ಮೂವರು ದರೋಡೆಕೋರರ ಬಂಧನ

ಬೆಂಗಳೂರಿನ ನಾಗೇಶ್​, ಜುಬೇರ್​ ಖಾನ್​, ತಿಪಟೂರಿನ ಎಂ.ಪಿ.ಶಶಾಂಕ್​ ಬಂಧಿತರು. ಮತ್ತೊರ್ವ ಆರೋಪಿ ಮರಿಲಿಂಗನಾಯಕನ ಬಂಧನಕ್ಕೆ ಬಲೆ ಬೀಸಲಾಗಿದೆ.

ಆರೋಪಿಗಳಿಂದ ಒಂದು ಕಾರು, 108 ಗ್ರಾಂ ಚಿನ್ನ, 2.44 ಕೆ.ಜಿ. ಬೆಳ್ಳಿ ಆಭರಣ ವಶಪಡಿಸಿಕೊಳ್ಳಲಾಗಿದೆ. ಬಂಧಿತರ ವಿರುದ್ಧ ಬೆಂಗಳೂರಿನ ವರ್ತೂರು ಪೊಲೀಸ್​ ಠಾಣೆ, ಚಿಕ್ಕಬಳ್ಳಾಪುರ ನಗರಠಾಣೆ, ಚಿಂತಾಮಣಿ ಗ್ರಾಮಾಂತರ ಠಾಣೆ ವ್ಯಾಪ್ತಿಯಲ್ಲಿ ಕಳವು ಪ್ರಕರಣ ದಾಖಲಾಗಿವೆ.

ದರೋಡೆ ಪ್ರಕರಣಗಳು: ಮಾ.23ರಂದು ರಾತ್ರಿ ನಗರದ ವಾಪಸಂದ್ರದ ನಿವಾಸಿ ಶಾಮಲಮ್ಮ ವಿಹಾರಕ್ಕೆ ಹೊರಟಿದ್ದಾಗ ವಿಶ್ವಸಿಂಧು ಆಸ್ಪತ್ರೆ ಮುಂಭಾಗ ನಾಲ್ವರೂ ಆರೋಪಿಗಳು 9 ಗ್ರಾಂ ಮಾಂಗಲ್ಯದ ಸರ ಕಿತ್ತುಕೊಂಡು ಪರಾರಿಯಾಗಿದ್ದರು. ಇದೇ ವೇಳೆ ಚಿಕ್ಕಬಳ್ಳಾಪುರ ಜಿಲ್ಲಾ ಹಾಲು ಒಕ್ಕೂಟದ ಅಧಿಕಾರಿ ಮಂಜುನಾಥ್​ ಚದಲಪುರ ಕ್ರಾಸ್​ನಲ್ಲಿ ಬಸ್​ಗಾಗಿ ಕಾಯುತ್ತಿದ್ದಾಗ ಹಣ ಕಸಿದುಕೊಂಡು ಪರಾರಿಯಾಗಿದ್ದರು.

ಈ ಸಂಬಂಧ ಚಿಕ್ಕಬಳ್ಳಾಪುರ ನಗರಠಾಣೆ, ನಂದಿ ಗಿರಿಧಾಮ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದವು. ಪ್ರಕರಣ ಭೇದಿಸಲು ವಿಶೇಷ ತಂಡವನ್ನು ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಕುಶಾಲ್​ ಚೌಕ್ಸೆ ರಚಿಸಿದ್ದರು.