನುದಾನದಲ್ಲಿ ಈಗಾಗಲೇ 75 ಲಕ್ಷ ರೂ. ಕಾಮಗಾರಿ ನಡೆದಿದೆ ಎಂದು ಗುತ್ತಿಗೆದಾರ ಹೇಳಿದ್ದಾರೆ. ಆದರೆ ಇದರಲ್ಲಿ ಇದುವರೆಗೂ 25 ಲ ರೂ. ಕೆಲಸ ಆಗಿರಬಹುದು. ವರ್ಕ್​ ಆರ್ಡರ್​ ನೀಡಿದಲ್ಲಿ ಗೊತ್ತಾಗುತ್ತದೆ. ಕೆರೆ ಕಟ್ಟೆ ಮೇಲಿನ ಜಾಲಿ ಮರಗಳು ತೆರವು, 25 ಲೋಡ್​ನಷ್ಟು ಮರಗಳ ಹೇಗೆ ನಾಪತ್ತೆಯಾದವು ಎಂದು ಪ್ರಶ್ನಿಸಿದರು.

ಪ್ರತಿ ಕಾರ್ಯಕ್ರಮದಲ್ಲೂ ಶಾಸಕರು ಕ್ಷೇತ್ರಕ್ಕೆ ನೂರಾರು ಕೋಟಿ ಅನುದಾನ ತಂದಿದ್ದೇವೆ ಎಂದು ಹೇಳುತ್ತಿದ್ದಾರೆ. ವೇಮಗಲ್​& ಸೀತಿ ಮುಖ್ಯರಸ್ತೆ ದ್ವಿಪಥ ಮಾಡಲು ಪೂಜೆ ನೆರವೇರಿಸಿ ಒಂದೂವರೆ ವರ್ಷ ಕಳೆದರೂ ಕಾಮಗಾರಿ ಪ್ರಾರಂಭ ಮಾಡಿಲ್ಲ. ಸೀತಿ ಹೊಸೂರು ಬೈರಂಡಹಳ್ಳಿ ರಸ್ತೆ ಮತ್ತು ಕೆರೆ ಅಭಿವೃದ್ಧಿ ಕಾಮಗಾರಿಗೆ ಒಂದೇ ದಿನ ಚಾಲನೆ ನೀಡಿದ್ದರೂ ಒಂದು ಕಲ್ಲು ಸಹ ಪಕ್ಕಕ್ಕೆ ಸರಿದಿಲ್ಲ. ಎತ್ತ ಸಾಗಿದೆ ಶಾಸಕರ ಅಭಿವೃದ್ಧಿ ಕೆಲಸಗಳು? ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

ಸಣ್ಣ ನೀರಾವರಿ ಇಲಾಖೆಯ ಸಹಾಯಕ ಕಾರ್ಯಪಾಲಕ ಅಭಿಯಂತರ ಹರಿಕೃಷ್ಣ ಸ್ಥಳಕ್ಕೆ ಭೇಟಿ ನೀಡಿ ಕಾಮಗಾರಿ ಕುರಿತು ವಿವರಣೆ ನೀಡಿ ಪರಿಸ್ಥಿತಿ ತಿಳಿಗೊಳಿಸಿದರು. 2025ರ ಮಾ.31ರಂದು ಕೆರೆ ಕಾಮಗಾರಿ ಆರಂಭವಾಗಿದ್ದು, ಡಿಸೆಂಬರ್​ಗೆ ಮುಕ್ತಾಯವಾಗಬೇಕಿತ್ತು ಕಾರಣಾಂತರಗಳಿಂದ ವಿಳಂಬವಾಗಿದೆ ಎಂದು ಸ್ಪಷ್ಟಪಡಿಸಿದರು. ಇನ್ನು ಕೆರೆಗಳ ಮೇಲೆ ಬೆಳೆದ ಜಾಲಿ ಮರಗಳನ್ನು ಜಂಗಲ್​ ಎನ್ನುತ್ತಾರೆ ಇದನ್ನು ಕಡಿಯಲು ಅನುಮತಿ ಬೇಕಾಗುವುದಿಲ್ಲ. ಇದು ತನ್ನಷ್ಟಕ್ಕೆ ತಾನೆ ಬೆಳೆಯುತ್ತದೆ. ಯಾರು ಬೆಳೆಸುವುದಿಲ್ಲ ಎಂದು ವಿವರಣೆ ನೀಡಿದರು.