ಎರಡು ಸಂಸ್ಥೆ ಜತೆಗೆ ಎಸ್​ಬಿ ವಿವಿ ಒಡಂಬಡಿಕೆ

ಕಲಬುರಗಿ: ಬೌದ್ಧಿಕ ಆಸ್ತಿ ಹಕ್ಕು (ಐಪಿಆರ್​) ಕ್ಷೇತ್ರದಲ್ಲಿ ಶೈಕ್ಷಣಿಕ ಗುಣಮಟ್ಟ ಹಾಗೂ ಸಂಶೋಧನಾ ಶ್ರೇಷ್ಠತೆ ಹೆಚ್ಚಿಸುವುದು ಮತ್ತು ಶಿಕ್ಷಕರು, ವಿದ್ಯಾರ್ಥಿಗಳ ಕೌಶಲಾಭಿವೃದ್ಧಿಗೆ ಪೂರಕವಾಗುವ ಹೊಸ ಪ್ರಮಾಣಪತ್ರ ಕೋರ್ಸ್​ ಆರಂಭಿಸುವ ಉದ್ದೇಶದಿಂದ ಶರಣಬಸವ ವಿಶ್ವವಿದ್ಯಾಲಯವು ಎರಡು ಮಹತ್ವದ ತಿಳಿವಳಿಕೆ ಒಡಂಬಡಿಕೆಗಳಿಗೆ ಬುಧವಾರ ಸಹಿ ಹಾಕಿದೆ.

ಕರ್ನಾಟಕ ರಾಜ್ಯ ವಿಜ್ಞಾನ ಮತ್ತು ತಂತ್ರಜ್ಞಾನ ಮಂಡಳಿ (ಕೆಎಸ್​ಸಿಎಸ್​ಟಿ) ಹಾಗೂ ಶರಣಬಸವ ವಿಶ್ವವಿದ್ಯಾಲಯದ ನಡುವಿನ ಒಡಂಬಡಿಕೆಗೆ ಕೆಎಸ್​ಸಿಎಸ್​ಟಿ ಕಾರ್ಯದರ್ಶಿ ಹಾಗೂ ಭಾರತೀಯ ವಿಜ್ಞಾನ ಸಂಸ್ಥೆಯ ಮೆಟೀರಿಯಲ್ಸ್​ ಇಂಜಿನಿಯರಿಂಗ್​ ವಿಭಾಗದ ಪ್ರಾಧ್ಯಾಪಕ ಪೊ.ಅಶೋಕ ಎಂ. ರಾಯಚೂರ ಮತ್ತು ವಿಶ್ವವಿದ್ಯಾಲಯದ ಕುಲಸಚಿವೆ ಡಾ. ಲಕ್ಷ್ಮೀ ಪಾಟೀಲ ಮಾಕಾ ಸಹಿ ಹಾಕಿದರು.

ಮತ್ತೊಂದೆಡೆ, ಬೆಂಗಳೂರಿನ ಸಮಾಧಾನ ಕೌನ್ಸೆಲಿಂಗ್​ ಸೆಂಟರ್​ ಪರವಾಗಿ ಖ್ಯಾತ ಮನೋವಿಾನಿ ಹಾಗೂ ಪದ್ಮಶ್ರೀ ಪುರಸತ ಡಾ. ಸಿ.ಆರ್​. ಚಂದ್ರಶೇಖರ್​ ಮತ್ತು ಡಾ.ಲಕ್ಷ್ಮೀ ಪಾಟೀಲ್​ ಮಾಕಾ ಮತ್ತೊಂದು ಒಡಂಬಡಿಕೆಗೆ ಸಹಿ ಹಾಕಿದರು.

ಉಪಕುಲಪತಿ ಪೊ.ಅನಿಲಕುಮಾರ ಬಿಡವೆ ಮಾತನಾಡಿ, ಕೆಎಸ್​ಸಿಎಸ್​ಟಿ ಒಡಂಬಡಿಕೆಯನ್ವಯ ಶರಣಬಸವ ವಿಶ್ವವಿದ್ಯಾಲಯದ ಆವರಣದಲ್ಲಿ ಬೌದ್ಧಿಕ ಆಸ್ತಿ ಹಕ್ಕು ಘಟಕ ಸ್ಥಾಪಿಸಲಾಗುವುದು. ಐಪಿಆರ್​ಗೆ ಸಂಬಂಧಿಸಿದ ವಿಷಯಗಳಲ್ಲಿ ಕೆಎಸ್​ಸಿಎಸ್​ಟಿ ತಾಂತ್ರಿಕ ನೆರವು ನೀಡಲಿದ್ದು, ಜಂಟಿ ಕಾರ್ಯಾಗಾರ, ತರಬೇತಿ ಕಾರ್ಯಕ್ರಮ ಹಾಗೂ ಸಂಶೋಧನಾ ಚಟುವಟಿಕೆಗಳನ್ನು ಆಯೋಜಿಸಲು ಸಹಕರಿಸಲಿದೆ ಎಂದರು.

