ಬಸವೇಶ್ವರ ಮೂರ್ತಿಯ ಮೆರವಣಿಗೆ ವೈಭವ

ಜೇವರ್ಗಿ: ಜಗಜ್ಯೋತಿ ಬಸವೇಶ್ವರ ಜಯಂತ್ಯುತ್ಸವ ನಿಮಿತ್ತ ಶ್ರೀ ಷಣ್ಮುಖ ಶಿವಯೋಗಿ ಬ್ರಿಗೇಡ್​ನಿಂದ ಪಟ್ಟಣದಲ್ಲಿ ಭಾನುವಾರ ಬಸವೇಶ್ವರ ಮೂರ್ತಿಯ ಬೃಹತ್​ ಮೆರವಣಿಗೆ ಅದ್ದೂರಿಯಾಗಿ ಜರುಗಿತು.

ಮಧ್ಯಾಹ್ನ ಶ್ರೀ ಷಣ್ಮುಖ ಶಿವಯೋಗಿಗಳ ಮಠದಿಂದ ಶುರುವಾರ ಮೆರವಣಿಗೆ ಅಖಂಡೇಶ್ವರ ವೃತ್ತ ಮಾರ್ಗವಾಗಿ ಬಸವೇಶ್ವರರ ವೃತ್ತದವರೆಗೆ ಸಾಗಿತು. ದಾರಿಯುದ್ದಕ್ಕೂ ನಾಶಿಕ ಡೋಲ್​, ಮಣೂರ ಹಲಗಿ, ಕಾರವಾರದ ಗೊಂಬೆ ಕುಣಿತ ಗಮನಸೆಳೆದವು. ವಿವಿಧ ವೇಷ ಭೂಷಣದ ಪಾತ್ರಗಳು ರಂಜಿಸಿದವು. ಯುವಕರು, ಮುಖಂಡರು ಹಾಗೂ ಅಸಂಖ್ಯ ಬಸವಾಭಿಮಾನಿಗಳು ಉತ್ಸಾಹದಿಂದ ಕುಣಿದಾಡಿದರು.

ಸೊನ್ನದ ಶ್ರೀ ಡಾ.ಶಿವಾನಂದ ಸ್ವಾಮೀಜಿ, ಯಡ್ರಾಮಿಯ ಶ್ರೀ ಸಿದ್ಧಲಿಂಗ ಸ್ವಾಮೀಜಿ, ಮಾಜಿ ಶಾಸಕ ದೊಡ್ಡಪ್ಪಗೌಡ ಪಾಟೀಲ್​ ನರಿಬೋಳ, ಪ್ರಮುಖರಾದ ರಾಜಶೇಖರ ಸೀರಿ, ಶಿವರಾಜ ಪಾಟೀಲ್​ ರದ್ದೇವಾಡಗಿ, ಷಣ್ಮುಖಪ್ಪ ಸಾಹು ಗೋಗಿ, ಬಾಪುಗೌಡ ಪಾಟೀಲ್​ ಬಿರಾಳ, ಸಿದ್ದು ಅಂಗಡಿ, ಶರಣಬಸವ ಕಲ್ಲಾ, ಗುರುಗೌಡ ಮಾಲಿಪಾಟೀಲ್​, ಗುಂಡುಸಾಹು ಗೋಗಿ, ಸಂಗಣ್ಣಗೌಡ ಪಾಟೀಲ್​ ಆಂದೋಲಾ, ಸುನೀಲ್​ ಸಜ್ಜನ, ಮಲ್ಲಶೆಟ್ಟೆಪ್ಪಗೌಡ ಹಿರೇಗೌಡ, ನೀಲಕಂಠ ಅವಂಟಿ, ರವಿ ಕೋಳಕೂರ, ಅನೀಲ ರಾಂಪೂರ, ಮಲ್ಲಿಕಾಜುನ ಬಿರಾದಾರ, ಧರ್ಮರಾಜ ಜೋಗೋರ, ಶಿವಾನಂದ ಮೂಧೋಳ, ಸಂಗಣ್ಣಗೌಡ ಅವರಾದ, ಶರಣು ಕೋಳಕೂರ, ಸಂತೋಷ ಸಾಹು ಮದ್ರಿ, ಚಂದ್ರಶೇಖರ ಪಾಟೀಲ್​, ಕರುಣೇಶ ಘಂಟಿ, ಮಲ್ಲಿಕಾರ್ಜುನ ಅವರಾದ, ಸುನೀಲ ಹಳ್ಳಿ, ಸಾಹೇಬಗೌಡ ಹಿರೇಗೌಡ ಚಿಕ್ಕಜೇವರ್ಗಿ, ಸಿದ್ದಣ್ಣ ಗಡ್ಡದ, ರಾಜಶೇಖರ ವಾರದ ಇತರರಿದ್ದರು.