ಹೂಡಿಕೆದಾರರ ನೆರವಿಗೆ ಅಧಿಕಾರಿಗಳ ರ್ನಿಲಕ್ಷ$್ಯ

ಈ ಕುರಿತು ಸುದ್ದಿಗೋಷ್ಠಿ ಆಯೋಜಿಸಿ ಮಾತನಾಡಿದ ಗ್ರಾಹಕರ ವೇದಿಕೆಯ ರಾಜ್ಯ ಕಾರ್ಯದರ್ಶಿ ಕಾರ್ಗಿಲ್​ ಸತೀಶ್​, ಘಟನೆ ನಡೆದು ಒಂದು ವಾರ ಉರುಳಿದೆ. ಸಂಘದ ಪಿಗ್ನಿ ಸಂಗ್ರಾಹಕ ದಿವಾಕರ್​ ಆತ್ಮಹತ್ಯೆ ಮಾಡಿಕೊಂಡ ದಿನದಿಂದ ಕಚೇರಿಗೆ ಬೀಗ ಹಾಕಲಾಗಿದೆ. ಲಕ್ಷಾಂತರ ರೂಪಾಯಿ ಹಣ ಕಳೆದುಕೊಂಡ ನೂರಾರು ಬಡ ಗ್ರಾಹಕರು ಬೀದಿಯಲ್ಲಿ ನಿಂತು ಕಣ್ಣೀರು ಹಾಕುತ್ತಿದ್ದಾರೆ. ಸಾಮಾಜಿಕ ಜಾಲತಾಣ ಮತ್ತು ಮಾಧ್ಯಮಗಳಲ್ಲಿ ಈ ವಂಚನೆ ಸುದ್ದಿಯಾದರೂ ಸಹಕಾರ ಇಲಾಖೆಯ ಉಪ ನಿಬಂಧಕರು ಅಥವಾ ಸಹಾಯಕ ನಿಬಂಧಕರು ಸ್ಥಳಕ್ಕೆ ಭೇಟಿ ನೀಡಿ ಗ್ರಾಹಕರಿಗೆ ಧೈರ್ಯ ತುಂಬುವ ಕೆಲಸ ಮಾಡಿಲ. ಡಿಸಿಸಿ ಬ್ಯಾಂಕ್​ ಮತ್ತು ಎಆರ್​ ಆಫೀಸ್​ ಅನುಮತಿ ಮೇರೆಗೆ ನಡೆಯುವ ಇಂತಹ ಸಂಘಗಳ ಮೇಲೆ ಅಧಿಕಾರಿಗಳ ನಿಯಂತ್ರಣ ಇಲ್ಲದಿರುವುದು ಅನುಮಾನಕ್ಕೆ ಎಡೆಮಾಡಿಕೊಟ್ಟಿದೆ ಎಂದು ಅಸಮದಾನ ವ್ಯಕ್ತಪಡಿಸಿದರು.

ಈ ಸಂಬಂಧ ಪೊಲೀಸ್​ ಠಾಣೆಗೆ ದೂರು ನೀಡಿದರೂ ತನಿಖೆಯ ವೇಗ ಕುಂಠಿತವಾಗಿದೆ. ಬಡ ಗ್ರಾಹಕರು ಕಷ್ಟಪಟ್ಟು ಉಳಿಸಿದ ಹಣಕ್ಕೆ ನ್ಯಾಯ ಸಿಗಬೇಕು. ಅಧಿಕಾರಿ ವರ್ಗವು ತಕ್ಷಣ ಎಚ್ಚೆತ್ತುಕೊಂಡು, ತನಿಖೆ ಆರಂಭಿಸಿ ಹೂಡಿಕೆದಾರರ ಹಣವನ್ನು ಮರಳಿಸಲು ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು.