ಮದುವೆಯಾದ ಪ್ರೇಮಿಗಳಿಗೆ ಪ್ರಾಣ ಬೆದರಿಕೆ!

ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ದೇವನಹಳ್ಳಿ ತಾಲೂಕಿನ ಸಾವಕನಹಳ್ಳಿ ಶಶಿಕಲಾ (29) ಹಾಗೂ ಹೊಸಕೋಟೆ ತಾಲೂಕಿನ ಹಳೇಯೂರಿನ ಪ್ರವಿಣ್​ (24) ಪ್ರೇಮಿಗಳು. ಇಲ್ಲಿನ ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಕಚೇರಿಯ ಮಹಿಳಾ ಪೊಲೀಸ್​ ಠಾಣೆಗೆ ಬಂದು ರಕ್ಷಣೆ ಪಡೆದಿದ್ದಾರೆ.

5 ವರ್ಷಗಳಿಂದಲೂ ಪ್ರೀತಿಸುತ್ತಿದ್ದ ಪ್ರೇಮಿಗಳ ಮದುವೆಗೆ ಪಾಲಕರು ವಿರೋಧ ವ್ಯಕ್ತಪಡಿಸಿದ್ದಾರೆ. ಇದರ ನಡುವೆ ಯುವತಿಗೆ ಬೇರೊಬ್ಬ ಯುವಕನೊಂದಿಗೆ ಮದುವೆ ಮಾಡಲು ಯತ್ನಿಸಲಾಗಿದೆ ಎನ್ನಲಾಗಿದೆ. ಇದರಿಂದ ಜೋಡಿ ಮನೆ ಬಿಟ್ಟು ಬಂದಿದ್ದು, ದೇಗುಲದಲ್ಲಿ ಶಶಿಕಲಾಗೆ ಪ್ರವಿಣ್​ ತಾಳಿ ಕಟ್ಟಿದ್ದಾನೆ. ಬಳಿಕ ರಕ್ಷಣೆ ಬಯಸಿ ದಾಖಲೆ ಸಮೇತ ಇಬ್ಬರೂ ಇಲ್ಲಿನ ಪೊಲೀಸ್​ ಠಾಣೆಗೆ ಬಂದಿದ್ದಾರೆ.

ಇದರಿಂದ ಪ್ರೇಮಿಗಳ ಪಾಲಕರನ್ನು ಕರೆಸಿಕೊಂಡ ಪೊಲೀಸರು, ನಿಯಮಾನುಸಾರ ಹೇಳಿಕೆ ಪಡೆದು ಬಳಿಕ ಕಳುಹಿಸಿದ್ದಾರೆ. ಇನ್ನು ದೂರದ ಸಂಬಂಧದಲ್ಲಿ ಶಶಿಕಲಾ ಹಾಗೂ ಪ್ರವಿಣ್​ ಅಕ್ಕ ತಮ್ಮ ಆಗುತ್ತಾರೆ ಎಂಬುದಾಗಿ ಕುಟುಂಬಸ್ಥರು ತಿಳಿಸಿದ್ದು ಇದನ್ನು ಪ್ರೇಮಿಗಳು ನಿರಾಕರಿಸಿದ್ದಾರೆ.