ಕಮಲಾಪುರ ತಾಲೂಕಿನ ನವನಿಹಾಳದಲ್ಲಿರುವ ಶ್ರೀ ಸತ್ಯಸಾಯಿ ವಿದ್ಯಾನಿಕೇತನ ಗುರುಕುಲಕ್ಕೆ ವಿಧಾನ ಪರಿಷತ್ ಸದಸ್ಯೆ ಉಮಾಶ್ರೀ ಭೇಟಿ ನೀಡಿದರು. ಉಪ ಕುಲಪತಿ ಪ್ರೊ.ಶ್ರೀಕಂಠಮೂರ್ತಿ, ಪಾರ್ಥಸಾರಥಿ, ಸಾಯಿಪ್ರಸಾದ, ಸಿದ್ದರಾಜ, ರಮೇಶ, ವಿಕಾಸ ರೆಡ್ ಇದ್ದರು.
ಕಮಲಾಪುರ: ಶ್ರೀ ಸತ್ಯಸಾಯಿ ವಿದ್ಯಾನಿಕೇತನ ಗುರುಕುಲ ಸಮಾಜಕ್ಕೆ ಮಾದರಿಯಾಗಿದ್ದು, ಸಾಕಷ್ಟು ಬಡಮಕ್ಕಳಿಗೆ ಗುಣಮಟ್ಟದ ಶಿಕ್ಷಣ ಹಾಗೂ ಸಂಸ್ಕಾರ ಸಿಗುತ್ತಿದೆ ಎಂದು ವಿಧಾನ ಪರಿಷತ್ ಸದಸ್ಯೆ ಹಾಗೂ ಹಿರಿಯ ನಟಿ ಉಮಾಶ್ರೀ ಮೆಚ್ಚುಗೆ ವ್ಯಕ್ತಪಡಿಸಿದರು. ನವನಿಹಾಳದ ಶ್ರೀ ಸತ್ಯಸಾಯಿ ವಿದ್ಯಾನಿಕೇತನ ಗುರುಕುಲ ಹಾಗೂ ಸತ್ಯಸಾಯಿ ಮಾನವ ಅಭ್ಯುದಯ ವಿಶ್ವವಿದ್ಯಾಲಯಕ್ಕೆ ಭಾನುವಾರ ಭೇಟಿ ನೀಡಿದ ಅವರು, ಉತ್ತಮ ನಾಗರಿಕರನ್ನು ರೂಪಿಸುವಲ್ಲಿ ಇಂತಹ ಸಂಸ್ಥೆಗಳು ಮಹತ್ವದ ಪಾತ್ರ ವಹಿಸುತ್ತಿವೆ ಎಂದು ಹೇಳಿದರು. ಉಪ ಕುಲಪತಿ ಪ್ರೊ.ಶ್ರೀಕಂಠ ಮೂರ್ತಿ ಅವರು, ವಿಶ್ವವಿದ್ಯಾಲಯದಲ್ಲಿ ನಡೆಯುತ್ತಿರುವ ಶೈಣಿಕ ಚಟುವಟಿಕೆ, ವಿವಿಧ ಸೇವಾ ಯೋಜನೆ, ಸದ್ಗುರು ಮಧುಸೂದನ ಸಾಯಿ ನೇತೃತ್ವದಲ್ಲಿ ನಡೆಯುತ್ತಿರುವ ಒನ್ ವಲ್ಡ್ ಒನ್ ಫ್ಯಾಮಿಲಿ ಅಭಿಯಾನದ ಕುರಿತು ವಿವರಿಸಿದರು. ಪಾರ್ಥಸಾರಥಿ, ಸಾಯಿಪ್ರಸಾದ, ಸಿದ್ದರಾಜ, ರಮೇಶ, ವಿಕಾಸ ರೆಡ್ ಇತರರಿದ್ದರು.