ವಿಶ್ವವಿದ್ಯಾಲಯದ ಬೌದ್ಧಿಕ ಆಸ್ತಿ ಹಕ್ಕುಗಳ ನೋಂದಣಿ, ಸಂಭಾವ್ಯ ನವೀನ ಆವಿಷ್ಕಾರಗಳ ಗುರುತಿಸುವಿಕೆ ಹಾಗೂ ಅವುಗಳನ್ನು ವಾಣಿಜ್ಯೀಕರಣಗೊಳಿಸುವ ಪ್ರಕ್ರಿಯೆಗೂ ಕೆಎಸ್​ಸಿಎಸ್​ಟಿ ಮಾರ್ಗದರ್ಶನ ನೀಡಲಿದೆ. ವಿದ್ಯಾರ್ಥಿಗಳು, ಬೋಧಕ ಸಿಬ್ಬಂದಿ ಹಾಗೂ ಸಂಶೋಧನಾ ವಿದ್ಯಾರ್ಥಿಗಳಲ್ಲಿ ಐಪಿಆರ್​ ಕುರಿತು ಜಾಗೃತಿ ಮೂಡಿಸಲು ನಿಯಮಿತವಾಗಿ ತರಬೇತಿ ಕಾರ್ಯಾಗಾರಗಳನ್ನು ಆಯೋಜಿಸಲಾಗುವುದು ಎಂದು ತಿಳಿಸಿದರು.

ಡೀನ್​ ಡಾ.ಶಿವಕುಮಾರ ಜವಳಗಿ ಇತರರಿದ್ದರು.

ಸಮಾಧಾನ ಕೌನ್ಸೆಲಿಂಗ್​ ಸೆಂಟರ್​ ಹಾಗೂ ಶರಣಬಸವ ವಿಶ್ವವಿದ್ಯಾಲಯದ ಒಡಂಬಡಿಕೆಯನ್ವಯ ಪತ್ರಿಕೋದ್ಯಮ ಮತ್ತು ಸಮೂಹ ಸಂವಹನ ಅಧ್ಯಯನ ಹಾಗೂ ಸಂಶೋಧನಾ ವಿಭಾಗದಲ್ಲಿ 50 ಗಂಟೆ ಅವಧಿಯ ಕೌನ್ಸೆಲಿಂಗ್​ ಪ್ರಮಾಣಪತ್ರ ಕೋರ್ಸ್​ ತಣದಿಂದ ಜಾರಿಗೆ ಬರುವಂತೆ ಆರಂಭಿಸಲಾಗುವುದು. ಕೋರ್ಸ್​ಗೆ ಕನಿಷ್ಠ 20 ವರ್ಷ ವಯಸ್ಸು ಹಾಗೂ ಎಸ್ಸೆಸ್ಸೆಲ್ಸಿ ವಿದ್ಯಾರ್ಹತೆ ಕಡ್ಡಾಯವಾಗಿದೆ. ಹೈಬ್ರಿಡ್​ ಮಾದರಿಯಲ್ಲಿ ನಡೆಯುವ ಕೋರ್ಸ್​ನಲ್ಲಿ ನೇರ ಸಂವಾದಾತ್ಮಕ ತರಗತಿ, ಮೇಲ್ವಿಚಾರಣೆಯ ಆನ್​ಲೈನ್​ ತರಗತಿಗಳು, ಡಿಜಿಟಲ್​ ಕಲಿಕಾ ಟಕಗಳು ಹಾಗೂ ಪ್ರಾಯೋಗಿಕ ಕಾರ್ಯಾಗಾರಗಳನ್ನು ಒಳಗೊಂಡಿರಲಿದೆ. ಸಮಾಧಾನ ಕೌನ್ಸೆಲಿಂಗ್​ ಸೆಂಟರ್​ನ ವಿಷಯ ತರು ವಿಶೇಷ ಪಠ್ಯಕ್ರಮ ರೂಪಿಸಿ ತರಬೇತಿ ನೀಡಲಿದ್ದು, ಶಾಲೆ, ಕಾಲೇಜು ಹಾಗೂ ಸಮಾಜದ ವಿವಿಧ ವಲಯಗಳಲ್ಲಿ ಕಾರ್ಯನಿರ್ವಹಿಸಬಲ್ಲ ತರಬೇತಿ ಪಡೆದ ಕೌನ್ಸೆಲರ್​ಗಳನ್ನು ರೂಪಿಸುವ ಗುರಿ ಹೊಂದಲಾಗಿದೆ.

"