ದೇವನಹಳ್ಳಿ: ಪಟ್ಟಣದ ಹಳೇ ತಾಲೂಕು ಕಚೇರಿ ರಸ್ತೆಯಲ್ಲಿರುವ ಶ್ರೀ ಚೌಡೇಶ್ವರಿಗೆ ವರಮಹಾಲಕ್ಷಿ$್ಮ ಹಬ್ಬದ ಪ್ರಯುಕ್ತ ನವಿಲುಗರಿ ಅಲಂಕಾರ ಮಾಡಲಾಗಿತ್ತು. ಸಂಪ್ರದಾಯದಂತೆ ಕಂಕಣಧಾರಿಗಳಾದ ದೇವಾಂಗ ಜನಾಂಗದ ಭಕ್ತರು ಮೈಗೆ ಅರಿಶಿಣ ಬಳಿದುಕೊಂಡು ಸ್ತೋತ್ರಪಠಿಸುತ್ತ ಹಲಗೆ ಸೇವೆ ಮೂಲಕ ದೇಹದಂಡಿಸಿ ಹರಕೆ ತೀರಿಸಿದರು.
ಕಾರ್ಯಕ್ರಮದಲ್ಲಿ ದೇವಾಲಯದ ಟ್ರಸ್ಟಿ ಜಿಲ್ಲಾಧಿಕಾರಿ ಕಚೇರಿ ನಿವೃತ್ತ ತಹಸೀಲ್ದಾರ್ ಪಿ.ಗಂಗಾಧರ್, ನಿವೃತ್ತ ಮುಖ್ಯಾಧಿಕಾರಿ ಎ.ಎಚ್.ನಾಗರಾಜ್, ದೇವಾಲಯ ಸಮಿತಿ ಅಧ್ಯಕ್ಷ ಸಿ.ಅಶ್ವತ್ಥನಾರಾಯಣ್, ಟ್ರಸ್ಟಿ ಎನ್.ಮುನಿರಾಜ್, ಲಯನ್ಸ್ ಮಾಜಿ ಅಧ್ಯಕ್ಷರಾದ ವೈ.ಸಿ.ಕೃಪಾಕರ್, ವಿಜಯಕುಮಾರ್, ಹನುಮಂತಪ್ಪ, ಗ್ಯಾರಂಟಿ ಅನುಷ್ಠಾನ ಸಮಿತಿ ತಾಲೂಕು ಅಧ್ಯಕ್ಷ ಸಿ.ಜಗನ್ನಾಥ್, ಬಿಜೆಪಿ ಹಿರಿಯ ಮುಖಂಡರಾದ ದೇ.ಸೂ.ನಾಗರಾಜ್, ಜಿ.ಪುಟ್ಟರಾಜ್, ಪುರಸಭೆ ಮಾಜಿ ಸದಸ್ಯ ಪಿ.ಜಯರಾಮ್, ಗಂಗಾಧರಪ್ಪ ಇತರರು ಇದ್ದರು.
ಕಳೆಗಟ್ಟಿದ ಹಬ್ಬದ ಸಂಭ್ರಮ :
ಕಳೆದ ವರ್ಷಕ್ಕಿಂತಲೂ ಬೆಲೆ ದುಪ್ಪಟ್ಟು ಏರಿಕೆಯಾಗಿದ್ದರೂ ತಲೆಕಡೆಸಿಕೊಳ್ಳದೇ ಪಟ್ಟಣದಾದ್ಯಂತ ಹಬ್ಬದ ಸಂಭ್ರಮ ಮನೆಮಾಡಿತ್ತು. ಮನೆಮನೆಗಳಲ್ಲಿ ವರಮಹಾಲಕ್ಷಿ$್ಮಯನ್ನು ಪ್ರತಿಷ್ಠಾಪಿಸಿ ಅಕ್ಕಪಕ್ಕದ ಮನೆಯವರಿಗೆ ಬಾಗಿನ ಮತ್ತು ಸಿಹಿ ಹಂಚಿ ಸಂಭ್ರಮಿಸಿದರು.