ಕಾಳಗಿಯಲ್ಲಿನ ಮಹಾಲಕ್ಷಿ$್ಮ ಗ್ಯಾಸ್ ಏಜೆನ್ಸಿ ಎದುರು ಸಿಲಿಂಡರ್ಗಾಗಿ ಸರದಿ ಸಾಲಿನಲ್ಲಿ ನಿಂತಿರುವ ಜನರು.
- ಕಾಳಗಿಯಲ್ಲಿ ಒಂದೂವರೆ ತಿಂಗಳಾದರೂ ಸಿಗದ ಸಿಲಿಂಡರ್
- ಇಂಡೇನ್ಗಿಲ್ಲ ತೊಂದ್ರೆ, ಎಚ್ಪಿ ಸರಬರಾಜು ಆಗ್ತಿಲ್ಲ
ಕಾಳಗಿ: ಪಟ್ಟಣ ಸೇರಿ ತಾಲೂಕಿನಾದ್ಯಂತ ಅಡುಗೆ ಅನಿಲ ಸಮಸ್ಯೆ ಮಿತಿಮೀರಿದ್ದು, ಒಂದೂವರೆ ತಿಂಗಳಾದರೂ ಸಿಲಿಂಡರ್ ಸಿಗದೆ ಜನರು ಪರದಾಡುತ್ತಿದ್ದಾರೆ.
ಪಟ್ಟಣದಲ್ಲಿ ಇಂಡೇನ್, ಎಚ್ಪಿ ಎರಡು ಗ್ಯಾಸ್ ಏಜೆನ್ಸಿಗಳಿದ್ದು, ಇಂಡೇನ್ ಯಾವುದೇ ಸಮಸ್ಯೆ ಇಲ್ಲದೆ ಜನರಿಗೆ ಸಿಲಿಂಡರ್ ತಲುಪಿಸುತ್ತಿದೆ. ಆದರೆ ಎಚ್ಪಿ ಗ್ರಾಹಕರು ಪಟ್ಟಣದಲ್ಲಿ ಹೆಚ್ಚಿದ್ದು, ಇವರಿಗೆ ಸಿಲಿಂಡರ್ ಸಿಗದೆ ಸಮಸ್ಯೆ ಸೃಷ್ಟಿಯಾಗಿದೆ. ಬುಕ್ ಮಾಡಿ ತಿಂಗಳು ಮುಗಿದರೂ ಮನೆಗೆ ಗ್ಯಾಸ್ ಬಾರದೆ ಪರದಾಡುವಂತಾಗಿದೆ.
ಮನೆಗೆ ಬಾರದಿರುವು ಕಳೆದು 3&4 ದಿನಗಳಿಂದ ಜನರೇ ಏಜೆನ್ಸಿ ಎದುರು ಖಾಲಿ ಸಿಲಿಂಡರ್ನೊಂದಿಗೆ ಸರದಿ ಸಾಲಿನಲ್ಲಿ ನಿಲ್ಲುವಂತ ಸ್ಥಿತಿ ನಿರ್ಮಾಣವಾಗಿದೆ. ಬಿಸಿಲನ್ನು ಲೆಕ್ಕಿಸದೆ ಸಾಲಿನಲ್ಲಿ ನಿಂತು ಸಿಲಿಂಡರ್ ಪಡೆಯಲು ಹರಸಾಹಸ ಪಡುತ್ತಿದ್ದಾರೆ. ಎಚ್ಪಿ ಕಂಪನಿಯ ಅಧಿಕೃತ ವಿತರಕರಾದ ಮಹಾಲಕ್ಷಿ$್ಮ ಗ್ಯಾಸ್ ಏಜೆನ್ಸಿ ಗ್ರಾಹಕರ ಪಾಸ್ಬುಕ್ ತಮ್ಮ ಬಳಿಯೇ ಇಟ್ಟುಕೊಂಡಿದ್ದು, ಬಂದಾಗಲೆಲ್ಲ ಏನಾದರೊಂದು ನೆಪ ಹೇಳಿ ವಾಪಸ್ ಕಳಿಸುತ್ತಿದ್ದಾರೆ.
ಕಾಳಸಂತೆ ಸರಳವಾಗಿ ಸಿಲಿಂಡರ್ ಲಭಿಸುತ್ತಿದ್ದಿ, ಮನೆಗಳಿಗೆ ವಿತರಣೆ ಮಾಡುವಲ್ಲಿ ಸಮಸ್ಯೆ ಉಂಟಾಗಿದೆ. ಏಜೆನ್ಸಿ ಅವರನ್ನು ಕೇಳಿದರೆ ಒಟಿಪಿ ಹೇಳಿ, ಇಕೆವೈಸಿ ಮಾಡಿಸಿ, ಫೋನ್ ಬದಲಾಯಿಸಿ, ಕಸ್ಟಮರ್ ಕಾಲ್ ಸೆಂಟರ್ಗೆ ಕರೆ ಮಾಡಿ ಎಂದು ಹೇಳಿಕೊಂಡು ದಿನದೂಡುತ್ತಿದ್ದಾರೆ ಎಂದು ಸ್ಥಳಿಯರು ದೂರುತ್ತಿದ್ದಾರೆ.