ರಸ್ತೆ ಕಾಮಗಾರಿಗೆ 1 ಕೋಟಿ ರೂ. ಅನುದಾನ ಬಿಡುಗಡೆ road work

ಬಂಗಾರಪೇಟೆ ತಾಲೂಕಿನ ಬಲಮಂದೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಚತ್ತಗುಟ್ಟಳ್ಳಿ, ಕೊಲಮೂರು ಹಾಗೂ ಬೋಡಗುರ್ಕಿ ಗ್ರಾಮದಲ್ಲಿ ಹಮ್ಮಿಕೊಂಡಿದ್ದ ಹೈಮಾಸ್ಟ್​ ದೀಪ ಹಾಗೂ ವಿವಿಧ ಕಾಮಗಾರಿಗಳಿಗೆ ಭೂಮಿಪೂಜೆ ನೆರವೇರಿಸಿ ಮಾತನಾಡಿ, ಚತ್ತಗುಟ್ಟಳ್ಳಿಗೆ ರಸ್ತೆ ಸರಿಯಾಗಿಲ್ಲದ ಕಾರಣ ಸಾರಿಗೆ ಬಸ್​ ಸಹ ಬರುತ್ತಿಲ್ಲ. ಹಾಗಾಗಿ ಸರ್ಕಾರದಿಂದ ಒಂದು ಕೋಟಿ ರೂಪಾಯಿ ವೆಚ್ಚದಲ್ಲಿ ರಸ್ತೆ ಕಾಮಗಾರಿಯನ್ನು ವಾರದ ಒಳಗೆ ಪ್ರಾರಂಭಿಸಲಾಗುವುದು ಎಂದರು.

ದೇವರಗುಟ್ಟಳ್ಳಿ ರಸ್ತೆಗೂ ಸಹ ಸುಮಾರು ಎರಡು ಕೋಟಿ ರೂ. ಮಂಜೂರು ಮಾಡಲಾಗಿದ್ದು, ಈ ಗ್ರಾಮ ಗಡಿಭಾಗದಲ್ಲಿದ್ದರೂ ಎಲ್ಲ ಮೂಲ ಸೌಕರ್ಯ ಒದಗಿಸಲಾಗಿದೆ. ಕೊಲಮೂರು ಗ್ರಾಮದಲ್ಲಿ ಬಸ್​ ನಿಲ್ದಾಣ, ಸಿಸಿ ರಸ್ತೆಗಳು, ಹೈಮಾಸ್ಟ್​ ದೀಪ ದೇವಸ್ಥಾನದ ಅಭಿವೃದ್ಧಿಗೆ 2 ಲಕ್ಷ ರೂ. ಹಣ ನೀಡಲಾಗಿದೆ. ನಿಮ್ಮ ಗ್ರಾಮಕ್ಕೆ ಬೇಕಾದ ಎಲ್ಲ ರಸ್ತೆಗಳನ್ನು ಅಭಿವೃದ್ಧಿಪಡಿಸಲಾಗಿದೆ. ಮುಂಬರುವ ಜಿಪಂ, ತಾಪಂ, ಗ್ರಾಪಂ ಚುನಾವಣೆಗಳಲ್ಲಿ ಕಾಂಗ್ರೆಸ್​ನಿಂದ ಯಾರೇ ಅಭ್ಯರ್ಥಿಗಳಾಗಿದ್ದರೂ ಅವರಿಗೆ ಮತ ನೀಡಿ ಗೆಲ್ಲಿಸಬೇಕು ಎಂದು ಮನವಿ ಮಾಡಿದರು.

ಕಾಮಸಮುದ್ರ ಗ್ರಾಪಂ ಆದಿನಾರಾಯಣ ಕುಟ್ಟಿ, ಸದಸ್ಯರಾದ ಕಾಶಿನಾಥ್​, ಗಿರೀಶ್​, ಸೋಮೊಜಿ ರಾವ್​, ಸಂತೋಷ್​ ರಾವ್​, ಈಶ್ವರ್​ ರಾವ್​, ರಂಗನಾಥ ರಾವ್​ ಶಾಮ್​ ರಾವ್​, ಪಿಎಲ್​ಡಿ ಬ್ಯಾಂಕ್​ ಮಾಜಿ ಅಧ್ಯಕ್ಷ ಎಚ್​.ಕೆ ನಾರಾಯಣಸ್ವಾಮಿ, ಮುಖಂಡರಾದ ಚಂದು, ವೆಂಕಟೇಶ್​ ಗೌಡ, ಬಲಮಂದೆ ನಾರಾಯಣಸ್ವಾಮಿ, ಕೇದಾರ್​ ರಾವ್​, ಕೇದಾರನಾಥ್​ ಇದ್ದರು.